رومیوں 1:15 - کِتاب مُقدّس سرائیکی ترجمہ

¹⁵ اِیں واسطے مَیں تُہاکُوں وی جیہڑے روم ءچ ہیوے خوشخبری سُنڑاوݨ دی بہُوں سِک رکھیندا ہاں۔

رومیوں 1:15 Referans Kwoze

رومیوں 15:20

میڈا صرف ایہ مقصد ہا جو جِتھاں مسیح دا ناں نئیں پُجیا، اُتھاں خوشخبری سُنڑاواں، کیوں جو مَیں کہیں بئے دی بنیاد اُتے کُجھ بنڑاوݨ نئیں چاہندا۔

1کُرِنتھِیوں 9:17

جے مَیں آپنڑی مرضی نال تبلیغ کریندا ہاں تاں وَل میڈے کیتے اجر ہے پر میں ایہ آپنڑی مرضی نال نئیں کریندا بلکہ خُدا ایہ ذمہ داری میڈے سپُرد کیتی ہے۔

متّی 9:38

اِیں واسطے فصل دے مالک دی مِنت کرو جو آپنڑی فصل کپنڑ کیتے مزدُور بھیج ڈیوے۔“

2کُرِنتھِیوں 8:12

کیوں جو جے ڈیوݨ دی نیّت ہووے تاں خُدا خیرات اُوندے مطابق قبول کریندے جیہڑی ڈیوݨ آلے دے کولھ ہے، نہ جو اُوندے مطابق جیہڑی اُوندے کولھ نئیں۔

رومیوں 12:18

جئیں تئیں ممکن ہووے تُساں آپنڑی طرفوں ہر اِنسان نال صُلح رکھو۔

اعمال 21:13

پر پولُس جواب ڈِتا، ”تُساں ایہ کیا کریندے ہیوے؟ کیوں رو رو تے میڈا دل تُڑیندے ہیوے؟ مَیں یروشلیم ءچ خُداوند یسُوع دے ناں دی خاطر صرف بدھیجنڑ کیتے ای نئیں بلکہ مرݨ کیتے وی تیار ہاں۔“

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

مرقس 14:8

اُوں کنُوں جیہڑا کُجھ تھی سگدا ہا اُوں کیتا۔ اُوں میڈے دفن تھیوݨ کیتے وقت تُوں پہلاں ای میڈے بدن اُتے عِطر وِیٹیا ہے۔

رومیوں 10:15

تے خوشخبری کِینویں سُنڑاوݨ جئیں تئیں کوئی اُنہاں کُوں نہ بھیجے ؟ اِیں واسطے لِکھیا ہے جو ”اُنہاں دے پیر کیجھے بختاں آلے ہِن جیہڑے خوشخبری سُنڑیندن۔“