رومیوں 10:6 - کِتاب مُقدّس سرائیکی ترجمہ

⁶ پر جیہڑی راستبازی اِیمان تُوں حاصل تھیندی ہے او ایہ آدھی ہے جو آپنڑے دل ءچ ایہ نہ آکھ جو ”اسمان اُتے کوݨ چڑھسی؟“ (یعنی مسیح کُوں تلے گِھن آوݨ کیتے،)

رومیوں 10:6 Referans Kwoze

یُوحنّا 6:58

جیہڑی روٹی اسمان کنُوں لتھی ہے، اِیہو ہے۔ ایہ اُوں روٹی وانگُوں نئیں جِینکُوں پِیُو ڈاڈا کھادا تے مر گئے۔ جیہڑا ایہ روٹی کھاسی او ہمیشاں تئیں زندہ راہسی۔“

فِلِپّیوں 3:9

تے اُوندے ءچ ہوواں۔ پر آپنڑی راستبازی دے سببّوں نئیں جیہڑی شریعت اُتے عمل کرݨ نال مِلدی ہے بلکہ اُوں راستبازی دے سببّوں جیہڑی مسیح اُتے اِیمان گِھن آوݨ دے نال مِلدی ہے۔ او راستبازی خُدا دی طرفوں تے اِیمان دے ذریعے مِلدی ہے۔

رومیوں 4:13

کیوں جو خُدا ابرہام تے اُوندی نسل نال وعدہ کیتا ہا جو او دُنیا دے وارث ہوسن، پر ایہ وعدہ شریعت دے سببّوں نہ کیتا گِیا ہا بلکہ اُوں راستبازی دے سببّوں جیہڑی اِیمان دے وسیلے نال مِلدی ہے۔

رومیوں 3:22

یعنی خُدا دی او راستبازی جیہڑی یسُوع مسیح اُتے اِیمان گِھن آوݨ نال سبھ اِیمانداراں کُوں مِلدی ہے۔ یہُودیاں تے غیر یہُودیاں ءچ کوئی فرق نئیں،

عبرانیوں 11:7

اِیمان دی وجہ کنُوں ای نُوح اُنہاں چیزاں دے بارے ءچ جیہڑیاں اُوں وقت تئیں نظر نہ آندیاں ہَن، خُدا دی طرفوں ہدایت پا تے خُدا دا خوف منیندے ہوئے آپنڑے سارے خاندان کُوں بچاوݨ کیتے کشتی بنڑائی۔ اِینویں اِیمان رکھنڑ نال اُوں دُنیا کُوں قصُوروار بنڑایا تے اُوں راستبازی دا وارث بنڑ گِیا جیہڑی اِیمان نال مِلدی ہے۔

عبرانیوں 1:3

پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

رومیوں 3:25

خُدا اُونکُوں مقرر کیتا جو او آپنڑے خون دے سببّوں ایجھا کفارہ بنڑ ونجے جیہڑا اِیمان گِھن آوݨ آلے کیتے فائدہ مند ہووے۔ ایہ خُدا آپنڑی راستبازی ظاہر کرݨ کیتے کیتا، کیوں جو اُوں بہُوں صبر تے برداشت نال اُنہاں گُناہاں دی سزا نہ ڈِتی جیہڑے ماضی ءچ تھئے ہَن۔

یُوحنّا 6:38

کیوں جو مَیں اسمان کنُوں اِیں واسطے نئیں لتھا جو آپنڑی مرضی پُوری کراں بلکہ اِیں واسطے جو آپنڑے بھیجنڑ آلے دی مرضی پُوری کراں۔

یُوحنّا 6:33

کیوں جو خُدا دی روٹی او ہے جیہڑی اسمان کنُوں لہہ تے دُنیا کُوں زندگی بخشدی ہے۔“