رومیوں 14:2 - کِتاب مُقدّس سرائیکی ترجمہ

² ہِک بندے دا اعتقاد ہے جو ہر چیز کھا سگدے پر ڈُوجھا بندہ جِیندا اِیمان کمزور ہے، او صرف سبزیاں کھاندے۔

رومیوں 14:2 Referans Kwoze

1 تِیمُتھِیُس 4:4

خُدا دی پیدا کیتی ہوئی ہر ہِک چیز چنگی ہے تے جے شُکرگزاری نال کھادی ونجے تاں کہیں وی چیز تُوں اِنکار نئیں کرݨ چاہیدا،

رومیوں 14:14

میکُوں پتہ ہے بلکہ خُداوند یسُوع ءچ پُورا یقین ہے جو کوئی چیز آپنڑے آپ ءچ حرام نئیں ہوندی، پر جیہڑا اُونکُوں حرام سمجھدے اُوندے کیتے حرام ہے۔

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔

گلتِیوں 2:12

اِیں واسطے جو یعقُوب دی طرفوں کُجھ لوکاں دے آوݨ کنُوں پہلے پطرس غیر قوماں دے نال کھانڑا کھاندا ہا پر جِیں ویلے او لوک اُتھاں پُجے تاں پطرس ختنہ کرواوݨ اُتے زور ڈیوݨ آلیاں دے ڈر کنُوں رُک گِیا تے غیر قوماں تُوں اَنج تھی گِیا۔

عبرانیوں 9:10

اُنہاں دا تعلق صرف کھاوݨ پِیوݨ تے غُسل دیاں مختلف رسماں نال ہے۔ ایہ جِسمانی قانُون ہِن جیہڑے صرف نویں نِظام دے آوݨ تئیں مقرر کیتے گئے ہِن۔

طِطُس 1:15

جیہڑے خود پاک ہِن اُنہاں کیتے سبھ چیزاں پاک ہِن، پر ناپاک تے اِیمان نہ رکھنڑ آلیاں کیتے کوئی چیز پاک نئیں، کیوں جو اُنہاں دی عقل تے دل ڈوہائیں ناپاک ہِن۔

1کُرِنتھِیوں 10:25

جیہڑا گوشت بازار ءچ وِکدے، او کھاؤ تے آپنڑے ضمیر کُوں تسلی ڈیوݨ کیتے اِیندے بارے ءچ کُجھ نہ پُچھو۔

رومیوں 14:1

کمزور اِیمان آلے کُوں آپنڑے ءچ شامل تاں کر گِھنو پر جِینکُوں او صحیح یا غلط سمجھدا ہے اُوندے بارے ءچ تکرار نہ کرو۔

رومیوں 14:20

صرف کھاوݨ دی خاطر خُدا دے کم کُوں نہ وِگاڑ۔ ہر چیز پاک تاں ہے پر جے تیڈے کھاوݨ نال ڈُوجھے کُوں تُھڈا لگدے تاں وَل او غلط ہے۔

رومیوں 15:1

اساں جیہڑے اِیمان ءچ پکّے ہیں ساڈا فرض ہے جو کمزور اِیمان آلیاں دیاں کمزوریاں دا لحاظ کرُوں، نہ صرف آپنڑی خوشی کرُوں۔

1کُرِنتھِیوں 8:9

پر خبردار راہو، اِینویں نہ تھیوے جو تُہاڈی ایہ ازادی کمزور اِیمان آلیاں کیتے تُھڈا کھاوݨ دا سبب بنڑ ونجے۔

1کُرِنتھِیوں 9:22

کمزوراں دی خاطر کمزور بنڑیا تاں جو کمزوراں کُوں گِھن آواں۔ مَیں ساریاں لوکاں دی خاطر سبھ کُجھ بنڑیا تاں جو کہیں نہ کہیں طرحاں کُجھ کُوں بچا سگاں۔