رومیوں 1:14 - کِتاب مُقدّس سرائیکی ترجمہ

¹⁴ مَیں یُونانیاں تے غیر یُونانیاں، داناواں تے ناداناں ڈوہائیں دا قرض دار ہاں۔

رومیوں 1:14 Referans Kwoze

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

اعمال 9:15

پر خُداوند حننیاہ کُوں آکھیا جو ”تُوں وَنج کیوں جو ایہ بندہ غیر قوماں، بادشاہاں تے بنی اِسرائیل ءچ میڈا ناں ظاہر کرݨ کیتے میڈا چُنڑیا ہویا وسیلہ ہے۔

اعمال 22:21

خُداوند میکُوں آکھیا، ’وَنج مَیں تیکُوں غیر قوماں دے کولھ بہُوں دُور بھجیساں‘۔“

رومیوں 12:16

ہِک ڈُوجھے نال اِتفاق نال راہو۔ اُچے اُچے خیال نہ بدھو، بلکہ پست لوکاں نال میل جول رکھو۔ آپنڑے آپ کُوں ڈُوجھیاں کنُوں عقل مند نہ سمجھو۔

2کُرِنتھِیوں 11:19

تُساں خود اِتی عقل مند ہیوے جو بیوقُوفاں دے گالھیں خوشی نال برداشت گِھندے ہیوے۔

رومیوں 16:19

تُہاڈی فرمانبرداری ساریاں ءچ مشہور تھی گئی ہے، اِیں واسطے مَیں تُہاڈے بارے ءچ خوش ہاں، پر ایہ چاہندا ہاں جو تُساں نیکی کرݨ دے بارے ءچ سمجھدار بنڑ ونجو تے بدی کرݨ دے بارے ءچ بھولے بنڑ ونجو۔

رومیوں 13:8

آپس دی محبت دے سِوا کہیں چیز دے قرضدار نہ راہو کیوں جو جیہڑا ڈُوجھے نال محبت رکھیندے او شریعت اُتے عمل کریندے۔

رومیوں 8:12

اِیں واسطے بِھراؤ! اساں قرض دار تاں ہیں پر جِسمانی فطرت دے نئیں جو اُوندے مطابق زندگی گُزاروں۔

رومیوں 1:22

او عقلمند ہووݨ دا دعویٰ کریندے ہَن، پر بیوقُوف نِکلے۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

2 تِیمُتھِیُس 2:10

اِیں واسطے مَیں خُدا دے چُنڑے ہوئے لوکاں دی خاطر سبھ کُچھ سہندا ہاں تاں جو او وی اُوں نجات کُوں جیہڑی مسیح یسُوع دے ذریعے مِلدی ہے، ابدی جلال سمیت حاصل کرݨ۔

2کُرِنتھِیوں 10:12

کیوں جو ساڈی جُرأت نئیں جو اساں آپنڑے آپ کُوں اُنہاں ءچ شمار کرُوں یا اُنہاں نال آپنڑا مُقابلہ کرُوں جیہڑے ہمیشاں آپنڑے ای مُنہ کنُوں آپنڑی تعریف کریندے ہِن۔ جڈاں او آپنڑے آپ کُوں معیار بنڑا تے آپنڑے آپ کُوں پرکھدے ہِن تے آپنڑا ہِک بئے نال موازنہ کریندے ہِن، تاں او کِتنے نادان ہِن۔

1کُرِنتھِیوں 14:16

نہ تاں جے تُوں صرف رُوح نال ای خُدا دی تعریف کریں تاں ناواقف بندہ تیڈی شُکرگزاری اُتے کِینویں ”آمین“ اکھیسی؟ کیوں جو او نئیں جانڑدا جو تُوں کیا آدھیں۔

1کُرِنتھِیوں 14:11

پر جے مَیں کہیں زبان کُوں سمجھ نہ سگاں تاں او زبان بولنڑ آلے کیتے مَیں غیر ہوساں تے او وی میڈے کیتے غیر ہوسی۔

1کُرِنتھِیوں 3:18

آپنڑے آپ کُوں فریب نہ ڈیؤ۔ جے تُہاڈے ءچوں کوئی آپنڑے آپ کُوں اِیں دُنیا دے معیار دے مطابق حِکمت آلا سمجھدا ہے تاں او نادان بنڑے تاں جو سچ مُچ دانا بنڑ سگے۔

1کُرِنتھِیوں 2:13

ایہ گالھیں اساں اِنسانی حِکمت دے سِکھائے ہوئے لفظاں نال نئیں بلکہ رُوح القُدس دے سِکھائے ہوئے لفظاں ءچ بیان کریندے ہیں۔ اساں رُوحانی لوکاں کُوں رُوحانی گالھیں سمجھیندے ہیں۔

رومیوں 11:25

بِھراؤ! مَیں اِیں راز کُوں تُہاکُوں سمجھاونڑاں چاہندا ہاں تاں جو تُساں آپنڑے آپ اُتے فخر نہ کرو۔ گالھ ایہ ہے جو اِسرائیل دا ہِک حصہ سخت دل تھی گِیا ہے تے جئیں تئیں غیر قوماں مکمل طور تے داخل نہ تھی ونجنڑ او اِینویں ای راہسی۔

اعمال 28:4

جِیں ویلے جزیرہ دے لوکاں نانگ کُوں اُوندے ہتھ نال لٹکدے ڈِٹھا تاں آپس ءچ آکھنڑ لگے جو ”بے شک ایہ بندہ کوئی خونی ہے۔ ایہ سمندر ءچ مرݨ کنُوں تاں بچ گِیا ہے پر اِنصاف اُونکُوں زندہ نہ چھوڑیسی۔“

اعمال 28:2

اُتھوں دے لوک ساڈے نال وڈی مہربانی نال پیش آئے۔ اُنہاں بھاہ بال تے ساڈا اِستقبال کیتا کیوں جو بارش تھیندی پئی ہئی تے سردی ہئی۔

لُوقا 10:21

اُونہی ویلے یسُوع رُوح القُدس کنُوں خوشی نال بھریج گِیا تے آکھنڑ لگا، ”باپ، اسمان تے زمین دے مالک! مَیں تیڈا شُکر کریندا ہاں جو تَیں ایہ گالھیں دانا لوکاں تے عالماں کنُوں لُکائیاں، تے بالاں اُتے ظاہر کیتیاں۔ ہاں، باپ، کیوں جو تیڈی نظر ءچ اِیہو چنگا ہا۔

متّی 11:25

اُوں ویلے یسُوع آکھیا، ”اے باپ، اسمان تے زمین دے مالک، مَیں تیڈا شُکر کریندا ہاں جو تَیں ایہ گالھیں دانا لوکاں تے عالماں کنُوں لُکائیاں تے بالاں اُتے ظاہر کیتیاں۔