رومیوں 12:7 - کِتاب مُقدّس سرائیکی ترجمہ

⁷ یا جِینکُوں خدمت کرݨ دی نعمت مِلی ہووے، او خدمت ءچ مصروف راہوے۔ یا جِینکُوں تعلیم ڈیوݨ دی نعمت مِلی ہووے، او تعلیم ڈیندا راہوے۔

رومیوں 12:7 Referans Kwoze

اِفِسیوں 4:11

اُوں کُجھ لوکاں کُوں رسُول، کُجھ کُوں نبی، کُجھ کُوں تبلیغ کرݨ آلے تے کُجھ کُوں نگہبان تے کُجھ کُوں اُستاد بنڑایا،

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

1 تِیمُتھِیُس 5:17

جیہڑے بزُرگ چنگی راہنمائی کریندے ہِن، خاص کر او جیہڑے کلام سُنڑیندے تے تعلیم ڈیندے ہِن، ڈُونڑی عزت دے حقدار ہِن۔

اعمال 13:1

انطاکِیہ دی کلیسیا ءچ کئی نبی تے اُستاد ہَن یعنی برنباس تے شمعون جیہڑا کالا اکھویندے تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا ہا تے ساؤل۔

2 تِیمُتھِیُس 2:24

تے خُداوند دے خادم کُوں جھیڑا نئیں کرنڑا چاہیدا بلکہ او ساریاں نال نرمی نال پیش آوے، تعلیم ڈیوݨ دے لائق تے برداشت کرݨ آلا ہووے۔

2 تِیمُتھِیُس 2:2

تے جیہڑے گالھیں تُوں میڈے کنُوں بہُوں سارے گواہاں دی موجودگی ءچ سُنڑیاں ہِن، اُنہاں کُوں ایجھے دیانتدار لوکاں دے سپُرد کر جیہڑے ڈُوجھیاں کُوں وی سِکھاوݨ دے قابل ہووݨ۔

1 تِیمُتھِیُس 4:16

آپنڑے چال چلنڑ تے آپنڑی تعلیم دا خاص خیال رکھ۔ اِنہاں گالھیں اُتے عمل کریندا رہ کیوں جو اِینویں کرݨ نال تُوں آپنڑی تے آپنڑے سُنڑݨ آلیاں دی نجات دا سبب ہوسیں۔

1 تِیمُتھِیُس 3:2

اِیں واسطے نگہبان کُوں چاہیدے جو او بے اِلزام، ہِک ذال دا پایا، پرہیزگار، مُتّقی، شریف، مہمان نواز تے تعلیم ڈیوݨ دے قابل ہووے۔

1 تِیمُتھِیُس 2:7

اِیں مقصد کیتے میکُوں تبلیغ کرݨ آلا تے رسُول تے غیر قوماں کُوں اِیمان تے سچائی دے گالھیں سِکھاوݨ آلا مقرر کیتا گِیا۔ مَیں کُوڑ نئیں مریندا بلکہ سچ آدھا ہاں۔

کلُسِّیوں 4:17

اَرخِپُس کُوں اکھائے جو جیہڑی خدمت خُداوند ءچ اُوندے سپُرد تھئی ہے اُونکُوں ہوشیاری نال پُورا کرے۔

گلتِیوں 6:6

کلام دی تعلیم پاوݨ آلا آپنڑیاں ساریاں چنگیاں چیزاں ءچ تعلیم ڈیوݨ آلے کُوں شامل کرے۔

1کُرِنتھِیوں 12:28

تے خُدا کلیسیا ءچ پہلے رسُول، ڈُوجھے نبی، تریجھے اُستاد، وَل معجزے ڈِکھاوݨ آلے، وَل شِفا ڈیوݨ دی نعمت آلے، مددگار، اِنتظام چلاوݨ آلے، تے طرحاں طرحاں دیاں زباناں بولنڑ آلے مقرر کیتے۔

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

اعمال 20:20

جیہڑے گالھیں تُہاڈے فائدے کیتے ہَن اُنہاں کُوں مَیں بغیر کہیں جِھجک دے بیان کیتا بلکہ اعلانیہ طور تے گھر گھر وَنج تے سِکھایا۔

اعمال 6:1

اُنہاں ڈینہاں ءچ جِیں ویلے شاگرداں دی تعداد ودھدی ویندی ہئی تاں یُونانی بولنڑ آلے یہُودی، عبرانیاں دی شکایت کرݨ لگے جو ہر روز جِیں ویلے کھانڑا تقسیم تھیندا ہے تاں ساڈیاں بیوہ عورتاں کُوں نظر انداز کیتا ویندے۔

یُوحنّا 3:2

او رات دے ویلے یسُوع دے کولھ آ تے آکھنڑ لگا، ”ربّی! اساں جانڑدے ہیں جو تُساں خُدا دی طرفوں آئے ہوئے اُستاد ہیوے کیوں جو جیہڑے معجزے تُساں ڈکھیندے ہیوے، کوئی نئیں ڈِکھا سگدا جئیں تئیں خُدا اُوندے نال نہ ہووے۔“

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

1کُرِنتھِیوں 12:5

خدمتاں وی طرحاں طرحاں دیاں ہِن، پر خُداوند ہِک ای ہے۔

1کُرِنتھِیوں 14:26

بِھراؤ! وَل کیا کرنڑا چاہیدے؟ جِیں ویلے تُساں عبادت کیتے جمع تھیندے ہیوے تاں ہر ہِک دے دل ءچ کوئی زبُور یا تعلیم یا مُکاشفہ یا غیر زبان یا اُوندا ترجمہ ہوندے۔ بس سبھ کُجھ رُوحانی ترقی کیتے ہوونڑا چاہیدے۔