مُکاشفہ 20:10 - کِتاب مُقدّس سرائیکی ترجمہ

¹⁰ تے ابلیس، جئیں اُنہاں کُوں گُمراہ کیتا ہا، گندھک تے بھاہ دی جھیل ءچ سٹیا گِیا جِتھاں او حیوان تے کُوڑا نبی وی ہئی تے او ڈینہہ رات ہمیشاں تئیں عذاب ءچ راہسن۔

مُکاشفہ 20:10 Referans Kwoze

متّی 25:41

وَل او آپنڑے کھبے پاسے آلیاں کُوں اکھیسی، ’لعنتیو! میڈے سامنڑے کنُوں پرے تھی ونجو، تے اُوں ہمیشاں تئیں بلنڑ آلی بھاہ ءچ چلے ونجو جیہڑی ابلیس تے اُوندے فرشتیاں کیتے تیار کیتی گئی ہے۔

مُکاشفہ 19:20

پر اُوں حیوان کُوں گرفتار کر گِھدا گِیا تے اُوندے نال اُوں کُوڑے نبی کُوں وی جئیں اُوندی خاطر معجزانہ نشان ڈِکھائے ہَن۔ اُنہاں معجزیاں دے ذریعے اُوں اُنہاں لوکاں کُوں جِنہاں حیوان دا نشان لوایا ہا تے اُوندے بُت دی عبادت کیتی ہئی، گُمراہ کیتا ہا۔ او ڈوہائیں گندھک نال بلدی ہوئی بھاہ دی جھیل ءچ زندہ سَٹ ڈِتے گئے۔

متّی 25:46

تے اِنہاں کُوں ہمیشاں دی سزا مِلسی پر راستباز کُوں ہمیشاں دی زندگی۔“

مُکاشفہ 20:8

او نِکل تے ساریاں قوماں کُوں جیہڑیاں زمین دے چارے کونیاں ءچ آباد ہِن یعنی جُوج ماجُوج کُوں گُمراہ کر تے جنگ کیتے جمع کریسی۔ اُنہاں دا شمار سمندر دی ریت دے برابر ہوسی۔

مُکاشفہ 16:13

وَل مَیں اژدہے دے مُنہ کنُوں تے حیوان دے مُنہ کنُوں تے کُوڑے نبی دے مُنہ کنُوں ڈیڈراں دی شکل وانگُوں ترے ناپاک رُوحاں کُوں نِکلدے ڈِٹھا۔

متّی 7:15

کُوڑے نبیاں تُوں خبردار راہو جیہڑے تُہاڈے کولھ بھیڈاں دی شکل ءچ آندے ہِن پر اندرُوں چِیرݨ پھاڑن آلے نہر ہِن۔

مُکاشفہ 9:17

او گھوڑے تے اُنہاں دے سوار جِنہاں کُوں مَیں آپنڑی رویا ءچ ڈِٹھا ہا، ایجھے سینے بند پاتی ودے ہَن جیہڑے بھاہ وانگُوں رتّے، سُنبل وانگُوں نیلے تے گندھک وانگُوں پِیلے ہَن۔ تے اُنہاں گھوڑیاں دے سر ببرشیر وانگُوں ہَن۔ اُنہاں دے مُنہ کنُوں بھاہ، دُھوواں تے گندھک نِکلدی پئی ہئی۔

مرقس 9:44

[جِتھاں اُنہاں دا کیڑا نئیں مردا تے بھاہ نئیں وِسمدی۔]