مُکاشفہ 3:5 - کِتاب مُقدّس سرائیکی ترجمہ

⁵ جیہڑا غالب آسی، اُونکُوں اُنہاں آلی کار چِٹے کپڑے پوا ڈِتے ویسن تے مَیں اُوندا ناں کتاب ِ حیات ءچوں کڈھائیں خارج نہ کریساں بلکہ آپنڑے باپ تے اُوندے فرشتیاں دے سامنڑے اُوندے ناں دا اِقرار کریساں۔

مُکاشفہ 3:5 Referans Kwoze

متّی 10:32

بس جیہڑا کوئی لوکاں دے سامنڑے میڈا اِقرار کریسی مَیں وی آپنڑے باپ دے سامنڑے جیہڑا اسمان اُتے ہے اُوندا اِقرار کریساں۔

مُکاشفہ 21:27

کوئی ناپاک چیز یا کوئی گندے کم کرݨ آلا یا کُوڑ گھڑن آلا اُوندے ءچ کڈھائیں داخل نہ تھیسی، پر صرف اُوہو جِنہاں دے ناں لیلے دی کتاب ِ حیات ءچ لِکھے گئے ہِن۔

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔

لُوقا 12:8

مَیں تُہاکُوں آدھا ہاں جو جیہڑا کوئی لوکاں دے سامنڑے میڈا اِقرار کریسی، اِبنِ آدم وی خُدا دے فرشتیاں دے سامنڑے اُوندا اِقرار کریسی۔

مُکاشفہ 17:8

جیہڑا حیوان تَیں ڈِٹھے، او پہلے ہا، پر ہُنڑ نئیں۔ او بے تَل کھڈے کنُوں نِکلسی تے ہلاک تھی ویسی۔ تے زمین دے او راہنڑ آلے جِنہاں دے ناں دُنیا بنڑݨ کنُوں پہلے کتاب ِ حیات ءچ لِکھے نئیں گئے، اُوں حیوان کُوں ڈیکھ تے حیران رہ ویسن، کیوں جو او پہلے ہا، پر ہُنڑ نئیں تے وَل آوݨ آلا ہے۔

مُکاشفہ 20:12

تے مَیں چھوٹے وڈے سارے مُردیاں کُوں تخت دے سامنڑے کھڑے ڈِٹھا تے کتاباں کھولیاں گئیاں۔ وَل ہِک بئی کتاب وی کھولی گئی جیہڑی کتاب ِ حیات ہے۔ تے ساریاں مُردیاں دی عدالت اُنہاں دے اعمال دے مطابق کیتی گئی جیہڑے اُنہاں کتاباں ءچ لِکھے ہَن۔

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔

مُکاشفہ 2:7

جیندے کَن ہووݨ او سُنڑے جو رُوح القُدس کلیسیاواں کُوں کیا فرمیندے۔ جیہڑا غالب آسی مَیں اُونکُوں زندگی دے اُوں درخت دا پھل کھاوݨ کیتے ڈیساں جیہڑا خُدا دے فِردوس ءچ ہے۔“

فِلِپّیوں 4:3

تے میڈے سچے سنگتی، مَیں تیکُوں وی عرض کریندا ہاں جو اِنہاں عورتاں دی مدد کر، کیوں جو اُنہاں کلیمینس تے میڈے نال خدمت کرݨ آلے باقی لوکاں سمیت میڈے نال خوشخبری سُنڑاوݨ ءچ بہُوں محنت کیتی ہے۔ اِنہاں ساریاں دے ناں کتاب ِ حیات ءچ لِکھے ہِن۔

مُکاشفہ 19:8

اُونکُوں چمکدار تے صاف مہین لینن دے کپڑے پاوݨ دا حق مِلے“ کیوں جو مہین لینن دے کپڑیاں دا مطلب مُقدّساں دی صداقت دے کم ہِن۔

مُکاشفہ 22:19

تے جے کوئی نبُوّت دی اِیں کتاب دے گالھیں ءچوں کُجھ کڈھیسی تاں خُدا اِیں کتاب ءچ ذِکر کیتے ہوئے حیات دے درخت تے مُقدّس شہر ءچوں اُوندا حصہ کڈھ ڈیسی۔

مُکاشفہ 3:4

پر سردِیس ءچ تیڈے کُجھ لوک ایجھے ہِن جِنہاں آپنڑے کپڑیاں کُوں ناپاک نئیں کیتا۔ او چِٹے کپڑے پاتے ہوئے میڈے نال ٹُرسن، کیوں جو او اِیندے لائق ہِن۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

لُوقا 10:20

وَل وی اِیں تُوں خوش نہ تھیؤ جو بدرُوحاں تُہاڈے تابع ہِن بلکہ اِیں گالھ کنُوں خوش تھیؤ جو تُہاڈے ناں اسمان اُتے لِکھے ہوئے ہِن۔“

مُکاشفہ 2:11

جیندے کَن ہووݨ او سُنڑے جو رُوح القُدس کلیسیاواں کُوں کیا فرمیندے۔ جیہڑا غالب آسی اُونکُوں ڈُوجھی موتکنُوں کوئی نُقصان نہ پُجسی۔“

مُکاشفہ 3:12

جیہڑا غالب آسی، مَیں اُونکُوں آپنڑے خُدا دی ہیکل ءچ ہِک تھمبا بنڑا ڈیساں۔ او ہمیشاں تئیں اُتھاں راہسی تے مَیں اُوندے اُتے آپنڑے خُدا دا ناں تے آپنڑے خُدا دے شہر دا ناں لِکھساں یعنی نواں یروشلیم جیہڑا میڈے خُدا دی طرفوں اسمان کنُوں لہوݨ آلا ہے۔ تے مَیں اُوندے اُتے آپنڑا نواں ناں وی لِکھساں۔

مُکاشفہ 6:11

وَل اُنہاں ءچوں ہر ہِک کُوں چِٹے کپڑے ڈِتے گئے تے اُنہاں کُوں آکھیا گِیا جو ”تھوڑی دیر بِیا اِنتظار کرو تاں جو تُہاڈے ہم خدمت بِھرانواں دا وی شمار پُورا تھی ونجے جیہڑے تُہاڈے آلی کار قتل کیتے ونجنڑ آلے ہِن۔“