رومیوں 15:14 - کِتاب مُقدّس سرائیکی ترجمہ

¹⁴ میڈے بِھراؤ! میکُوں تُہاڈے بارے ءچ یقین ہے جو تُساں خود وی نیکی تے علم نال بھریج گئے ہیوے تے ہِک ڈُوجھے کُوں نصیحت کرݨ دے قابل وی ہیوے۔

رومیوں 15:14 Referans Kwoze

2 پطرس 1:12

اِیں واسطے مَیں تُہاکُوں ایہ گالھیں ہمیشاں یاد ڈیویندا راہساں بھانویں تُساں اُنہاں کنُوں واقف ہیوے تے اُوں سچائی اُتے قائم ہیوے جیہڑی تُہاکُوں مِلی ہے۔

1 یُوحنّا 2:21

مَیں تُہاکُوں اِیں واسطے نئیں لِکھیا جو تُساں سچائی کُوں نئیں جانڑدے بلکہ اِیں واسطے جو تُساں سچائی کُوں جانڑدے ہیوے تے اِیں واسطے وی جو کوئی کُوڑ سچائی دی طرفوں نئیں۔

1کُرِنتھِیوں 8:1

بُتاں کُوں پیش کیتیاں ونجنڑ آلیاں قُربانیاں دے بارے ءچ ایہ ہے: اساں جانڑدے ہیں جو ”اساں سارا علم رکھیندے ہیں“ پر علم غرور پیدا کریندے جڈاں جو محبت ترقی بخشیندی ہے۔

1تھِسّلُنیکیوں 5:11

اِیں واسطے تُساں ہِک ڈُوجھے دی حوصلہ افزائی کرو تے ترقی دا سبب بنڑو جِینویں جو تُساں کریندے وی ہیوے۔

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

1کُرِنتھِیوں 8:10

کیوں جو جے کوئی کمزور اِیمان آلا تَیں علم رکھنڑ آلے کُوں بُت خانہ ءچ کھانڑا کھاندے ڈیکھے تاں کیا اُونکُوں آپنڑے ضمیر دے خلاف بُتاں دی قُربانی دے گوشت کُوں کھا گِھننڑ دی جُرأت نہ مِل ویسی؟

1کُرِنتھِیوں 8:7

پر ایہ علم ساریاں دے کولھ نئیں، بلکہ کُجھ ایماندار ہُنڑ تئیں بُتاں دے عادی ہِن۔ اِیں واسطے جِیں ویلے او قُربانی دا گوشت کھاندن تاں ایہ سمجھ تے جو بُت دی پُوجا کریندے پئین، آپنڑے ضمیر دی کمزوری دے سببّوں آپنڑے آپ کُوں قصُوروار سمجھنڑ لگدن۔

1کُرِنتھِیوں 1:5

تُساں اُوندے ءچ ہر لحاظ نال یعنی ہر قِسم دا کلام کرݨ تے علم رکھنڑ ءچ دولتمند تھی گئے ہیوے۔

فِلیمون 1:21

مَیں تیڈی فرمانبرداری اُتے یقین کر تے تیکُوں لِکھدا پِیا ہاں تے جانڑدا ہاں جو جیہڑا کُجھ تیکُوں آدھا پِیا ہاں، تُوں اُوں کنُوں ودھ کریسیں۔

1تھِسّلُنیکیوں 5:14

بِھراؤ! اساں تُہاڈی مِنت کریندے ہیں جو آلسیاں کُوں سمجھاؤ، بے دِلاں کُوں ہِمت ڈیواؤ، کمزوراں دی مدد کرو تے سارے لوکاں نال صبر نال پیش آؤ۔

اِفِسیوں 5:9

کیوں جو نُور دا پھل ہر طرحاں دی نیکی، پرہیزگاری تے سچائی ہے۔

عبرانیوں 6:9

عزیزو! بھانویں اساں ایہ گالھیں آدھے ہیں، وَل وی اساں تُہاڈے کیتے اِنہاں کنُوں چنگے گالھیں دا یقین رکھیندے ہیں جِنہاں دا تعلق نجات نال ہے۔

عبرانیوں 5:12

وقت دے حساب نال تاں ہُنڑ تئیں تُہاکُوں اُستاد ہوونڑا چاہیدا ہا پر ہُنڑ تئیں اِیں گالھ دی لوڑ ہے جو کوئی بندہ تُہاکُوں خُدا دے کلام دے بنیادی اصُول ولا سِکھاوے۔ تُہاکُوں روٹی کھاوݨ دی نئیں بلکہ کھیر پِیوݨ دی لوڑ ہے۔

2 تِیمُتھِیُس 1:5

میکُوں تیڈا او حقیقی اِیمان وی یاد آندے جیہڑا پہلے تیڈی نانی لُوئِس تے تیڈی ماء یُونِیکے دا ہا، تے میکُوں یقین ہے جو اُوہو اِیمان تیڈا وی ہے۔

فِلِپّیوں 1:11

تے یسُوع مسیح دے وسیلے نال راستبازی دے پھل نال بھریندے راہو۔ تے اِینویں خُدا دے جلال دی تعریف تھیوے۔

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

1کُرِنتھِیوں 13:2

تے جے میکُوں نبُوّت دی نعمت مِلے تے مَیں ہر راز تے علم کنُوں واقف تھی وَنجاں، تے جے میڈا اِیمان اِتُھوں تئیں کامِل ہووے جو پہاڑاں کُوں ہٹا ڈیواں، پر محبت نہ رکھاں تاں مَیں کُجھ وی نئیں۔

1کُرِنتھِیوں 12:8

کہیں کُوں رُوح القُدس دی طرفوں حِکمت نال بھریا ہویا کلام ڈِتا ویندے تے کہیں کُوں اُونہئی رُوح دے وسیلے علم نال بھریا ہویا کلام۔

2کُرِنتھِیوں 8:7

بس جِینویں تُساں ہر گالھ ءچ یعنی اِیمان، کلام، علم، جوش تے ساڈے نال محبت ءچ ودھدے ویندے ہیوے، اُونویں ای اِیں خیرات دے کم ءچ وی اگُوں ودھدے ونجو۔

2تھِسّلُنیکیوں 1:11

اِیں واسطے اساں تُہاڈے کیتے ہر ویلے دُعا کریندے راہندے ہیں جو ساڈا خُدا تُہاکُوں اُوں بُلاوے دے لائق بنڑاوے جیندے کیتے اُوں تُہاکُوں سڈے تے تُہاڈی ہر نیک خواہش تے اِیمان نال کیتے ہوئے کم کُوں آپنڑی قُدرت نال پُورا کرے،