مُکاشفہ 3:17 - کِتاب مُقدّس سرائیکی ترجمہ

¹⁷ تُوں آدھیں جو مَیں دولت مند ہاں تے مالدار بنڑ گِیا ہاں تے کہیں چیز دا مُتھاج نئیں پر تُوں ایہ نئیں جانڑدا جو تُوں بدبخت، ترس دے قابل، غریب، اندھا تے ننگا ہیں۔

مُکاشفہ 3:17 Referans Kwoze

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔

رومیوں 7:24

ہائے! مَیں کیجھا بدبخت اِنسان ہاں۔ اِیں موت دے بدن کنُوں میکُوں کوݨ چُھڑویسی؟

لُوقا 1:53

اُوں بُکھیاں کُوں چنگیاں چیزاں نال رَجا ڈِتا پر دولت منداں کُوں خالی ہتھ پِچھاں پھیر ڈِتا۔

متّی 9:12

اُوں ایہ سُنڑ تے آکھیا جو ”تندرُستاں کُوں حکیم دی لوڑ نئیں بلکہ بیماراں کُوں۔

مُکاشفہ 16:15

”ڈیکھو! مَیں چور وانگُوں آندا پِیا ہاں مُبارک ہے او جیہڑا جاگدا راہندے تے آپنڑی پُشاک کُوں حفاظت نال رکھیندے۔ اِینویں نہ تھیوے جو او ننگا پِھرے تے لوک اُوندا ننگا پن ڈیکھنڑ۔“

رومیوں 12:3

مَیں اُوں فضل دی وجہ کنُوں جیہڑا میڈے اُتے تھئے، تُہاڈے ءچوں ہر ہِک کُوں آدھا ہاں جو جِتنا سمجھنڑ مناسب ہے کوئی آپنڑے آپ کُوں اُوں کنُوں زیادہ نہ سمجھے بلکہ ہر ہِک آپنڑی حقیقت کُوں اُوں اِیمان دے ناپ دے مطابق چنگی طرحاں جاݨ گِھنے، جیہڑا خُدا اُونکُوں بخش ڈِتے۔

2 پطرس 1:9

پر جیندے ءچ ایہ خُوبیاں نہ ہووݨ، او اندھا ہے تے اُوندی نظر اِتنی کمزور ہے جو اُونکُوں صرف نزدیک دیاں چیزاں نظر آندیاں ہِن تے آپنڑے پہلے گُناہاں کنُوں پاک تھیوݨ کُوں بُھلی بیٹھے۔

متّی 5:3

”مُبارک ہِن او جیہڑے دل دے غریب ہِن، کیوں جو اسمان دی بادشاہی اُونہی دی ہے۔

لُوقا 6:24

پر افسوس تُہاڈے اُتے جیہڑے دولت مند ہیوے کیوں جو تُساں آپنڑی تسلی پا چُکے۔

رومیوں 11:25

بِھراؤ! مَیں اِیں راز کُوں تُہاکُوں سمجھاونڑاں چاہندا ہاں تاں جو تُساں آپنڑے آپ اُتے فخر نہ کرو۔ گالھ ایہ ہے جو اِسرائیل دا ہِک حصہ سخت دل تھی گِیا ہے تے جئیں تئیں غیر قوماں مکمل طور تے داخل نہ تھی ونجنڑ او اِینویں ای راہسی۔

رومیوں 11:20

ٹھیک ہے۔ پر او اِیمان نہ گِھن آوݨ دے سببّوں کپ ڈِتیاں گئیاں تے تُوں تاں اِیمان گِھن آوݨ دی وجہ کنُوں قائم ہیں۔ بس مغرُور نہ تھی بلکہ ڈردا رہ،

مُکاشفہ 3:16

پر کیوں جو تُوں نہ گرم ہیں نہ ٹھڈا بلکہ نیم گرم ہیں، اِیں واسطے مَیں تیکُوں آپنڑے مُنہ ءچوں تُھکنڑ آلا ہاں۔