مُکاشفہ 6:11 - کِتاب مُقدّس سرائیکی ترجمہ

¹¹ وَل اُنہاں ءچوں ہر ہِک کُوں چِٹے کپڑے ڈِتے گئے تے اُنہاں کُوں آکھیا گِیا جو ”تھوڑی دیر بِیا اِنتظار کرو تاں جو تُہاڈے ہم خدمت بِھرانواں دا وی شمار پُورا تھی ونجے جیہڑے تُہاڈے آلی کار قتل کیتے ونجنڑ آلے ہِن۔“

مُکاشفہ 6:11 Referans Kwoze

مُکاشفہ 7:9

اِیندے بعد جِیں ویلے مَیں نِگاہ کیتی تاں ڈِٹھا جو ہر قوم، قبیلہ، اُمت تے اہل زبان دی ہِک ایجھی وڈی بِھیڑ ہے جِیندا شمار کرݨ ممکن نئیں۔ او چِٹے کپڑے پا تے تخت تے لیلے دے سامنڑے کھڑی ہئی۔ تے او ہتھاں ءچ کھجور دیاں لڑیاں گِھدے ہوئے

مُکاشفہ 14:13

وَل مَیں اسمان کنُوں ہِک اواز کُوں ایہ آدھے ہوئے سُنڑیا، ”لِکھ! مُبارک ہِن او جیہڑے ہُنڑ کنُوں خُداوند ءچ مردے ہِن۔“ رُوح القُدس فرمیندے، ”ہا! او آپنڑی محنت تُوں چُھٹ تے ارام پیسن کیوں جو اُنہاں دے اعمال اُنہاں دے پِچُھوں پِچُھوں آ تے اُنہاں دے نال راہسن۔“

مُکاشفہ 7:14

مَیں جواب ڈِتا ”میڈے آقا! ایہ تاں تُساں ای جانڑدے ہیوے۔“ وَل اُوں آکھیا جو ”ایہ لوک او ہِن جیہڑے وڈی مُصیبت ءچوں نِکل تے آئے ہِن۔ اُنہاں آپنڑے کپڑے لیلے دے خون نال دھو تے چِٹے کیتے ہِن۔

عبرانیوں 11:40

کیوں جو خُدا پہلے کنُوں ای ساڈے کیتے ہِک چنگا منصوبہ بنڑایا ہا تاں جو او لوک صرف ساڈے نال ای کامِل کیتے ونجنڑ۔

یُوحنّا 16:2

لوک تُہاکُوں عبادت خانیاں ءچوں کڈھ ڈیسن، بلکہ او وقت آوݨ آلا ہے جو جیہڑا کوئی تُہاکُوں قتل کریسی او ایہ سمجھسی جو مَیں خُدا دی خدمت کریندا ہاں۔

مُکاشفہ 17:6

مَیں ڈِٹھا جو او عورت مُقدّساں تے یسُوع دے شہیداں دا خون پی پی تے مدہوش تھی گئی ہئی۔ اُونکُوں ڈیکھ تے میکُوں بہُوں حیرانگی تھئی۔

مُکاشفہ 13:15

اُونکُوں پہلے حیوان دے بُت ءچ دم پُھونکنڑ دا اِختیار ڈِتا گِیا تاں جو حیوان دا بُت بول سگے تے جیہڑے اُوں بُت کُوں سجدہ کرݨ دا اِنکار کرݨ، اُنہاں کُوں قتل کروا چھوڑے۔

متّی 10:21

بِھرا کُوں بِھرا تے پِیُو آپنڑے پوتر کُوں قتل کیتے پکڑویسی۔ تے بال آپنڑے ماء پِیُو دے خلاف کھڑے تھی تے اُنہاں کُوں مروا ڈیسن۔

لُوقا 15:22

پر پِیُو آپنڑے نوکراں کُوں آکھیا، ’چنگی کنُوں چنگی پُشاک کڈھ تے اُونکُوں پواؤ تے اُوندے ہتھ ءچ مُندری تے پیراں ءچ جُتی پواؤ۔

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

2تھِسّلُنیکیوں 1:7

تے تُہاکُوں ڈُکھ چاوݨ آلیاں کُوں ساڈے نال ارام ڈیوے۔ ایہ اُوں ویلے ہوسی جِیں ویلے خُداوند یسُوع آپنڑے زورآور فرشتیاں دے نال بھڑکدی ہوئی بھاہ ءچ اسمان ءچوں ظاہر تھیسی۔

2 تِیمُتھِیُس 4:7

مَیں چنگی لڑائی لڑ گِھدی ہے۔ مَیں دوڑ کُوں مُکا گِھدے تے اِیمان کُوں محفوظ رکھے۔

عبرانیوں 4:10

کیوں جو جیہڑا کوئی خُدا دے ارام ءچ داخل تھیندے او خُدا وانگُوں آپنڑے کماں تُوں فارغ تھی تے ارام کریندے۔

عبرانیوں 12:23

تے اُنہاں پلوٹھیاں دی جماعت دے کولھ جِنہاں دے ناں اسمان اُتے لِکھے ہِن، تے سبھ دے مُنصف خُدا، تے کامِل کیتے ہوئے راستبازاں دیاں رُوحاں دے کولھ آئے ہیوے۔

مُکاشفہ 10:6

تے ہمیشاں تئیں زندہ راہوݨ آلے خالق دی جئیں اسمان، زمین، سمندر تے اُنہاں دے اندر دیاں ساریاں چیزاں کُوں خلق کیتا، قَسم چا تے آکھیا جو ”ہُنڑ مزید دیر نہ تھیسی۔