مُکاشفہ 21:27 - کِتاب مُقدّس سرائیکی ترجمہ

²⁷ کوئی ناپاک چیز یا کوئی گندے کم کرݨ آلا یا کُوڑ گھڑن آلا اُوندے ءچ کڈھائیں داخل نہ تھیسی، پر صرف اُوہو جِنہاں دے ناں لیلے دی کتاب ِ حیات ءچ لِکھے گئے ہِن۔

مُکاشفہ 21:27 Referans Kwoze

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔

مُکاشفہ 3:5

جیہڑا غالب آسی، اُونکُوں اُنہاں آلی کار چِٹے کپڑے پوا ڈِتے ویسن تے مَیں اُوندا ناں کتاب ِ حیات ءچوں کڈھائیں خارج نہ کریساں بلکہ آپنڑے باپ تے اُوندے فرشتیاں دے سامنڑے اُوندے ناں دا اِقرار کریساں۔

متّی 13:41

اِبنِ آدم آپنڑے فرشتیاں کُوں بھجیسی تے او ٹھوکر کھواوݨ آلیاں ساریاں چیزاں تے بدکاراں کُوں اُوندی بادشاہی ءچوں جمع کریسن۔

اِفِسیوں 5:5

کیوں جو تُساں ایہ جانڑدے ہیوے جو کہیں حرامکار، ناپاک یا لالچی بندے دی مسیح تے خُدا دی بادشاہی ءچ کوئی میراث نئیں بلکہ لالچی بندہ بُت پرست دے برابر ہے۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔

مُکاشفہ 20:12

تے مَیں چھوٹے وڈے سارے مُردیاں کُوں تخت دے سامنڑے کھڑے ڈِٹھا تے کتاباں کھولیاں گئیاں۔ وَل ہِک بئی کتاب وی کھولی گئی جیہڑی کتاب ِ حیات ہے۔ تے ساریاں مُردیاں دی عدالت اُنہاں دے اعمال دے مطابق کیتی گئی جیہڑے اُنہاں کتاباں ءچ لِکھے ہَن۔

فِلِپّیوں 4:3

تے میڈے سچے سنگتی، مَیں تیکُوں وی عرض کریندا ہاں جو اِنہاں عورتاں دی مدد کر، کیوں جو اُنہاں کلیمینس تے میڈے نال خدمت کرݨ آلے باقی لوکاں سمیت میڈے نال خوشخبری سُنڑاوݨ ءچ بہُوں محنت کیتی ہے۔ اِنہاں ساریاں دے ناں کتاب ِ حیات ءچ لِکھے ہِن۔

مرقس 7:2

تے اُنہاں ڈِٹھا جو اُوندے کُجھ شاگرد ناپاک ہتھاں نال یعنی ہتھ دھوتے بغیر کھانڑا کھاندے ہِن۔

لُوقا 10:20

وَل وی اِیں تُوں خوش نہ تھیؤ جو بدرُوحاں تُہاڈے تابع ہِن بلکہ اِیں گالھ کنُوں خوش تھیؤ جو تُہاڈے ناں اسمان اُتے لِکھے ہوئے ہِن۔“

1 تِیمُتھِیُس 1:10

تے اُنہاں کیتے ہے جیہڑے زِنا کار ہِن، چھوہر باز ہِن، اغوا کرݨ آلے ہِن، کُوڑ مریندے ہِن، کُوڑیاں قَسماں چیندے ہِن، تے ایجھے بہُوں سارے کم کریندے ہِن جیہڑے صحیح تعلیم دے خلاف ہِن۔

2 پطرس 3:13

پر اساں خُدا دے وعدے دے مطابق نویں اسمان تے نوِیں زمین دے اِنتظار ءچ ہیں جِتھاں راستبازی سکونت کریندی ہے۔