مُکاشفہ 9:18 - کِتاب مُقدّس سرائیکی ترجمہ

¹⁸ اِنہاں ترے آفتاں یعنی بھاہ، دُھوئیں تے گندھک دی وجہ کنُوں جیہڑیاں اُنہاں دے مُنہ ءچوں نِکلدیاں پئیاں ہَن، اِنساناں دی ہِک تِہائی آبادی ہلاک تھی گئی۔

مُکاشفہ 9:18 Referans Kwoze

مُکاشفہ 9:17

او گھوڑے تے اُنہاں دے سوار جِنہاں کُوں مَیں آپنڑی رویا ءچ ڈِٹھا ہا، ایجھے سینے بند پاتی ودے ہَن جیہڑے بھاہ وانگُوں رتّے، سُنبل وانگُوں نیلے تے گندھک وانگُوں پِیلے ہَن۔ تے اُنہاں گھوڑیاں دے سر ببرشیر وانگُوں ہَن۔ اُنہاں دے مُنہ کنُوں بھاہ، دُھوواں تے گندھک نِکلدی پئی ہئی۔

مُکاشفہ 9:15

او چارے فرشتے جیہڑے خاص کر اُونہئی سال تے اُونہئی مہینے تے اُونہی ڈینہہ تے اُونہئی لاحظے کیتے تیار کیتے گئے ہَن، کھول ڈِتے گئے تاں جو ہِک تِہائی اِنساناں کُوں مار سٹنڑ۔

مُکاشفہ 8:7

جِیں ویلے پہلے فرشتے آپنڑا نرسِنگا وجایا تاں خون مِلے ہوئے ننڑاوے تے بھاہ پیدا تھئی جیہڑے زمین اُتے سَٹ ڈِتے گئے۔ اُوندے نال ہِک تِہائی زمین، ہِک تِہائی درخت تے ساری ساوی گھاہ سڑ گئی۔

مُکاشفہ 8:8

جِیں ویلے ڈُوجھے فرشتے آپنڑا نرسِنگا وجایا تاں بھاہ نال بلدی ہوئی ہِک پہاڑ جیہی بہُوں وڈی چیز سمندر ءچ سَٹ ڈِتی گئی۔ اُوندے نال ہِک تِہائی سمندر خون بنڑ گِیا،

مُکاشفہ 8:9

سمندر دے ہِک تِہائی جاندار مر گئے تے ہِک تِہائی جہاز تباہ تھی گئے۔

مُکاشفہ 8:10

جِیں ویلے تریجھے فرشتے آپنڑا نرسِنگا وجایا تاں مشعل آلی کار بلدا ہویا ہِک وڈا تارہ اسمان کنُوں تروٹ تے ہِک تِہائی دریاواں تے پانڑی دے چشمیاں اُتے ڈھے پِیا۔

مُکاشفہ 8:11

اُوں تارے دا ناں ”کوڑ“ ہے۔ اُوندے نال ہِک تِہائی پانڑی کوڑا تھی گِیا تے بہُوں سارے لوک اُوں کوڑے پانڑی دے سببّوں مر گئے۔

مُکاشفہ 8:12

جِیں ویلے چوتھے فرشتے آپنڑا نرسِنگا وجایا تاں ہِک تِہائی سِجھ تے ہِک تِہائی چَن تے ہِک تِہائی تاریاں دا نُقصان تھیّا، اِتُھوں تئیں جو اُنہاں دا ہِک تِہائی حصہ اندھارا تھی گِیا تے اِینویں ڈینہہ دے ہِک تِہائی تے رات دے ہِک تِہائی حصے دی روشنی غائب تھی گئی۔

مُکاشفہ 9:19

اُنہاں گھوڑیاں دی طاقت اُنہاں دے مُنہ تے پُچھاں ءچ ہئی۔ ایہ پُچھاں نانگاں وانگُوں ہَن جِنہاں دے سر نُقصان پُچیندے ہَن۔