مُکاشفہ 20:9 - کِتاب مُقدّس سرائیکی ترجمہ

⁹ او ساری زمین اُتے کِھنڈ گئے تے مُقدّساں دے ڈیرے تے اُوں عزیز شہر کُوں چودھارُوں گھیر گِھدا۔ وَل اسمان کنُوں بھاہ نازل تھئی تے اُنہاں کُوں ساڑ تے سواہ کر ڈِتا۔

مُکاشفہ 20:9 Referans Kwoze

2تھِسّلُنیکیوں 1:8

او اُنہاں کُوں سزا ڈیسی جیہڑے خُدا کُوں نئیں جانڑدے تے ساڈے خُداوند یسُوع دی خوشخبری کُوں نئیں منیندے۔

مُکاشفہ 13:13

او وڈے وڈے کرِشمے ڈکھیندا ہا، اِتُھوں تئیں جو لوکاں دے اکھیں دے سامنڑے اسمان کنُوں بھاہ نازل کر ڈیندا ہا۔

مُکاشفہ 11:5

جے کوئی اُنہاں کُوں نُقصان پُچاوݨ چاہوے تاں اُنہاں دے مُنہ ءچوں بھاہ نِکلدی ہے تے اُنہاں دے دُشمنڑاں کُوں کھا ویندی ہے۔ جیہڑا کوئی اُنہاں کُوں نُقصان پُچاوݨ چاہسی، او وی ضرور اِینویں ای ہلاک تھیسی۔

لُوقا 17:29

پر جیہڑے ڈینہہ لُوط سدُوم کنُوں باہر نِکلیا تاں بھاہ تے گندھک اسمان کنُوں وس تے سبھ کُوں ہلاک کر ڈِتا۔

لُوقا 9:54

ایہ ڈیکھ تے اُوندے شاگرد یعقُوب تے یُوحنّا آکھنڑ لگے، ”مالک! کیا تُساں چاہندے ہیوے جو اساں حُکم ڈیؤں جو اسمان کنُوں بھاہ نازل تھی تے اُنہاں کُوں بھسم کر ڈیوے [جِینویں ایلیّاہ کیتا]؟“

عبرانیوں 13:13

اِیں واسطے آؤ، اساں یسُوع دی ذِلت کُوں آپنڑے اُتے گِھن تے ڈیرے دی حد کنُوں باہر اُوندے کولھ جُلوں۔

لُوقا 21:20

وَل جِیں ویلے تُساں یروشلیم کُوں فوجاں دے گھیرے ءچ ڈیکھو تاں سمجھ گِھنائے جو اُوندے برباد تھیوݨ دا ڈینہہ نیڑے ہے۔

لُوقا 19:43

کیوں جو او ڈینہہ تیڈے اُتے آسن جو تیڈے دُشمنڑ تیڈے خلاف مورچے بَدھ تے تیکُوں چودھارُوں گھیر گِھنسن تے ہر پاسے کنُوں تنگ کریسن۔