مُکاشفہ 20:5 - کِتاب مُقدّس سرائیکی ترجمہ

⁵ باقی مُردے ہِک ہزار سال پُورے تھیوݨ تئیں زندہ نہ تھئے۔ ایہ پہلی قیامت ہے۔

مُکاشفہ 20:5 Referans Kwoze

فِلِپّیوں 3:11

تاں جو کہیں طرحاں مُردیاں ءچوں زندہ تھیوݨ دے درجہ تئیں پُج ونجاں۔

مُکاشفہ 11:15

جِیں ویلے ستویں فرشتے آپنڑا نرسِنگا وجایا تاں اسمان کنُوں اُچیاں اوازاں آوݨ لگیاں جیہڑیاں ایہ آدھیاں پئیاں ہَن، ”دُنیا دی بادشاہی ساڈے خُداوند تے اُوندے مسیح دی تھی گئی ہے تے او ہمیشاں تئیں بادشاہی کریندا راہسی۔“

لُوقا 14:14

تے تیکُوں برکت مِلسی، کیوں جو اُنہاں دے کولھ کُجھ نئیں جیندے نال او تیڈا احسان لہا سگن، تے تیکُوں اِیں احسان دا بدلہ راستبازاں دی قیامت ءچ مِلسی۔“

مُکاشفہ 11:11

پر ساڈھے ترے ڈینہہ بعد خُدا دی طرفوں اُنہاں ءچ زندگی دا دم پُھونکیا گِیا تے او آپنڑے پیراں اُتے کھڑے تھی گئے۔ اُنہاں دے ڈیکھنڑ آلیاں اُتے بہُوں خوف چھا گِیا۔

رومیوں 11:15

کیوں جو جِیں ویلے اُنہاں دا رَد تھی ونجنڑ، دُنیا کیتے خُدا نال صُلح دا سبب بنڑ گِیا تاں اُنہاں دا ولا قبول تھی ونجنڑ مُردیاں ءچوں زندہ تھی ونجنڑ الی کار نہ ہوسی؟

1تھِسّلُنیکیوں 4:16

کیوں جو خُداوند خود وڈی اُچی اواز ءچ ہِک حُکم نال تے سردار فرشتہ دی اواز تے خُدا دے نرسِنگے دے وجائے ونجنڑ دے نال اسمان تُوں تلے لہہ آسی۔ تے پہلے تاں او جیہڑے مسیح ءچ مر گئے ہِن زندہ تھی ویسن۔