رومیوں 10:16 - کِتاب مُقدّس سرائیکی ترجمہ

¹⁶ پر ساریاں اُوں خوشخبری کُوں قبول نئیں کیتا۔ اِیں واسطے یسعیاہ آدھے جو ”یا رب، ساڈے پیغام اُتے کوݨ اِیمان گِھن آئے ؟“

رومیوں 10:16 Referans Kwoze

رومیوں 3:3

جے کُجھ بے وفا تھی گئے تاں کیا تھیّا؟ کیا اُنہاں دی بے وفائی دے سببّوں خُدا وفا داری کرݨ چھوڑ ڈیسی؟

عبرانیوں 4:2

کیوں جو جِینویں اُنہاں لوکاں خوشخبری سُنڑی اُونویں ای اساں وی خوشخبری سُنڑی ہے، پر جیہڑا پیغام اُنہاں سُنڑیا او اُنہاں کیتے بے فائدہ ثابت تھیّا کیوں جو اُنہاں اُونکُوں اِیمان نال نہ سُنڑیا۔

2تھِسّلُنیکیوں 1:8

او اُنہاں کُوں سزا ڈیسی جیہڑے خُدا کُوں نئیں جانڑدے تے ساڈے خُداوند یسُوع دی خوشخبری کُوں نئیں منیندے۔

گلتِیوں 5:7

تُساں چنگی طرحاں بھجدے پئے ہَوے۔ کئیں تُہاکُوں سچائی اُتے عمل کرݨ تُوں روک ڈِتے؟

1 پطرس 2:8

تے او ”تُھڈا لواوݨ دا ہِک پتھر تے ٹھوکر کھواوݨ دی ہِک چٹان بنڑ گِیا۔“ او کلام اُتے اِیمان نہ گِھن آوݨ دی وجہ کنُوں تُھڈا کھاندے ہِن۔ تے اِیہو کُجھ اُنہاں دا مُقدر وی ہا۔

عبرانیوں 11:8

اِیمان دی وجہ کنُوں ای ابرہام جِیں ویلے سڈیا گِیا تاں خُدا دا حُکم مَن تے اُوں جاہ دو چلیا گِیا جیہڑی بعد ءچ اُونکُوں میراث ءچ مِلنڑ آلی ہئی۔ بھانویں جو او جانڑدا وی نہ ہا جو او کِتھاں ویندا پئے، وَل وی روانہ تھی گِیا۔

عبرانیوں 5:9

اِیں طرح کاملیت تئیں پُجنڑ تُوں بعد او اُنہاں ساریاں کیتے ابدی نجات دا سبب بنڑیا جیہڑے اُوندی تابعداری کریندے ہَن۔

رومیوں 6:17

پر خُدا دا شُکر ہے جو بےشک پہلے تُساں گُناہ دے غُلام ہَوے پر ہُنڑ دل نال اُوں تعلیم دے تابع تھی گئے ہیوے جیہڑی تُہاڈے سپُرد کیتی گئی۔

رومیوں 2:8

پر جیہڑے خود غرض ہِن تے سچائی کُوں چھوڑ تے بُرائی دے پِچُھوں چلدے ہِن اُنہاں اُتے قہر تے عذاب نازل تھیسی۔

1 پطرس 3:1

ذالو! اِینویں ای تُساں وی آپنڑے پایاں دے تابع راہو۔ وَل بھانویں اُنہاں ءچوں کُجھ خُدا دے کلام کُوں نہ منیندے ہووݨ، او آپنڑی ذال دا چال چلنڑ ڈیکھ تے اِیمان دو آ ویسن۔ اُنہاں کُوں کُجھ آکھنڑ دی ضرورت نہ ہوسی،

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

گلتِیوں 3:1

نادان گلِتیو! تُہاڈے اُتے کئیں جادُو کر ڈِتے؟ تُہاڈے سامنڑے یسُوع مسیح تے اُوندی صلیبی موت کُوں اِتنی صفائی نال پیش کیتا گئے جِینویں ایہ تُہاڈے اکھیں دے سامنڑے تھیّا ہووے۔

رومیوں 16:26

پر ہُنڑ ظاہر تھی گئے۔ او ازلی خُدا دے حُکم دے مطابق نبیاں دیاں کتاباں دے ذریعے ساریاں قوماں کُوں ڈسایا گِیا ہے تاں جو او اِیمان گِھن آ تے خُدا دے تابع تھی ونجنڑ۔

رومیوں 11:17

بے شک کُجھ لڑیاں کپ ڈِتیاں گئیاں تے تُوں جنگلی زیتون ہوندے ہوئے اُنہاں دی جاہ پیوند تھی گِیا، تے زیتون دے درخت دی جڑھ دے روغن ءچ حصہ دار تھی گِیا۔

رومیوں 1:5

جیندے وسیلے تے ناں دی خاطر ساکُوں فضل تے رسُول ہووݨ دی ذمہ داری مِلی، تاں جو سبھ قوماں ءچوں لوک اِیمان گِھن آ تے یسُوع دے تابع تھی ونجنڑ۔

اعمال 28:24

کُجھ اُوندے گالھیں سُنڑ تے قائل تھی گئے پر کُجھ نہ منے۔

یُوحنّا 10:26

پر تُساں اِیں واسطے یقین نئیں کریندے کیوں جو تُساں میڈیاں بھیڈاں نئیں۔

متّی 13:14

یسعیاہ نبی دی ایہ پیشنگوئی اُنہاں اُتے سچ تھیندی ہے جو ’تُساں کَناں نال سُنڑسو پر اصلُوں نہ سمجھسو تے اکھیں نال ڈیکھسو پر اصلُوں نہ جاݨ سو۔