رومیوں 11:32 - کِتاب مُقدّس سرائیکی ترجمہ

³² کیوں جو خُدا ساریاں کُوں نافرمانی ءچ گرفتار تھیوݨ ڈِتے تاں جو او ساریاں اُتے رحم کرے۔

رومیوں 11:32 Referans Kwoze

گلتِیوں 3:22

پر خُدا دا کلام آدھے جو سبھ لوک گُناہ دے قبضے ءچ ہِن تاں جو او وعدہ جیہڑا یسُوع مسیح اُتے اِیمان گِھن آوݨ نال مِلدے اُنہاں ساریاں نال پُورا کیتا ونجے جیہڑے اِیمان گِھن آندے ہِن۔

رومیوں 3:9

بس اِیندا نتیجہ کیا ہے؟ کیا اساں یہُودی اُنہاں کنُوں چنگے ہیں؟ اصلُوں نئیں۔ اساں تاں پہلے ای آکھ ڈِتے جو یہُودی تے غیریہُودی سارے دے سارے گُناہ دے قبضے ءچ ہِن۔

رومیوں 3:22

یعنی خُدا دی او راستبازی جیہڑی یسُوع مسیح اُتے اِیمان گِھن آوݨ نال سبھ اِیمانداراں کُوں مِلدی ہے۔ یہُودیاں تے غیر یہُودیاں ءچ کوئی فرق نئیں،

یُوحنّا 12:32

تے جِیں ویلے مَیں زمین کنُوں اُتے چڑھایا ویساں تاں ساریاں کُوں آپنڑے کولھ چھیک گِھنساں۔“

یُوحنّا 1:7

او اِیں واسطے آیا جو او نُور دی گواہی ڈیوے تاں جو سارے اُوندے وسیلہ نال اِیمان گِھن آوݨ۔

رومیوں 5:19

کیوں جو جِینویں ہِک بندے دی نافرمانی دے سببّوں بہُوں سارے لوک گُنہگار بنڑ گئے، اُونویں ای ہِک بندے دی فرمانبرداری دے سببّوں بہُوں سارے لوک راستباز کھڑائے ویسن۔

رومیوں 11:31

اِینویں ای ہُنڑ یہُودی نافرمانی کریندے ہِن تاں جو تُہاڈے اُتے رحم تھیوݨ دی وجہ کنُوں اُنہاں اُتے وی رحم تھیوے۔

گلتِیوں 3:23

اِیمان دی راہ بنڑݨ تُوں پہلے اساں شریعت دی قید ءچ ہسے تے جئیں تئیں اِیمان دی راہ ظاہر نہ تھی گئی، اساں پابند ہسے۔