رومیوں 11:20 - کِتاب مُقدّس سرائیکی ترجمہ

²⁰ ٹھیک ہے۔ پر او اِیمان نہ گِھن آوݨ دے سببّوں کپ ڈِتیاں گئیاں تے تُوں تاں اِیمان گِھن آوݨ دی وجہ کنُوں قائم ہیں۔ بس مغرُور نہ تھی بلکہ ڈردا رہ،

رومیوں 11:20 Referans Kwoze

رومیوں 12:16

ہِک ڈُوجھے نال اِتفاق نال راہو۔ اُچے اُچے خیال نہ بدھو، بلکہ پست لوکاں نال میل جول رکھو۔ آپنڑے آپ کُوں ڈُوجھیاں کنُوں عقل مند نہ سمجھو۔

2کُرِنتھِیوں 1:24

میڈا ایہ مقصد نئیں جو اساں اِیمان دے بارے ءچ تُہاڈے اُتے حُکم چلاؤں، بلکہ تُہاڈی خوشی کیتے تُہاڈے مددگار ہیں، کیوں جو تُساں آپنڑے اِیمان اُتے مضبوطی نال قائم راہندے ہیوے۔

1کُرِنتھِیوں 10:12

بس جیہڑا کوئی آپنڑے آپ کُوں اِیمان ءچ مضبوطی نال قائم سمجھدے، خبردار راہوے جو کِتھائیں ڈھے نہ پووے۔

1 پطرس 1:17

خُدا، جِیں تُوں تُساں باپ آکھ تے دُعا کریندے ہیوے، بغیر طرفداری دے ہر بندے دے عمل دے مطابق اُوندا اِنصاف کریندے، اِیں واسطے جئیں تئیں تُساں دُنیا ءچ مسافر دے طور تے راہندے ہیوے، خُدا دے خوف ءچ زندگی گُزارو۔

فِلِپّیوں 2:12

بس میڈے عزیزو، جِینویں تُساں ہمیشاں فرمانبرداری کیتی ہے، اُونویں ای ہُنڑ وی نہ صرف میڈی موجودگی ءچ بلکہ غیر موجودگی ءچ وی، ڈردے تے کمبدے ہوئے آپنڑی نجات دے کم کریندے راہو۔

عبرانیوں 3:12

بِھراؤ، خبردار راہو جو تُہاڈے ءچوں کہیں دا دل بُرائی پارُوں تے اِیمان نہ رکھنڑ پارُوں زندہ خُدا تُوں پِھر نہ ونجے۔

1 تِیمُتھِیُس 6:17

اِیں موجودہ جہان دے دولت منداں کُوں حُکم ڈے جو او مغرُور نہ تھیوݨ تے دولت جیہی غیر یقینی چیز اُتے اُمید نہ رکھنڑ بلکہ خُدا اُتے، جیہڑا ساڈی خوشی کیتے ساریاں چیزاں ساکُوں کثرت نال ڈیندے۔

کلُسِّیوں 2:7

اُوندے ءچ جڑھ پکڑیندے تے تعمیر تھیندے ونجو تے جِینویں تُساں تعلیم گِھدی ہے اُونویں ای اِیمان ءچ مضبوط راہو تے خُدا دی بہُوں شُکرگزاری کیتا کرو۔

رومیوں 11:18

پر تُوں اُنہاں تروٹیاں لڑیاں دے مُقابلہ ءچ فخر نہ کر۔ جے فخر کریں تاں یاد رکھ جو تُوں جڑھ کُوں نئیں بلکہ جڑھ تیکُوں سنبھالی کھڑی ہے۔

2کُرِنتھِیوں 10:5

اساں اُنہاں دلیلاں تے ہر اُوں چیز کُوں ڈھا ڈیندے ہیں جیہڑی خُدا دی پچھاݨ دے خلاف اُٹھ کھڑی تھئی ہے تے اساں ہر خیال کُوں قید کر تے مسیح دا فرمانبردار بنڑا ڈیندے ہیں۔

مُکاشفہ 18:7

جِتنی شان تے عیاشی نال اُوں زندگی گُزاری، اُتنے ای عذاب تے غم ءچ اُونکُوں سَٹ ڈیؤ کیوں جو او آپنڑے دل ءچ آدھی ہے جو ’مَیں تخت اُتے ملکہ بنڑی بیٹھی ہاں کوئی بیوہ تاں نئیں تھی گئی مَیں کڈھائیں ماتم نہ کریساں۔‘

مُکاشفہ 3:17

تُوں آدھیں جو مَیں دولت مند ہاں تے مالدار بنڑ گِیا ہاں تے کہیں چیز دا مُتھاج نئیں پر تُوں ایہ نئیں جانڑدا جو تُوں بدبخت، ترس دے قابل، غریب، اندھا تے ننگا ہیں۔

