رومیوں 13:13 - کِتاب مُقدّس سرائیکی ترجمہ

¹³ اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

رومیوں 13:13 Referans Kwoze

گلتِیوں 5:21

بُغض، نشہ بازی، نچنڑ ٹپنڑ تے اِنہاں جِیہے بئے کم۔ اِنہاں گالھیں دے بارے ءچ مَیں پہلے تُہاکُوں آکھیا ہا تے ہُنڑ ولا آدھا ہاں، جو ایجھے کم کرݨ آلے خُدا دی بادشاہی دے وارث نہ ہوسن۔

اِفِسیوں 5:18

شراب ءچ دُھت نہ تھیؤ کیوں جو ایہ بدکاری دو گِھن ویندی ہے بلکہ رُوح القُدس نال بھریندے راہو۔

1تھِسّلُنیکیوں 4:12

اِینویں تُساں باہر آلیاں دے سامنڑے عزت دی زندگی گُزریسو تے کہیں چیز دے مُتھاج نہ راہسو۔

1 یُوحنّا 2:6

جیہڑا کوئی آدھے جو میں خُدا ءچ قائم ہاں تاں اُونکُوں چاہیدے جو او وی اُونویں ای زندگی گُزارے جِینویں مسیح گُزاری۔

اِفِسیوں 5:15

بس غور نال ڈیکھو جو تُساں کِینویں زندگی گُزریندے ہیوے، بے سمجھاں وانگُوں نئیں بلکہ سمجھداراں وانگُوں زندگی گُزارو۔

1تھِسّلُنیکیوں 2:12

اساں ہر ہِک کُوں نصیحت تے تسلی ڈیندے ریہے تے سمجھیندے ریہے جو تُساں خُدا دے لائق زندگی گُزارو، جئیں تُہاکُوں آپنڑی بادشاہی تے جلال ءچ شریک تھیوݨ کیتے سڈیا ہے۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

1تھِسّلُنیکیوں 5:17

بلاناغہ دُعا کرو۔

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

یہُوداہ 1:23

کُجھ کُوں بھاہ ءچوں جھپٹّا مار تے بچا گِھنو تے کُجھ اُتے خُدا دے خوف نال رحم کرو تے اُوں پُشاک تُوں نفرت کرو جیہڑی اِنسانی فطرت دی وجہ کنُوں داغ دار تھی گئی ہے۔

2 یُوحنّا 1:4

جِیں ویلے میکُوں پتہ چلیا جو تیڈے کُچھ فرزند باپ دے حُکم دے مطابق سچائی اُتے ٹُردے ریہے ہِن تاں میکُوں خوشی تھئی۔

یعقُوب 4:5

کیا تُساں ایہ سوچیندے ہیوے جو خُدا دا کلام بے مقصد فرمیندے جو خُدا اُوں رُوح کیتے جیہڑا اُوں ساڈے دِلاں ءچ وسایا ہے غیرت رکھیندا ہے ؟

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

فِلِپّیوں 2:3

خود غرضی تے غیر مناسب فخر کنُوں دُور راہو بلکہ حلیمی نال ہِک ڈُوجھے کُوں آپنڑے تُوں چنگا سمجھو۔

اِفِسیوں 5:8

کیوں جو پہلے تُساں اندھارے ءچ ہَوے پر ہُنڑ خُداوند ءچ ہوندے ہوئے تُساں نُور ءچ ہیوے۔ بس نُور دے فرزنداں وانگُوں زندگی گُزارو۔

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

گلتِیوں 5:19

نفسانی کم تاں صاف ظاہر ہِن یعنی، زِناکاری، ناپاکی، شہوت پرستی،

اعمال 2:15

ایہ لوک نشہ ءچ نئیں جِینویں تُساں سمجھدے پئے ہیوے کیوں جو حالی تاں سویل دے نؤں وجے ہِن۔

لُوقا 16:19

ہِک امیر بندہ ہا جیہڑا قیمتی تے نفِیس کپڑے پَیندا تے ہر روز خوشی منیندا تے عیش کریندا ہا۔

لُوقا 1:6

او ڈوہائیں خُدا دی نظر ءچ نیک ہَن تے خُداوند دے سارے حُکماں تے قانُوناں اُتے بے عیب عمل کریندے ہَن۔

1کُرِنتھِیوں 3:3

تُساں اجنڑ تئیں جِسمانی لوکاں وانگُوں زندگی گُزریندے پئے ہیوے۔ کیوں جو تُہاڈے ءچ حسد تے جھیڑے ہِن تاں کیا تُساں دُنیاوی نئیں؟ کیا تُساں اِنسانی طور طریقے اُتے نئیں چلدے پئے؟