مُکاشفہ 4:11 - کِتاب مُقدّس سرائیکی ترجمہ

¹¹ ”اے خُداوند ساڈے خُدا تُوں ای جلال، عزت تے قُدرت دے لائق ہیں، کیوں جو تَیں ای ساریاں چیزاں کُوں خلق کیتے، تے او ساریاں تیڈی ای مرضی نال وجود ءچ آئیاں ہِن۔“

مُکاشفہ 4:11 Referans Kwoze

مُکاشفہ 5:12

او اُچی اواز نال آدھے پئے ہَن جو ”ذبح تھیّا ہویا لیلا ای قُدرت، دولت، حِکمت، عزت، جلال تے تمجید دے لائق ہے۔“

مُکاشفہ 10:6

تے ہمیشاں تئیں زندہ راہوݨ آلے خالق دی جئیں اسمان، زمین، سمندر تے اُنہاں دے اندر دیاں ساریاں چیزاں کُوں خلق کیتا، قَسم چا تے آکھیا جو ”ہُنڑ مزید دیر نہ تھیسی۔

مُکاشفہ 14:7

اُوں اُچی اواز ءچ آکھیا جو ”خُدا کنُوں ڈرو تے اُوندی تمجید کرو کیوں جو اُوندے عدالت کرݨ دا ویلا آݨ پُجیا ہے۔ اُونکُوں ای سجدہ کرو جئیں اسمان، زمین، سمندر تے پانڑی دے چشمے خلق کیتے۔“

مُکاشفہ 5:9

تے او ایہ نواں گیت گاوݨ لگے جو ”تُوں ای اِیں لائق ہیں جو طُومار کُوں گِھن تے اُوندیاں مُہراں کھولیں، کیوں جو تَیں ذبح تھی تے آپنڑے خون نال ہر قبیلہ، ہر زبان، ہر اُمت تے ہر قوم ءچوں لوکاں کُوں خُدا دے واسطے مُل گِھن گِھدے۔

عبرانیوں 1:10

تے ایہ وی اکھیندے جو ”اے خُداوند، تَیں شروع ءچ زمین دی بنیاد رکھی تے اسمان تیڈے ہتھاں دی کاریگری ہے۔

رومیوں 11:36

کیوں جو ساریاں چیزاں اُوندی طرفوں، اُوندے وسیلے نال تے اُوندے کیتے ہِن۔ اُوندی تمجید ہمیشاں تئیں تھیندی راہوے۔ آمین۔

اِفِسیوں 3:9

تے سارے لوکاں اُتے اُوں بھید آلا منصوبہ ظاہر کراں جیہڑا پُرانڑے زمانیاں ءچ ہر چیز کُوں پیدا کرݨ آلے خُدا دے کولھ لُکیا ہویا ہا۔

اعمال 14:15

آکھنڑ لگے جو ”لوکو! تُساں ایہ کیا کریندے ہیوے؟ اساں وی تُہاڈے آلی کار اِنسان ہیں تے تُہاکُوں خوشخبری سُنڑیندے ہیں تاں جو تُساں اِنہاں بے کار چیزاں کُوں چھوڑ تے زندہ خُدا دو رجُوع گِھن آؤ جئیں زمین تے اسمان تے سمندر تے جیہڑا کُجھ اُنہاں ءچ ہے، پیدا کیتے۔

اعمال 17:24

جِیں خُدا دُنیا تے اُوندے سارے چیزاں کُوں پیدا کیتا او اسمان تے زمین دا مالک ہے۔ او ہتھ دے بنڑائے مندراں ءچ نئیں راہندا۔

مُکاشفہ 5:2

تے مَیں ہِک فرشتہ کُوں ڈِٹھا جیہڑا اُچی اواز نال ایہ آدھا پِیا ہا جو ”کوݨ اِنہاں مُہراں کُوں تروڑ تے اِیں طُومار کُوں کھولنڑ دے لائق ہے؟“

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔

مُکاشفہ 1:6

تے ساکُوں ہِک بادشاہی یعنی آپنڑے خُدا تے باپ دی خدمت کیتے کاہِن وی بنڑایا۔ جلال تے قُدرت ہمیشاں تئیں اُوندی راہوے۔ آمین۔

مُکاشفہ 19:1

اِیندے بعد مَیں اسمان اُتے لوکاں دی ہِک بہُوں وڈی جماعت کُوں ایہ آدھے ہوئے سُنڑیا جو ”ہلّلُویاہ! نجات تے جلال تے قُدرت ساڈے خُدا ای دی ہے،