مُکاشفہ 6:16 - کِتاب مُقدّس سرائیکی ترجمہ

¹⁶ او پہاڑاں تے چٹاناں کُوں آکھنڑ لگے جو ”ساڈے اُتے ڈھے پوو تے ساکُوں اُوندے چہرہ کنُوں جیہڑا تخت اُتے بیٹھے تے لیلے دے غضب کنُوں بچا گِھنو،

مُکاشفہ 6:16 Referans Kwoze

لُوقا 23:30

وَل او پہاڑاں کُوں اکھیسن جو ’ساڈے اُتے ڈھے پوو‘ تے ٹِبیاں کُوں جو ’ساکُوں لُکا گِھنو۔‘

مُکاشفہ 4:2

وَل میں رُوح القُدس دے اثر ءچ آ گِیا تے کیا ڈیدھا ہاں جو اسمان اُتے ہِک تخت ہے تے اُوندے اُتے کوئی بیٹھا ہے۔

مُکاشفہ 20:11

وَل مَیں ہِک وڈا سفید تخت ڈِٹھا تے اُونکُوں وی جیہڑا اُوندے اُتے بیٹھا ہا۔ زمین تے اسمان اُوندی حضُوری کنُوں بھج گئے تے اُنہاں کُوں کِتھائیں جاہ نہ مِلی۔

متّی 26:64

یسُوع اُونکُوں آکھیا، ”تَیں خود ای آکھ ڈِتے۔ بلکہ مَیں تُہاکُوں آدھا ہاں جو اِیندے بعد تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

مُکاشفہ 19:15

اُوندے مُنہ ءچوں ہِک تیز تلوار نِکلدی ہے جیندے نال او قوماں کُوں مریسی۔ او لُوہے دے عصا نال اُنہاں اُتے حکُومت کریسی۔ او اُنہاں کُوں قادر ِ مُطلق خُدا دے قہر دے شراب دے حوض ءچ انگُوراں وانگُوں لتاڑ ڈیسی۔

مُکاشفہ 10:6

تے ہمیشاں تئیں زندہ راہوݨ آلے خالق دی جئیں اسمان، زمین، سمندر تے اُنہاں دے اندر دیاں ساریاں چیزاں کُوں خلق کیتا، قَسم چا تے آکھیا جو ”ہُنڑ مزید دیر نہ تھیسی۔

مُکاشفہ 6:10

اُنہاں اُچی اواز ءچ آکھیا، ”اے مالک! قدُّوس تے سچے خُدا، تُوں کڈݨ تئیں زمین آلیاں دی عدالت نہ کریسیں تے اُنہاں کنُوں ساڈے خون دا بدلہ نہ گِھنسیں؟“

مُکاشفہ 4:9

جڈاں وی او جاندار اُوندی تمجید، عزت تے شُکرگزاری کریندے ہِن جیہڑا تخت اُتے بیٹھے تے ہمیشاں تئیں زندہ ہے،

مُکاشفہ 4:5

اُوں تخت ءچوں بجلیاں تے گجکار دیاں اوازاں نِکلدیاں پئیاں ہَن۔ تخت دے سامنڑے سَت چراغ بلدے پئے ہَن جیہڑے خُدا دیاں سَت رُوحاں ہِن۔

مرقس 3:5

یسُوع اُنہاں دی سخت دِلی دے سببّوں بہُوں ڈُکھی تھیّا۔ اُوں اُنہاں کُوں کاوڑ نال ڈِٹھا تے اُوں بندے کُوں آکھیا، ”آپنڑا ہتھ ودھا۔“ اُوں ودھایا تے اُوندا ہتھ ٹھیک تھی گِیا۔

مُکاشفہ 5:1

وَل مَیں اُوندے سجے ہتھ ءچ، جیہڑا تخت اُتے بیٹھا ہا، ہِک طُومار ڈِٹھا جیہڑا ڈوہائیں پاسُوں لِکھیا ہویا ہا تے جِینکُوں سَت مُہراں لا تے بند کیتا گِیا ہا۔

مُکاشفہ 9:6

اُنہاں ڈینہاں ءچ لوک موت گولھیسن پر اُنہاں کُوں نہ مِلسی۔ او مرݨ دی خواہش کریسن تے موت اُنہاں کنُوں بھجسی۔