مُکاشفہ 6:17 - کِتاب مُقدّس سرائیکی ترجمہ

¹⁷ کیوں جو اُنہاں دے غضب دا عظیم ڈینہہ آ گِیا ہے تے ہُنڑ کوݨ بچ سگدے؟“

مُکاشفہ 6:17 Referans Kwoze

مُکاشفہ 16:14

ایہ بدرُوحاں ہِن جِنہاں دا کم شیطانی کرِشمے ڈِکھاوݨ ہے۔ ایہ بدرُوحاں ساری دُنیا دے بادشاہاں دے کولھ ویندیاں ہِن تاں جو اُنہاں کُوں اُوں جنگ کیتے جمع کرݨ جیہڑی قادر ِ مُطلق خُدا دی عدالت دے عظیم ڈینہہ تھیسی۔ [خُداوند فرمیندے]

رومیوں 2:5

پر تُوں آپنڑے سخت تے توبہ نہ کرݨ آلے دل دے سببّوں آپنڑے کیتے غضب جمع کریندا پِیا ہیں، خُدا دے غضب دے ڈینہہ کیتے جڈاں خُدا دا سچا اِنصاف ظاہر تھیسی۔

مُکاشفہ 11:18

قوماں کاوڑ ءچ آ گئیاں تے تیڈا عذاب نازل تھیّا۔ ہُنڑ ویلا آ گِیا ہے جو مُردیاں دی عدالت کیتی ونجے تے تُوں آپنڑے خدمت گُزار نبیاں تے مُقدّساں کُوں تے چھوٹے وڈیاں کُوں جیہڑے تیڈا خوف منیندے ہِن، اجر بخشیں تے جِنہاں زمین اُتے تباہی مچائی ہئی اُنہاں کُوں تباہ کر ڈِتا ونجے۔“

یہُوداہ 1:6

تے جیہڑے فرشتیاں آپنڑے مقام کُوں قائم نہ رکھیا بلکہ آپنڑی مقررہ جاہ کُوں چھوڑ ڈِتا، اُنہاں کُوں خُدا ابدی زنجیراں نال بَدھ تے عدالت دے عظیم ڈینہہ تئیں اندھارے ءچ قید رکھیا ہے۔

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“