رومیوں 10:10 - کِتاب مُقدّس سرائیکی ترجمہ

¹⁰ کیوں جو راستباز کھڑائے ونجنڑ کیتے دل نال اِیمان گِھن آونڑاں ہوندے تے نجات حاصل کرݨ کیتے اِقرار مُنہ کنُوں کیتا ویندے۔

رومیوں 10:10 Referans Kwoze

1 یُوحنّا 4:15

جیہڑا کوئی اِقرار کریندے جو یسُوع خُدا دا پوتر ہے، خُدا اُوندے ءچ راہندے تے او خُدا ءچ۔

رومیوں 10:9

جے تُوں آپنڑی زبان نال اِقرار کریں جو یسُوع خُداوند ہے تے آپنڑے دل نال اِیمان گِھن آویں جو خُدا اُونکُوں مُردیاں ءچوں زندہ کیتے تاں نجات پا گِھنسیں۔

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔

عبرانیوں 10:22

اِیں واسطے آؤ اساں سچے دل تے پُورے اِیمان نال خُدا دے کولھ جُلوں، کیوں جو ساڈے دل خون دے چھِنڈکیاں نال گُناہ تُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔

لُوقا 8:15

پر چنگی زمین آلے او ہِن جیہڑے کلام کُوں سُنڑ تے سچے تے نیک دل ءچ سنبھالی رکھیندن تے صبر نال پھل گِھن آندے ہِن۔

عبرانیوں 3:12

بِھراؤ، خبردار راہو جو تُہاڈے ءچوں کہیں دا دل بُرائی پارُوں تے اِیمان نہ رکھنڑ پارُوں زندہ خُدا تُوں پِھر نہ ونجے۔

فِلِپّیوں 3:9

تے اُوندے ءچ ہوواں۔ پر آپنڑی راستبازی دے سببّوں نئیں جیہڑی شریعت اُتے عمل کرݨ نال مِلدی ہے بلکہ اُوں راستبازی دے سببّوں جیہڑی مسیح اُتے اِیمان گِھن آوݨ دے نال مِلدی ہے۔ او راستبازی خُدا دی طرفوں تے اِیمان دے ذریعے مِلدی ہے۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

مرقس 9:23

یسُوع اُونکُوں آکھیا، ”کیا! جے تُساں کر سگدے ہیوے؟ جیہڑا اِیمان رکھیندے اُوندے کیتے سبھ کُجھ تھی سگدے۔“

رومیوں 10:11

اِیں واسطے خُدا دا کلام ایہ آدھے جو ”جیہڑا کوئی اُوندے اُتے اِیمان گِھن آسی او کڈھائیں شرمندہ نہ تھیسی۔“

اعمال 8:37

[فِلپُس آکھیا جو ”جے تُساں دل تے جان نال اِیمان رکھیندے ہیوے تاں بپتسمہ گِھن سگدے ہیوے۔“ اُوں جواب ڈِتا، ”مَیں اِیمان رکھیندا ہاں جو یسُوع مسیح خُدا دا پوتر ہے۔“]