رومیوں 11:25 - کِتاب مُقدّس سرائیکی ترجمہ

²⁵ بِھراؤ! مَیں اِیں راز کُوں تُہاکُوں سمجھاونڑاں چاہندا ہاں تاں جو تُساں آپنڑے آپ اُتے فخر نہ کرو۔ گالھ ایہ ہے جو اِسرائیل دا ہِک حصہ سخت دل تھی گِیا ہے تے جئیں تئیں غیر قوماں مکمل طور تے داخل نہ تھی ونجنڑ او اِینویں ای راہسی۔

رومیوں 11:25 Referans Kwoze

لُوقا 21:24

او تلوار نال قتل تھیسن تے قیدی تھی تے ساریاں قوماں ءچ پُچائے ویسن۔ تے جئیں تئیں غیر قوماں دا وقت پُورا نہ تھیوے، یروشلیم غیر قوماں دے پیراں تلے لتاڑیا ویسی۔

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

رومیوں 12:16

ہِک ڈُوجھے نال اِتفاق نال راہو۔ اُچے اُچے خیال نہ بدھو، بلکہ پست لوکاں نال میل جول رکھو۔ آپنڑے آپ کُوں ڈُوجھیاں کنُوں عقل مند نہ سمجھو۔

مُکاشفہ 10:7

بلکہ اُنہاں ڈینہاں ءچ جڈاں ستواں فرشتہ آپنڑا نرسِنگا وجاوݨ آلا ہوسی تاں خُدا دا لُکیا ہویا راز، جِینویں اُوں آپنڑے خدمت گُزار نبیاں کُوں ڈِتا ہا، کُھل تے پُورا تھی ویسی۔“

مُکاشفہ 7:9

اِیندے بعد جِیں ویلے مَیں نِگاہ کیتی تاں ڈِٹھا جو ہر قوم، قبیلہ، اُمت تے اہل زبان دی ہِک ایجھی وڈی بِھیڑ ہے جِیندا شمار کرݨ ممکن نئیں۔ او چِٹے کپڑے پا تے تخت تے لیلے دے سامنڑے کھڑی ہئی۔ تے او ہتھاں ءچ کھجور دیاں لڑیاں گِھدے ہوئے

اِفِسیوں 3:9

تے سارے لوکاں اُتے اُوں بھید آلا منصوبہ ظاہر کراں جیہڑا پُرانڑے زمانیاں ءچ ہر چیز کُوں پیدا کرݨ آلے خُدا دے کولھ لُکیا ہویا ہا۔

مُکاشفہ 11:15

جِیں ویلے ستویں فرشتے آپنڑا نرسِنگا وجایا تاں اسمان کنُوں اُچیاں اوازاں آوݨ لگیاں جیہڑیاں ایہ آدھیاں پئیاں ہَن، ”دُنیا دی بادشاہی ساڈے خُداوند تے اُوندے مسیح دی تھی گئی ہے تے او ہمیشاں تئیں بادشاہی کریندا راہسی۔“

2 پطرس 3:8

عزیزو! ہِک گالھ کڈھائیں نہ بُھلائے جو خُداوند دی نظر ءچ ہِک ڈینہہ ہزار سال تے ہزار سال ہِک ڈینہہ دے برابر ہِن۔

1کُرِنتھِیوں 10:1

بِھراؤ! مَیں تُہاکُوں یاد ڈیواوݨ چاہندا ہاں جو ساڈے پِیُو ڈاڈا کِینویں بدّل تلے ریہے تے سارے سمندر ءچوں تھی تے پار لنگھے۔

رومیوں 1:13

بِھراؤ، مَیں نئیں چاہندا جو تُساں اِیں گالھ کنُوں ناواقف راہو جو مَیں کئی پھیری تُہاڈے کولھ آوݨ دا اِرادہ کیتا، تاں جو جِینویں ڈُوجھیاں غیر قوماں ءچ میڈی خدمت پھل گِھن آئی، تُساں ءچ وی گِھن آوے، پر مَیں اَج تئیں رُکیا ریہا۔

1کُرِنتھِیوں 12:1

بِھراؤ! مَیں نئیں چاہندا جو تُساں رُوحانی نعمتاں دے بارے ءچ بے خبر راہو۔

متّی 13:11

اُوں جواب ءچ آکھیا، ”تُہاکُوں تاں اسمان دی بادشاہی دے راز سمجھنڑ دی قابلیت ڈِتی گئی ہے پر اُنہاں کُوں نئیں ڈِتی گئی۔

یُوحنّا 10:16

میڈیاں بیاں وی بھیڈاں ہِن جیہڑیاں اِیں واڑے دیاں نئیں۔ میکُوں ضرور ہے جو مَیں اُنہاں کُوں وی گِھن آواں تے او میڈی اواز سُنڑسن۔ وَل ہِکو اِجڑ تے ہِکو آجڑی ہوسی۔

رومیوں 9:18

بس خُدا جئیں اُتے چاہندے رحم کریندے تے جِینکُوں چاہندے اُونکُوں سخت کریندے۔

رومیوں 11:12

جڈاں یہُودیاں دی گُمراہی دُنیا دی برکت دا سبب بنڑی تے اُنہاں دا رُوحانی زوال غیریہُودیاں کیتے بےحد برکت دا سبب بنڑیا تاں اُنہاں دی مکمل بحالی کیجھی زیادہ برکت دا سبب ہوسی۔

رومیوں 11:24

تُوں خود زیتون دے اُوں درخت کنُوں جیہڑا قُدرتی طور تے جنگلی ہے، قُدرت دے خلاف چنگے زیتون دے درخت ءچ پیوند کیتا گِیا ہیں، تاں وَل ایہ جیہڑیاں اصل لڑیاں ہِن آپنڑے ای زیتون دے درخت ءچ ضرور پیوند کیتیاں ویسن۔

1کُرِنتھِیوں 2:7

بلکہ اساں خُدا دی او حِکمت پیش کریندے ہیں جیہڑی پہلے راز وانگُوں لُکی ہوئی ہئی، پر ہُنڑ ظاہر کیتی گئی ہے، تے جِینکُوں خُدا اِیں موجودہ جہان تُوں پہلے ای ساڈے جلال کیتے مقرر کر ڈِتا ہا۔

1کُرِنتھِیوں 4:1

بس لوک ساکُوں مسیح دا خادم تے خُدا دے راز ڈساوݨ دا مُختار سمجھنڑ۔

اِفِسیوں 1:9

تے خُدا آپنڑی مرضی دے راز کُوں آپنڑی خوشی دے مطابق ساڈے اُتے ظاہر کر ڈِتا، جِیندا اُوں مسیح ءچ پُورا کرݨ دا اِرادہ کیتا ہا،

اِفِسیوں 4:18

اُنہاں دی عقل ماری گئی ہے تے خُدا دی ڈِتی ہوئی زندگی ءچ اُنہاں دا کوئی حصہ نئیں کیوں جو او آپنڑی سخت دِلی پارُوں جاہل بنڑ گئے ہِن۔

مُکاشفہ 1:20

او سَت تارے جیہڑے تَیں میڈے سجے ہتھ ءچ ڈِٹھے ہِن تے سونے دے سَت چراغ داناں دا راز ایہ ہے : او سَت تارے تاں سَت کلیسیاواں دے فرشتے ہِن تے سَت چراغ دان سَت کلیسیاواں ہِن۔“