رومیوں 14:14 - کِتاب مُقدّس سرائیکی ترجمہ

¹⁴ میکُوں پتہ ہے بلکہ خُداوند یسُوع ءچ پُورا یقین ہے جو کوئی چیز آپنڑے آپ ءچ حرام نئیں ہوندی، پر جیہڑا اُونکُوں حرام سمجھدے اُوندے کیتے حرام ہے۔

رومیوں 14:14 Referans Kwoze

طِطُس 1:15

جیہڑے خود پاک ہِن اُنہاں کیتے سبھ چیزاں پاک ہِن، پر ناپاک تے اِیمان نہ رکھنڑ آلیاں کیتے کوئی چیز پاک نئیں، کیوں جو اُنہاں دی عقل تے دل ڈوہائیں ناپاک ہِن۔

رومیوں 14:2

ہِک بندے دا اعتقاد ہے جو ہر چیز کھا سگدے پر ڈُوجھا بندہ جِیندا اِیمان کمزور ہے، او صرف سبزیاں کھاندے۔

1کُرِنتھِیوں 8:7

پر ایہ علم ساریاں دے کولھ نئیں، بلکہ کُجھ ایماندار ہُنڑ تئیں بُتاں دے عادی ہِن۔ اِیں واسطے جِیں ویلے او قُربانی دا گوشت کھاندن تاں ایہ سمجھ تے جو بُت دی پُوجا کریندے پئین، آپنڑے ضمیر دی کمزوری دے سببّوں آپنڑے آپ کُوں قصُوروار سمجھنڑ لگدن۔

1 تِیمُتھِیُس 4:4

خُدا دی پیدا کیتی ہوئی ہر ہِک چیز چنگی ہے تے جے شُکرگزاری نال کھادی ونجے تاں کہیں وی چیز تُوں اِنکار نئیں کرݨ چاہیدا،

1کُرِنتھِیوں 8:10

کیوں جو جے کوئی کمزور اِیمان آلا تَیں علم رکھنڑ آلے کُوں بُت خانہ ءچ کھانڑا کھاندے ڈیکھے تاں کیا اُونکُوں آپنڑے ضمیر دے خلاف بُتاں دی قُربانی دے گوشت کُوں کھا گِھننڑ دی جُرأت نہ مِل ویسی؟

اعمال 10:28

اُنہاں کُوں آکھیا، ”تُساں جانڑدے ہیوے جو کہیں یہُودی دا غیریہُودی نال اُٹھنڑ باہنڑ یا اُوندے کولھ ونجنڑ شرع دے خلاف ہے پر خُدا میڈے اُتے ظاہر کیتے جو مَیں کہیں بندے کُوں پلیت یا ناپاک نہ آکھاں۔

1کُرِنتھِیوں 10:25

جیہڑا گوشت بازار ءچ وِکدے، او کھاؤ تے آپنڑے ضمیر کُوں تسلی ڈیوݨ کیتے اِیندے بارے ءچ کُجھ نہ پُچھو۔

رومیوں 14:23

پر جیہڑا بندہ کہیں چیز دے بارے ءچ شک کریندے تے وَل وی اُونکُوں کھاندے او آپنڑے آپ کُوں قصُوروار کھڑیندے کیوں جو او اِیمان نال نئیں کھاندا۔ تے جیہڑا کُجھ اِیمان نال نئیں او گُناہ ہے۔

رومیوں 14:20

صرف کھاوݨ دی خاطر خُدا دے کم کُوں نہ وِگاڑ۔ ہر چیز پاک تاں ہے پر جے تیڈے کھاوݨ نال ڈُوجھے کُوں تُھڈا لگدے تاں وَل او غلط ہے۔

مرقس 7:2

تے اُنہاں ڈِٹھا جو اُوندے کُجھ شاگرد ناپاک ہتھاں نال یعنی ہتھ دھوتے بغیر کھانڑا کھاندے ہِن۔