مُکاشفہ 8:5 - کِتاب مُقدّس سرائیکی ترجمہ

⁵ وَل فرشتے قُربان گاہ کنُوں بھاہ گِھن تے خوشبودار مصالحہ ساڑن دے تھاں ءچ بھری تے اُونکُوں زمین اُتے سَٹ ڈِتا تے گجکار دیاں اوازاں تے بجلیاں چمکیاں تے زلزلہ آیا۔

مُکاشفہ 8:5 Referans Kwoze

مُکاشفہ 11:19

وَل خُدا دی ہیکل جیہڑی اسمان ءچ ہے کھول ڈِتی گئی تے اُوندے اندر اُوندے عہد دا صندوق نظر آیا۔ تے بجلیاں تے گجکار دیاں اوازاں پیدا تھیّاں، زلزلہ آیا تے بہُوں ننڑاوے پئے۔

مُکاشفہ 4:5

اُوں تخت ءچوں بجلیاں تے گجکار دیاں اوازاں نِکلدیاں پئیاں ہَن۔ تخت دے سامنڑے سَت چراغ بلدے پئے ہَن جیہڑے خُدا دیاں سَت رُوحاں ہِن۔

اعمال 16:26

جو اچانک ہِک زوردار زلزلہ آیا جیندے نال قید خانہ دیاں بنیاداں ہل گئیاں۔ دروازے فوراً کُھل گئے تے سارے قیدیاں دیاں بیڑیاں وی کُھل گئیاں۔

مُکاشفہ 11:13

اُوں ویلے ہِک وڈا زلزلہ آیا تے شہر دا ڈاہواں حصہ ڈھے پِیا۔ سَت ہزار لوک اُوں زلزلے نال مارے گئے تے جیہڑے باقی بچ گئے، اُنہاں دہشت زدہ تھی تے اسمان دے خُدا دی تعریف کیتی۔

مُکاشفہ 6:12

جِیں ویلے لیلے چِھینویں مُہر کھولی تاں مَیں ڈِٹھا جو ہِک وڈا زلزلہ آیا تے سِجھ بکری دے والاں دے ٹاٹ آلی کار کالا تھی گِیا، چَن خون وانگُوں رَتّا تھی گِیا،

اعمال 4:31

جِیں ویلے اُنہاں دُعا کر گِھدی تاں او جاہ جِتھاں او جمع ہَن کمب گئی تے او سارے رُوح القُدس نال بھریج گئے تے او خُدا دا کلام جُرأت نال سُنڑاوݨ لگے۔

لُوقا 12:49

مَیں زمین اُتے بھاہ لاوݨ آیا ہاں تے کاش او لگ گئی ہوندی!

متّی 24:7

کیوں جو قوم اُتے قوم تے سلطنت اُتے سلطنت چڑھائی کریسی۔ تے جاہ جاہ کال تے زلزلے آسن۔

مُکاشفہ 8:3

ہِک بِیا فرشتہ خوشبودار مصالحہ ساڑن کیتے سونے دا ہِک تھاں گِھن آیا تے قُربان گاہ دے کولھ وَنج کھڑا تھیّا۔ اُونکُوں بہُوں سارا خوشبودار مصالحہ ڈِتا گِیا تاں جو او اُونکُوں سارے مُقدّساں دیاں دُعاواں نال تخت دے سامنڑے دی سنہری قُربان گاہ اُتے پیش کرے۔