رومیوں 11:30 - کِتاب مُقدّس سرائیکی ترجمہ

³⁰ جِینویں تُساں غیریہُودی پہلے نافرمان ہَوے پر ہُنڑ یہُودیاں دی نافرمانی دے سببّوں تُہاڈے اُتے خُدا دا رحم تھیّا ہے،

رومیوں 11:30 Referans Kwoze

کلُسِّیوں 3:7

ہِک وقت ہا جڈاں تُساں وی آپنڑی پُرانڑی زندگی ءچ اِنہاں دے مطابق چلدے ہَوے۔

1کُرِنتھِیوں 7:25

کُنواریاں دے بارے ءچ خُداوند دا ڈِتا ہویا کوئی حُکم میڈے کولھ نئیں، پر خُداوند دی رحمت نال ہِک دیانتدار بندے دی حیثیت نال مَیں آپنڑی شخصی رائے ڈیندا ہاں۔

2کُرِنتھِیوں 4:1

بس کیوں جو ساکُوں خُدا دی رحمت نال ایہ خدمت مِلی ہے، اِیں واسطے اساں ہِمت نئیں چھوڑیندے۔

رومیوں 11:31

اِینویں ای ہُنڑ یہُودی نافرمانی کریندے ہِن تاں جو تُہاڈے اُتے رحم تھیوݨ دی وجہ کنُوں اُنہاں اُتے وی رحم تھیوے۔

1 پطرس 2:10

پہلے تُساں کوئی اُمت نہ ہَوے، پر ہُنڑ خُدا دی اُمت بنڑ گئے ہیوے۔ پہلے تُہاڈے اُتے رحمت نہ تھئی ہئی پر ہُنڑ تُہاڈے اُتے رحمت تھئی ہے۔

1 تِیمُتھِیُس 1:18

تِیمُتِھیُس میڈے پوتر، مَیں تیکُوں ایہ نصیحت اُنہاں پیشنگوئیاں دے مطابق کریندا ہاں جیہڑیاں تیڈے بارے ءچ کیتیاں گئیاں ہَن تاں جو تُوں اُنہاں دی مدد نال چنگی لڑائی لڑیں،

رومیوں 11:29

کیوں جو خُدا دیاں نعمتاں تے اُوندا بُلاوا کڈھائیں تبدیل نئیں تھیندا۔

رومیوں 15:9

تے غیریہُودی خُدا دے رحم دی وجہ کنُوں اُوندی تعریف کرݨ۔ جِینویں لِکھیا ہے جو ”اِیں واسطے مَیں غیر قوماں ءچ تیڈا اِقرار کریساں، تے تیڈے ناں دی حمد کریساں۔“

عبرانیوں 3:18

تے خُدا کیندے بارے ءچ قَسم کھا تے آکھیا جو او اُوں جاہ ءچ کڈھائیں داخل نہ تھیسن جِتھاں مَیں اُنہاں کُوں ارام ڈیونڑا ہا؟ کیا ایہ اُوہو نئیں جِنہاں نافرمانی کیتی ہئی؟