رومیوں 10:17 - کِتاب مُقدّس سرائیکی ترجمہ

¹⁷ بس اِیمان پیغام سُنڑݨ تُوں پیدا تھیندے یعنی مسیح دا کلام سُنڑݨ تُوں۔

رومیوں 10:17 Referans Kwoze

گلتِیوں 3:2

مَیں تاں تُہاڈے کنُوں صرف ایہ پُچھنڑ چاہندا ہم جو کیا رُوح القُدس تُہاکُوں شریعت اُتے عمل کرݨ نال حاصل تھئے یا پیغام کُوں سُنڑ تے اُوندے اُتے اِیمان گِھن آوݨ نال؟

گلتِیوں 3:5

خُدا جیہڑا تُہاکُوں رُوح القُدس بخشیندا تے معجزے ظاہر کریندا ہے۔ کیا او ایہ اِیں واسطے کریندے جو تُساں شریعت اُتے عمل کریندے ہیوے یا اِیں واسطے جو تُساں پیغام سُنڑ تے اِیمان گِھن آئے ہیوے؟

1تھِسّلُنیکیوں 2:13

اساں ہمیشاں اِیں واسطے وی خُدا دا شُکر ادا کریندے ہیں جو جِیں ویلے تُساں خُدا دے پیغام کُوں ساڈی زبانی سُنڑیا تاں اُونکُوں آدمیاں دا کلام سمجھ تے نئیں بلکہ جِینویں او حقیقت ءچ ہے اُونکُوں خُدا دا کلام سمجھ تے قبول کیتا۔ تے او کلام تُساں اِیمان گِھن آوݨ آلیاں ءچ اثر وی کریندا پِیا ہے۔

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

لُوقا 11:28

اُوں آکھیا، ”ہاں، پر جیہڑے لوک خُدا دا کلام سُنڑدے تے اُوندے اُتے عمل کریندے ہِن او زیادہ مُبارک ہِن۔“

مرقس 4:24

وَل اُوں اُنہاں کُوں آکھیا، ”جیہڑا کُجھ تُساں سُنڑدے ہیوے غور نال سُنڑو۔ جیہڑے تھاں نال تُساں نپیندے ہیوے اُوندے نال ای تُہاڈے کیتے ناپیا ویسی بلکہ تُہاکُوں زیادہ ڈِتا ویسی۔

لُوقا 8:21

اُوں جواب ءچ اُنہاں کُوں آکھیا جو ”میڈی ماء تے میڈے بِھرا تاں ایہ ہِن جیہڑے خُدا دا کلام سُنڑدے تے اُوندے اُتے عمل کریندے ہِن۔“

رومیوں 1:16

مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔

رومیوں 10:14

پر او اُوندا ناں کِینویں گِھننڑ جیندے اُتے او اِیمان نہ گِھن آئے؟ تے اُوندے اُتے اِیمان کِینویں گِھن آوݨ جیندے بارے ءچ نئیں سُنڑیا؟ تے کِینویں سُنڑݨ جئیں تئیں کوئی اُنہاں کُوں خوشخبری نہ سُنڑاوے؟

1 پطرس 1:23

تُساں فانی بیج کنُوں نئیں بلکہ غیرفانی بیج کنُوں، خُدا دے کلام دے وسیلے نال نویں سرے تُوں پیدا تھئے ہیوے، جیہڑا زندہ تے ہمیشاں تئیں قائم ہے۔

لُوقا 8:11

اُوں مثال دا مطلب ایہ ہے۔ بیج خُدا دا کلام ہے۔

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔

2کُرِنتھِیوں 2:17

اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔

عبرانیوں 4:2

کیوں جو جِینویں اُنہاں لوکاں خوشخبری سُنڑی اُونویں ای اساں وی خوشخبری سُنڑی ہے، پر جیہڑا پیغام اُنہاں سُنڑیا او اُنہاں کیتے بے فائدہ ثابت تھیّا کیوں جو اُنہاں اُونکُوں اِیمان نال نہ سُنڑیا۔

یُوحنّا 1:37

ایہ گالھ سُنڑ تے اُوندے ڈوہائیں شاگرد یسُوع دے پِچُھوں ٹُر پئے۔