1 پطرس 5:12

مَیں سِیلاس دے ہتھ جیہڑا میڈی نظر ءچ ہِک وفادار بِھرا ہے، ایہ مختصر خط لِکھوا تے تُہاکُوں بھیجیا ہے تاں جو تُہاڈی حوصلہ افزائی تھیوے۔ مَیں گواہی ڈیندا ہاں جو خُدا دا سچا فضل اِیہو ہے۔ اِیندے اُتے قائم راہو۔

1 پطرس 5:9

اِیمان ءچ مضبوط راہندے ہوئے اُوندا مُقابلہ کرو۔ تُساں جانڑدے ہیوے جو پُوری دُنیا ءچ تُہاڈے بِھرا وی اِینویں ای ڈُکھ سہندے پئے ہِن۔

یعقُوب 4:6

پر او تاں ساکُوں زیادہ توفیق ڈیندے۔ اِیں واسطے کلام ءچ آکھیا گئے جو، ”خُدا مغرُوراں دا مُقابلہ کریندے پر عاجزی کرݨ آلیاں اُتے مہربانی کریندے۔“

یعقُوب 2:19

تُوں اِیمان رکھیندیں جو خُدا ہِک ای ہے۔ بہُوں چنگا کریندیں، ایہ تاں بدرُوحاں وی منیندیاں ہِن تے ڈر تے کمبدیاں ہِن۔

عبرانیوں 4:11

اِیں واسطے آؤ، اساں اُوں ارام ءچ داخل تھیوݨ دی پُوری کوشش کرُوں تاں جو کوئی بندہ پِیُو ڈاڈا دے نافرمانی دے نمونے اُتے ٹُر تے، ڈھے نہ پووے۔

عبرانیوں 4:6

جِنہاں سبھ تُوں پہلے ایہ خوشخبری سُنڑی او آپنڑی نافرمانی دی وجہ کنُوں داخل نہ تھی سگے، پر کُجھ ہُنڑ وی داخل تھی سگدے ہِن۔

عبرانیوں 3:19

اِینویں اساں ڈیدھے ہیں جو او اِیمان نہ رکھنڑ دی وجہ تُوں اُوں ارام دی جاہ ءچ داخل نہ تھی سگے۔

2تھِسّلُنیکیوں 2:4

او ہر ہِک دی مخالفت کریسی جیہڑا معبُود اکھویندے یا جیندی پُوجا تھیندی ہے تے آپنڑے آپ کُوں اُنہاں تُوں وڈا بنڑیسی۔ اِتُھوں تئیں جو او خُدا دی ہیکل ءچ بہہ تے دعویٰ کریسی جو او خُدا ہے۔

رومیوں 3:3

جے کُجھ بے وفا تھی گئے تاں کیا تھیّا؟ کیا اُنہاں دی بے وفائی دے سببّوں خُدا وفا داری کرݨ چھوڑ ڈیسی؟

اعمال 18:6

جِیں ویلے او پولُس دے خلاف تھی تے اُونکُوں بُرا بھلا آکھنڑ لگ پئے تاں اُوں آپنڑے کپڑے جھاڑ تے اُنہاں کُوں آکھیا، ”تُہاڈا خون تُہاڈی ای گردن اُتے ہووے۔ مَیں اِیندا ذمہ دار نئیں، ہُنڑ تُوں مَیں غیریہُودیاں کولھ ویساں۔“

لُوقا 18:14

مَیں تُہاکُوں آدھا ہاں جو فریسی نئیں بلکہ محصُول گِھننڑ آلا خُدا دی نظر ءچ نیک بنڑ تے آپنڑے گھر گِیا کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا کوئی آپنڑے آپ کُوں چھوٹا بنڑیسی او وڈا کیتا ویسی۔“

1کُرِنتھِیوں 16:13

جاگدے راہو۔ اِیمان ءچ قائم راہو۔ دلیر تھیؤ تے مضبوط تھیندے ونجو۔

رومیوں 11:21

کیوں جو جِیں ویلے خُدا اصلی لڑیاں کُوں نہ چھوڑیا تاں او تیکُوں وی نہ چھوڑیسی۔

رومیوں 12:3

مَیں اُوں فضل دی وجہ کنُوں جیہڑا میڈے اُتے تھئے، تُہاڈے ءچوں ہر ہِک کُوں آدھا ہاں جو جِتنا سمجھنڑ مناسب ہے کوئی آپنڑے آپ کُوں اُوں کنُوں زیادہ نہ سمجھے بلکہ ہر ہِک آپنڑی حقیقت کُوں اُوں اِیمان دے ناپ دے مطابق چنگی طرحاں جاݨ گِھنے، جیہڑا خُدا اُونکُوں بخش ڈِتے۔

1کُرِنتھِیوں 15:1

ہُنڑ بِھراؤ! مَیں تُہاکُوں اُوہو خوشخبری یاد ڈیویندا ہاں، جیندی تبلیغ مَیں تُہاڈے ءچ کیتی ہے، جِینکُوں تُساں قبول کر گِھدے تے جیندے اُتے تُساں قائم وی ہیوے۔