مُکاشفہ 7:16 - کِتاب مُقدّس سرائیکی ترجمہ

¹⁶ او نہ تاں کڈھائیں بُکھے تھیسن تے نہ ترِسّے۔ نہ اُنہاں کُوں دُھپ تنگ کریسی تے نہ گرمی۔

مُکاشفہ 7:16 Referans Kwoze

یُوحنّا 4:14

پر جیہڑا کوئی اُوں پانڑی ءچوں پِیندے جیہڑا مَیں اُونکُوں ڈیساں، اُونکُوں کڈھائیں تریھ نہ لگسی بلکہ جیہڑا پانڑی مَیں اُونکُوں ڈیساں او اُوندے ءچ چشمہ بنڑ ویسی جیہڑا ویہہ تے ہمیشاں دی زندگی ڈیسی۔“

مُکاشفہ 21:4

او اُنہاں دے اکھیں دے سارے ہنجُو پُونجھ ڈیسی۔ وَل نہ موت باقی راہسی نہ ماتم، نہ رووݨ تے نہ کوئی درد باقی راہسی کیوں جو پہلیاں چیزاں ویندیاں ریہیاں۔“

متّی 5:6

مُبارک ہِن او جیہڑے راستبازی دے بُکھے تے ترِسّے ہِن، کیوں جو او رَج سِن۔

لُوقا 6:21

مُبارک ہیوے تُساں جیہڑے ہُنڑ بُکھے ہیوے کیوں جو تُساں رَج سو۔ مُبارک ہیوے تُساں جیہڑے ہُنڑ روندے ہیوے کیوں جو تُساں کِھلسو۔

لُوقا 1:53

اُوں بُکھیاں کُوں چنگیاں چیزاں نال رَجا ڈِتا پر دولت منداں کُوں خالی ہتھ پِچھاں پھیر ڈِتا۔

متّی 13:6

پر جِیں ویلے سِجھ نِکلیا تاں پودے سڑ گئے تے کیوں جو او جڑھ نہ پکڑ سگے، اِیں واسطے سُک گئے۔

یعقُوب 1:11

جِیں ویلے سِجھ نِکلدے تاں دُھپ دی تیزی گھاہ کُوں سُکا ڈیندی ہے، اُوندا پُھل جَھڑ ویندے تے اُوندی خوبصورتی ختم تھی ویندی ہے۔ اِینویں ای دولت مند وی آپنڑی راہ اُتے ٹُردے ٹُردے مِٹی ءچ مِل ویسی۔

مرقس 4:17

پر آپنڑے اندر جڑھ نہ رکھنڑ پارُوں دیر تئیں قائم نئیں راہندے تے جِیں ویلے کلام دے سببّوں مُصیبت یا تنگی آندی ہے تاں فوراً ٹھوکر کھاندے ہِن۔

مرقس 4:6

پر جِیں ویلے سِجھ نِکلیا تاں پودے سڑ گئے تے کیوں جو او جڑھ نہ پکڑ سگے، اِیں واسطے سُک گئے۔

متّی 13:21

پر او اُوندے ءچ جڑھ نئیں پکڑیندا تے دیر تئیں قائم نئیں راہندا۔ جِیں ویلے کلام دے سببّوں مُصیبت یا ظلم آندے تاں فوراً ٹھوکر کھاندے۔