مُکاشفہ 22:15 - کِتاب مُقدّس سرائیکی ترجمہ

¹⁵ پر کُتے، جادُوگر، حرام کار، خونی، بُت پرست، کُوڑی گالھ گھڑن تے پسند کرݨ آلے باہر راہسن۔

مُکاشفہ 22:15 Referans Kwoze

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

فِلِپّیوں 3:2

اُنہاں کُتیاں کنُوں ہُشیار راہو، یعنی اُنہاں بدکاراں تے جِسم کٹواوݨ آلیاں کنُوں۔

مُکاشفہ 21:27

کوئی ناپاک چیز یا کوئی گندے کم کرݨ آلا یا کُوڑ گھڑن آلا اُوندے ءچ کڈھائیں داخل نہ تھیسی، پر صرف اُوہو جِنہاں دے ناں لیلے دی کتاب ِ حیات ءچ لِکھے گئے ہِن۔

کلُسِّیوں 3:6

کیوں جو اُنہاں دی وجہ تُوں خُدا دا غضب نافرماناں اُتے نازل تھیندے۔

مُکاشفہ 18:23

چراغ دی روشنی ولا کڈھائیں تیڈے ءچ نہ چمکسی گھوٹ تے کُنوار دیاں اوازاں کڈھائیں تیڈے ءچ سُنڑائی نہ ڈیسن کیوں جو تیڈے تاجر دُنیا دے وڈے وڈے لوک ہَن تے تیڈی جادُوگری نال ساریاں قوماں گُمراہ تھی گئیاں۔

اعمال 8:11

او اِیں واسطے اُوندے دو توجہ کریندے ہَن جو اُوں وڈی مُدت کنُوں آپنڑے جادُو دے سببّوں ساریاں کُوں حیران کیتا ہویا ہا۔

متّی 8:12

پر بادشاہی دے پوتر باہر اندھارے ءچ سَٹ ڈِتے ویسن جِتھاں رووݨ تے ڈنداں دا پِیہوݨ ہوسی۔“

یُوحنّا 8:46

تُہاڈے ءچوں کوݨ ہے جیہڑا میڈے ءچ گُناہ ثابت کر سگدے؟ جے مَیں سچ آدھا ہاں تاں تُساں میڈا یقین کیوں نئیں کریندے؟

متّی 7:6

پاک چیز کُتیاں دے اگُوں نہ رکھو تے آپنڑے موتی سُوراں دے اگُوں نہ سٹو۔ اِینویں نہ تھیوے جو او اُنہاں کُوں پیراں تلے لتاڑن تے مُڑ تے تُہاکُوں چِیر پھاڑ سٹنڑ۔

1 تِیمُتھِیُس 1:10

تے اُنہاں کیتے ہے جیہڑے زِنا کار ہِن، چھوہر باز ہِن، اغوا کرݨ آلے ہِن، کُوڑ مریندے ہِن، کُوڑیاں قَسماں چیندے ہِن، تے ایجھے بہُوں سارے کم کریندے ہِن جیہڑے صحیح تعلیم دے خلاف ہِن۔