رومیوں 12:16 - کِتاب مُقدّس سرائیکی ترجمہ

¹⁶ ہِک ڈُوجھے نال اِتفاق نال راہو۔ اُچے اُچے خیال نہ بدھو، بلکہ پست لوکاں نال میل جول رکھو۔ آپنڑے آپ کُوں ڈُوجھیاں کنُوں عقل مند نہ سمجھو۔

رومیوں 12:16 Referans Kwoze

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

عبرانیوں 13:5

پیسے دے لالچ کنُوں دُور راہو تے جِتنا تُہاڈے کولھ ہے اُوندے ءچ خوش راہو، کیوں جو خُدا فرمائے ”مَیں تَیں تُوں آپنڑا ہتھ کڈھائیں نہ چیساں تے تیکُوں کڈھائیں نہ چُھڑیساں۔“

رومیوں 15:5

ہُنڑ صبر تے تسلی ڈیوݨ آلا خُدا تُہاکُوں مسیح یسُوع دے بندے ہوندے ہوئے آپس ءچ ہِک دل تھی تے راہوݨ دی توفیق ڈیوے۔

رومیوں 12:3

مَیں اُوں فضل دی وجہ کنُوں جیہڑا میڈے اُتے تھئے، تُہاڈے ءچوں ہر ہِک کُوں آدھا ہاں جو جِتنا سمجھنڑ مناسب ہے کوئی آپنڑے آپ کُوں اُوں کنُوں زیادہ نہ سمجھے بلکہ ہر ہِک آپنڑی حقیقت کُوں اُوں اِیمان دے ناپ دے مطابق چنگی طرحاں جاݨ گِھنے، جیہڑا خُدا اُونکُوں بخش ڈِتے۔

1کُرِنتھِیوں 3:18

آپنڑے آپ کُوں فریب نہ ڈیؤ۔ جے تُہاڈے ءچوں کوئی آپنڑے آپ کُوں اِیں دُنیا دے معیار دے مطابق حِکمت آلا سمجھدا ہے تاں او نادان بنڑے تاں جو سچ مُچ دانا بنڑ سگے۔

2کُرِنتھِیوں 13:11

غرض بِھراؤ! خوش راہو، کامِل بنڑدے ونجو، حوصلہ رکھو، ہِک سوچ رکھو، میل مِلاپ رکھو، وَل خُدا جیہڑا محبت تے سلامتی دا سرچشمہ ہے تُہاڈے نال راہسی۔

رومیوں 11:25

بِھراؤ! مَیں اِیں راز کُوں تُہاکُوں سمجھاونڑاں چاہندا ہاں تاں جو تُساں آپنڑے آپ اُتے فخر نہ کرو۔ گالھ ایہ ہے جو اِسرائیل دا ہِک حصہ سخت دل تھی گِیا ہے تے جئیں تئیں غیر قوماں مکمل طور تے داخل نہ تھی ونجنڑ او اِینویں ای راہسی۔

لُوقا 14:13

بلکہ جڈاں تُوں دعوت کریں تاں غریباں، ٹُنڈیاں، مَنڈیاں تے اندھیاں کُوں سڈ،

1کُرِنتھِیوں 8:2

جیہڑا وی سمجھدا ہے جو او کُجھ جانڑدا ہے تاں او ہُنڑ تئیں اُونویں نئیں جانڑدا جِینویں جاننڑاں چاہیدے۔

1کُرِنتھِیوں 6:5

مَیں تُہاکُوں شرمندہ کرݨ کیتے ایہ آدھا ہاں۔ کیا واقعی تُہاڈے ءچ ہِک وی عقل مند نئیں جیہڑا آپنڑے بِھرانواں دا فیصلہ کر سگے؟

فِلِپّیوں 4:2

یُوؤدیہ تے سُنتخے ڈُوہائیں بھینڑیں دی میں مِنت کریندا ہاں جو تُساں خُداوند یسُوع ءچ یک دل راہو۔

1کُرِنتھِیوں 4:10

اساں مسیح دی خاطر بیوقُوف بنڑ گئے ہیں، پر تُساں مسیح ءچ عقل مند ہیوے۔ اساں کمزور ہیں پر تُساں زور آور ہیوے۔ لوک تُہاڈی عزت کریندن پر ساڈی بے عزتی۔

لُوقا 6:20

وَل اُوں آپنڑے شاگرداں اُتے نِگاہ کر تے آکھیا، ”مُبارک ہیوے تُساں جیہڑے غریب ہیوے کیوں جو خُدا دی بادشاہی تُہاڈی ہے۔

متّی 26:11

کیوں جو غریب تاں ہمیشاں تُہاڈے نال ہِن پر مَیں تُہاڈے نال ہمیشاں نہ راہساں۔

متّی 11:5

جو اندھے ڈیدھے ہِن، منڈے ٹُردے ہِن، کوڑھی پاک صاف کیتے ویندے ہِن، ڈورے سُنڑدے ہِن، مُردے زندہ کیتے ویندے ہِن تے غریباں کُوں خوشخبری سُنڑائی ویندی ہے۔

1 پطرس 5:3

تے جیہڑے لوک تُہاڈے سپُرد ہِن اُنہاں اُتے حُکم نہ چلاؤ بلکہ اِجڑ کیتے چنگا نمونہ بنڑو۔

فِلِپّیوں 3:16

بہرحال جِتھاں تئیں اساں پُج گئے ہیں، اُوندے مطابق زندگی گُزاروں۔

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

اعمال 4:32

اِیمانداراں دی جماعت ہِک دل تے یک جان ہئی تے کہیں وی آپنڑے مال کُوں آپنڑا نہ آکھیا بلکہ اُنہاں دی ہر چیز سانجھی ہئی۔

3 یُوحنّا 1:9

مَیں اُتھاں دی کلیسیا کُوں کُجھ لِکھیا تاں ہا پر دِیُترفِیس جیہڑا کلیسیا ءچ وڈا بنڑݨ چاہندے، ساکُوں قبول نئیں کریندا۔

رومیوں 6:2

ہرگز نئیں! اساں جیہڑے گُناہ دے اعتبار کنُوں مر گئے ہیں تاں ہُنڑ کِینویں گُناہ آلی زندگی گُزار سگدے ہیں؟

رومیوں 11:20

ٹھیک ہے۔ پر او اِیمان نہ گِھن آوݨ دے سببّوں کپ ڈِتیاں گئیاں تے تُوں تاں اِیمان گِھن آوݨ دی وجہ کنُوں قائم ہیں۔ بس مغرُور نہ تھی بلکہ ڈردا رہ،