رومیوں 1:11 - کِتاب مُقدّس سرائیکی ترجمہ

¹¹ کیوں جو مَیں تُہاکُوں مِلنڑ دی بہُوں سِک رکھیندا ہاں تاں جو تُہاکُوں کوئی ایجھی رُوحانی نعمت ڈے سگاں جیہڑی تُہاڈے اِیمان دی مضبوطی دا سبب بنڑے،

رومیوں 1:11 Referans Kwoze

2 پطرس 1:12

اِیں واسطے مَیں تُہاکُوں ایہ گالھیں ہمیشاں یاد ڈیویندا راہساں بھانویں تُساں اُنہاں کنُوں واقف ہیوے تے اُوں سچائی اُتے قائم ہیوے جیہڑی تُہاکُوں مِلی ہے۔

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

2تھِسّلُنیکیوں 3:3

پر خُداوند وفادار ہے۔ او تُہاکُوں مضبوط کریسی تے شیطان کنُوں محفوظ رکھیسی۔

رومیوں 15:29

مَیں جانڑدا ہاں جو جِیں ویلے تُہاڈے کولھ آساں تاں مسیح دیاں ساریاں برکتاں گِھن تے آساں۔

1 پطرس 5:12

مَیں سِیلاس دے ہتھ جیہڑا میڈی نظر ءچ ہِک وفادار بِھرا ہے، ایہ مختصر خط لِکھوا تے تُہاکُوں بھیجیا ہے تاں جو تُہاڈی حوصلہ افزائی تھیوے۔ مَیں گواہی ڈیندا ہاں جو خُدا دا سچا فضل اِیہو ہے۔ اِیندے اُتے قائم راہو۔

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

2تھِسّلُنیکیوں 2:17

تُہاڈے دِلاں کُوں تسلی بخشے تے ہر نیک کم تے کلام ءچ تُہاکُوں مضبوط کرے۔

اعمال 19:6

جِیں ویلے پولُس اُنہاں اُتے ہتھ رکھے تاں رُوح القُدس اُنہاں اُتے نازل تھیّا تے او غیر زباناں بولنڑ تے نبُوّت کرݨ لگے۔

اعمال 16:5

بس کلیسیاواں اِیمان ءچ مضبوط تھیندیاں تے شمار ءچ ہر روز ودھدیاں گئیاں۔

1تھِسّلُنیکیوں 3:13

او تُہاڈے دِلاں کُوں ایجھا مضبوط کرے جو جِیں ویلے ساڈا خُداوند یسُوع آپنڑے سارے مُقدّساں نال آوے تاں تُہاڈے دل ساڈے خُدا تے باپ دے سامنڑے پاک تے بے عیب ہووݨ۔

1تھِسّلُنیکیوں 3:2

تے تِیمُتِھیُس کُوں، جیہڑا ساڈا بِھرا تے مسیح دی خوشخبری دی تبلیغ ءچ خُدا دا خادم ہے، تُہاڈے کولھ بھیجیا تاں جو تُہاکُوں مضبوط کرے تے اِیمان ءچ تُہاڈا حوصلہ ودھاوے،

فِلِپّیوں 4:1

اِیں واسطے میڈے پیارے بِھراؤ، جِنہاں نال مِلنڑ دی مَیں سِک رکھیندا ہاں تے تُساں جیہڑے میڈی خوشی تے میڈا تاج ہیوے۔ میڈے عزیزو، خُداوند ءچ اِینویں ای قائم راہو۔

فِلِپّیوں 2:26

او تُہاڈے ساریاں نال مِلنڑ دی سِک رکھیندا تے پریشان وی ہا کیوں جو تُساں اُوندی بیماری دا حال سُنڑیا ہا۔

فِلِپّیوں 1:8

خُدا گواہ ہے جو میڈے دل ءچ تُہاڈے کیتے یسُوع مسیح جیہی محبت ہے تے مَیں تُساں ساریاں کُوں مِلنڑ دی سِک رکھیندا ہاں۔

2کُرِنتھِیوں 9:14

او تُہاڈے کیتے بہُوں محبت نال دُعا کریندے ہِن کیوں جو تُہاڈے اُتے خُدا دا بہُوں فضل ہے۔

2کُرِنتھِیوں 1:21

تے خُدا ای ہے جیہڑا ساکُوں تُہاڈے نال مسیح ءچ قائم رکھیندے تے ساکُوں مقرر کر تے مخصوص کیتے۔

رومیوں 15:32

وَل میں خُدا دی مرضی نال تُہاڈے کولھ خوشی نال آساں تے تُہاڈے نال رہ تے تازہ تھی ویساں۔

رومیوں 15:23

پر ہُنڑ اِنہاں علاقیاں ءچ میڈی خدمت کرݨ کیتے جاہ باقی نئیں ریہی، تے مَیں بہُوں سالاں کنُوں تُہاڈے کولھ آوݨ چاہندا وی ہاں۔

اعمال 19:21

اِنہاں گالھیں دے بعد پولُس پکّا اِرادہ کر گِھدا جو ”مَیں مَکِدُنیہ تے اَخیہ دے علاقے ءچوں تھیندا ہویا یروشلیم چلیا ویساں تے وَل اُتھوں روم وَنج تے اُوں شہر کُوں وی ڈیکھ ساں۔“

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔

2کُرِنتھِیوں 11:4

کیوں جو جے کوئی آ تے کہیں بئے یسُوع دی تبلیغ کریندے، جیندی اساں نئیں کیتی، یا جے تُساں کہیں بئی طرحاں دی رُوح قبول کریندے ہیوے جیہڑی اُوں رُوح تُوں فرق ہے جیہڑی تُہاکُوں مِلی ہئی، یا جے تُساں بئی خوشخبری قبول کریندے ہیوے جیہڑی اُوں خوشخبری کنُوں فرق ہے جیہڑی تُساں قبول کیتی ہئی، تاں تُساں اُونکُوں صحیح برداشت کریندے ہیوے۔

رومیوں 1:12

یعنی ایہ جو تُہاڈے نال میکُوں وی اُوں اِیمان دے سببّوں تسلی مِلے جیہڑا تُہاڈے تے میڈے ڈوہائیں ءچ ہے۔

2کُرِنتھِیوں 1:15

اِیں گالھ اُتے بھروسا رکھ تے مَیں اِرادہ کیتا ہا جو پہلے تُہاڈے کولھ آواں تاں جو تُہاکُوں ڈُونڑا فائدہ تھیوے۔