رومیوں 11:2 - کِتاب مُقدّس سرائیکی ترجمہ

² خُدا آپنڑی قوم کُوں جِینکُوں او پہلے کنُوں جانڑدا ہا، رَد نئیں کیتا۔ کیا تُساں نئیں جانڑدے جو خُدا دا کلام ایلیّاہ دے بارے ءچ کیا فرمیندے، جو او کِینویں خُدا کُوں اِسرائیل دے خلاف ایہ فریاد کریندے جو

رومیوں 11:2 Referans Kwoze

1 پطرس 1:2

خُدا باپ تُہاکُوں ازلی علم دے مطابق چُنڑ گِھدا تے اُوندے رُوح تُہاکُوں مخصوص تے مُقدّس کیتا۔ نتیجے ءچ تُساں یسُوع مسیح دی فرمانبرداری کریندے ہیوے تے اُوندے چِھنڈکے گئے خون نال پاک صاف تھی گئے ہیوے۔ تُہاکُوں ڈھیر سارا فضل تے اِطمینان حاصل تھیندا راہوے۔

رومیوں 9:23

تاں جو آپنڑے جلال دی دولت اُنہاں دے ذریعے ظاہر کرے جِنہاں اُتے رحم تھیسی، جیہڑے جلال کیتے پہلے کنُوں تیار کیتے ہَن۔

اعمال 3:17

تے ہُنڑ میڈے بِھراؤ! مَیں جانڑدا ہاں جو تُساں ایہ کم نادانی ءچ کیتا تے اِینویں ای تُہاڈے سرداراں وی۔

رومیوں 9:6

اِیندا ایہ مطلب نئیں جو خُدا دا وعدہ کُوڑا تھی گئے کیوں جو جِتّی اِسرائیل دی نسل ءچوں ہِن او سارے اصلی اِسرائیلی نئیں۔

اعمال 13:48

جِیں ویلے غیر قوم آلیاں ایہ سُنڑیا تاں بہُوں خوش تھئے تے خُداوند دے کلام دی تعریف کرݨ لگے تے جِتّی ہمیشاں دی زندگی کیتے مقرر کیتے گئے ہَن، اِیمان گِھن آئے۔

اعمال 7:40

اُنہاں ہارُون کُوں آکھیا جو ’ساڈے کیتے ایجھے معبُود بنڑا جیہڑے ساڈے اگُوں اگُوں ٹُرݨ، کیوں جو ایہ مُوسیٰ جیہڑا ساکُوں مُلک ِ مِصر ءچوں کڈھ آئے، اساں نئیں جانڑدے جو اُوندے نال کیا تھئے۔‘

یُوحنّا 4:11

عورت اُونکُوں آکھیا، ”سائیں، تُہاڈے کولھ پانڑی بھرݨ کیتے کوئی چیز نئیں تے کُھوہ وی بہُوں جِھکا ہے، وَل او زندگی دا پانڑی تُہاڈے کولھ کِتھوں آیا؟

لُوقا 4:1

وَل یسُوع رُوح القُدس کنُوں بھریج تے یردن کنُوں وَل آیا تے رُوح دی ہدایت نال چالیہہ ڈینہہ تئیں بیابان ءچ پِھردا ریہا،

عبرانیوں 1:1

گُزرے زمانیاں ءچ خُدا ساڈے پِیُو ڈاڈا نال مختلف موقعیاں اُتے تے مختلف طریقیاں نال نبیاں دے وسیلے کلام کیتا،

فِلِپّیوں 1:22

پر جے میڈا جِسمانی طور تے زندہ راہنڑ میڈے کم کیتے پھل دار ہوسی، تاں مَیں نئیں جانڑدا جو ڈُوہائیں ءچوں کِینکُوں چُنڑاں۔

اعمال 15:18

جیہڑا دُنیا دے شروع تُوں اِنہئی گالھیں دی خبر ڈیندا آیا ہے۔

1کُرِنتھِیوں 6:2

کیا تُساں نئیں جانڑدے جو خُدا دے لوک دُنیا دا اِنصاف کریسن؟ تے جِیں ویلے تُہاکُوں دُنیا دا اِنصاف کرنڑا ہے تاں کیا تُساں اِیں قابل وی نئیں جو چھوٹے چھوٹے گالھیں دا فیصلہ کر سگو؟

مرقس 12:26

پر اِیں بارے ءچ جو مُردے زندہ تھیندے ہِن، کیا تُساں مُوسیٰ دی کتاب ءچ بلدی ہوئی جھاڑی دے بیان ءچ ایہ نئیں پڑھیا جو خُدا مُوسیٰ کُوں آکھیا، ’مَیں ابرہام دا خُدا تے اِضحاق دا خُدا تے یعقُوب دا خُدا ہاں؟‘

رومیوں 6:16

کیا تُساں نئیں جانڑدے جو تُساں جیندی فرمانبرداری کرݨ کیتے آپنڑے آپ کُوں غُلاماں وانگُوں سپُرد کر ڈیندے ہیوے، اُوندے ای غُلام ہیوے؟ یا تُساں گُناہ دے غُلام ہیوے، جِیندا انجام موت ہے، یا خُدا دے، جِیندا انجام راستبازی ہے۔

1کُرِنتھِیوں 8:3

پر جیہڑا خُدا نال محبت رکھیندے، خُدا اُونکُوں جانڑدے۔