مُکاشفہ 7:10 - کِتاب مُقدّس سرائیکی ترجمہ

¹⁰ اُچی اواز ءچ آدھی پئی ہئی، ”نجات ساڈے خُدا دی طرفوں، جیہڑا تخت اُتے بیٹھے، تے لیلے دی طرفوں مِلدی ہے۔“

مُکاشفہ 7:10 Referans Kwoze

مُکاشفہ 19:1

اِیندے بعد مَیں اسمان اُتے لوکاں دی ہِک بہُوں وڈی جماعت کُوں ایہ آدھے ہوئے سُنڑیا جو ”ہلّلُویاہ! نجات تے جلال تے قُدرت ساڈے خُدا ای دی ہے،

مُکاشفہ 12:10

وَل مَیں اسمان کنُوں ہِک اُچی اواز سُنڑی جیہڑی ایہ آدھی پئی ہئی جو ”ہُنڑ ساڈے خُدا دی نجات، قُدرت تے بادشاہی تے اُوندے مسیح دا اِختیار ظاہر تھئے کیوں جو ساڈے بِھرانواں اُتے اِلزام لاوݨ آلا جیہڑا ڈینہہ رات خُدا دے حضُور اُنہاں اُتے اِلزام لیندا راہندے، تلے سَٹ ڈِتا گئے۔

مُکاشفہ 22:3

اُتھاں کوئی چیز نہ ہوسی جِیندے اُتے لعنت ہوسی۔ خُدا تے لیلے دا تخت اُوں شہر ءچ ہوسی تے اُوندے بندے اُوندی عبادت کریسن۔

اِفِسیوں 2:8

کیوں جو تُہاکُوں اِیمان گِھن آوݨ دے وسیلے فضل نال ای نجات مِلی ہے۔ ایہ تُہاڈی طرفوں نئیں بلکہ خُدا دی بخشش ہے۔

یُوحنّا 1:29

ڈُوجھے ڈینہہ یُوحنّا یسُوع کُوں آپنڑے کولھ آندے ڈیکھ تے آکھیا ”ڈیکھو ایہ خُدا دا لیلا ہے جیہڑا دُنیا دا گُناہ چا تے گِھن ویندے۔

مُکاشفہ 21:5

وَل اُوں جیہڑا تخت اُتے بیٹھا ہا آکھیا، ”ڈیکھ مَیں ساریاں چیزاں کُوں نواں بنڑیندا پِیا ہاں۔“ وَل آکھیا جو ”لِکھ کیوں جو ایہ گالھیں اعتماد دے لائق تے سچے ہِن۔“

لُوقا 3:6

تے سارے لوک خُدا دی نجات ڈیکھسن۔“

مُکاشفہ 5:7

او لیلا آیا تے اُوں تخت اُتے بیٹھے ہوئے دے سجے ہتھ کنُوں او طُومار گِھن گِھدا۔

مُکاشفہ 4:6

تے اُوں تخت دے سامنڑے بَلّور آلی کار ہِک شیشے دا سمندر ہئی۔ تخت دے اَدھ ءچ تے چودھارُوں چار جاندار ہَن جِنہاں دے اگُوں پِچُھوں اکھیں ای اکھیں ہَن۔

یُوحنّا 4:22

تُساں جِینکُوں نئیں جانڑدے اُوندی عبادت کریندے ہیوے۔ اساں جِینکُوں جانڑدے ہیں، اُوندی عبادت کریندے ہیں کیوں جو نجات یہُودیاں ءچوں ہے۔

یُوحنّا 1:36

اُوں یسُوع کُوں اُتھوں لنگھدا ڈیکھ تے آکھیا ”ڈیکھو! ایہ خُدا دا لیلا ہے۔“