رومیوں 13:9 - کِتاب مُقدّس سرائیکی ترجمہ

⁹ کیوں جو ایہ سارے حُکم جو ”زِنا نہ کر، خون نہ کر، چوری نہ کر، لالچ نہ کر“ تے اِنہاں دے علاوہ جیہڑے وی حُکم باقی ہِن، اُنہاں ساریاں دا خلاصہ اِیں ہِک حُکم ءچ موجود ہے جو ”آپنڑے ہمسائے نال آپنڑے وانگُوں محبت رکھ۔“

رومیوں 13:9 Referans Kwoze

متّی 22:39

تے ڈُوجھا اِیندے وانگُوں ایہ ہے جو آپنڑے ہمسائے نال آپنڑے وانگُوں محبت رکھ۔

لُوقا 10:27

اُوں جواب ءچ آکھیا، ”رب العالمین آپنڑے خُدا نال آپنڑے سارے دل تے آپنڑی ساری جان تے آپنڑی ساری طاقت تے آپنڑی ساری عقل نال محبت رکھ تے آپنڑے ہمسائے نال آپنڑے وانگُوں محبت رکھ۔“

مرقس 12:31

ڈُوجھا ایہ ہے جو ’آپنڑے ہمسائے نال اُونویں ای محبت رکھ جِینویں آپنڑے نال رکھیندیں۔‘ اِنہاں کنُوں وڈا بِیا کوئی حُکم نئیں۔“

گلتِیوں 5:13

بِھراؤ! تُساں ازاد راہنڑ کیتے سڈے گئے ہیوے پر اِیں ازادی کُوں آپنڑیاں جِسمانی خواہشاں کُوں پُورا کرݨ کیتے اِستعمال نہ کرو بلکہ محبت نال ہِک ڈُوجھے دی خدمت کریندے راہو۔

لُوقا 18:20

تُوں حُکماں کُوں تاں جانڑدا ہیں جو زِنا نہ کر، خون نہ کر، چوری نہ کر، کُوڑی گواہی نہ ڈے، آپنڑے ماء پِیُو دی عزت کر۔“

مرقس 10:19

تُوں حُکماں کُوں تاں جانڑدا ہیں جو ’خون نہ کر، زِنا نہ کر، چوری نہ کر، کُوڑی گواہی نہ ڈے، فریب نہ کر، آپنڑے ماء پِیُو دی عزت کر‘۔“