رومیوں 13:2 - کِتاب مُقدّس سرائیکی ترجمہ

² اِیں واسطے جیہڑا کوئی حکُومت دی مخالفت کریندے او خُدا دے قائم کیتے ہوئے اِنتظام دی مخالفت کریندے، اُونکُوں سزا مِلسی۔

رومیوں 13:2 Referans Kwoze

1 پطرس 2:13

خُداوند دی خاطر ہر اِنسانی اِنتظام دے تابع راہو، بھانویں بادشاہ ہووے جیہڑا سبھ تُوں اعلیٰ اِختیار آلا ہے،

طِطُس 3:1

لوکاں کُوں یاد ڈیوا جو او حاکماں تے اِختیار آلیاں دے تابع راہوݨ، اُنہاں دا حُکم مننڑ تے ہر نیک کم کُوں کرݨ کیتے تیار راہوݨ،

یعقُوب 3:1

میڈے بِھراؤ! تُہاڈے ءچوں بہُوں سارے کلام سِکھاوݨ آلے نہ بنڑݨ کیوں جو تُساں جانڑدے ہیوے جو خُدا ڈُوجھیاں دے مُقابلے ءچ اساں اُستاداں دی زیادہ سختی نال عدالت کریسی۔

رومیوں 13:5

اِیں واسطے نہ صرف سزا کنُوں بچنڑ کیتے بلکہ آپنڑے ضمیر کُوں صاف رکھنڑ کیتے وی حکُومت دے تابع راہو۔

مرقس 12:40

او بیوہ عورتاں دے گھراں کُوں ہڑپ کر گِھندے ہِن تے ڈِکھاوے کیتے لمبیاں لمبیاں دُعاواں کریندے ہِن۔ اُنہاں کُوں زیادہ سزا مِلسی۔“

لُوقا 20:47

او بیوہ عورتاں دے گھراں کُوں ہڑپ کر گِھندے ہِن تے ڈِکھاوے کیتے لمبیاں لمبیاں دُعاواں کریندے ہِن۔ اُنہاں کُوں زیادہ سزا مِلسی۔“

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

رومیوں 9:19

ہُنڑ تُوں میکُوں اکھیسیں ”وَل خُدا ساکُوں کیوں قصُوروار آدھے؟ کوݨ اُوندی مرضی دے خلاف کھڑا تھی سگدے؟“

رومیوں 13:1

ہر بندہ اِختیار آلیاں حکومتاں دی تابعداری کرے، کیوں جو کوئی حکُومت ایجھی نئیں جیہڑی خُدا دی طرفوں نہ ہووے۔ جیہڑیاں حکومتاں موجود ہِن، خُدا ای دی طرفوں مقرر تھئیاں ہِن۔

رومیوں 13:3

کیوں جو نیک کم کرݨ آلا حاکماں کنُوں نئیں ڈردا۔ پر بُرے کم کرݨ آلا ڈردے۔ جے تُوں حاکم کنُوں بے خوف راہوݨ چاہندیں تاں نیکی کیتا کر، وَل اُوندی طرفوں تیکُوں شاباش مِلسی۔