مُکاشفہ 2:5 - کِتاب مُقدّس سرائیکی ترجمہ

⁵ بس یاد کر جو تُوں کِتھوں ڈھٹھا ہیں۔ توبہ کر تے، اُوہو کم کر جیہڑے پہلے کریندا ہَویں، نہ تاں مَیں تیڈے کولھ آ تے تیڈے چراغ کُوں اُوندی جاہ کنُوں ہٹا ڈیساں۔

مُکاشفہ 2:5 Referans Kwoze

مُکاشفہ 3:19

مَیں جِنہاں نال پیار کریندا ہاں، اُنہاں کُوں ملامت کریندا تے سزا ڈے تے اُنہاں دی تربیت وی کریندا ہاں۔ اِیں واسطے ہوشیار تھی، تے توبہ کر۔

مُکاشفہ 2:16

اِیں واسطے توبہ کر، نہ تاں مَیں جلدی تیڈے کولھ آساں تے آپنڑے مُنہ دی تلوار نال اُنہاں نال لڑساں۔

مُکاشفہ 2:19

”مَیں تیڈے کماں، تیڈی محبت، تیڈے اِیمان، تیڈی خدمت تے تیڈی ثابت قدمی کُوں جانڑدا ہاں تے ایہ وی جو تُوں ہُنڑ پہلے کنُوں وی زیادہ کم کریندا پِیا ہیں۔

مُکاشفہ 1:20

او سَت تارے جیہڑے تَیں میڈے سجے ہتھ ءچ ڈِٹھے ہِن تے سونے دے سَت چراغ داناں دا راز ایہ ہے : او سَت تارے تاں سَت کلیسیاواں دے فرشتے ہِن تے سَت چراغ دان سَت کلیسیاواں ہِن۔“

لُوقا 1:17

اُوندے ءچ ایلیّاہ جیہی رُوح تے قوت ہوسی تے او خُداوند تُوں پہلے آسی تاں جو پِیُو دا دل اولاد آلے پاسے لاوے تے نافرماناں کُوں نیک لوکاں دی حِکمت آلی راہ آلے پاسے پھیر ڈیوے تے لوکاں کُوں خُداوند دی آمد کیتے تیار کرے۔“

لُوقا 20:16

او آ تے اُنہاں ٹھیکیداراں کُوں ہلاک کریسی تے انگُوراں دا باغ ڈُوجھیاں دے حوالے کر ڈیسی۔“ لوکاں سُنڑ تے آکھیا، ”خُدا نہ کرے۔“

مرقس 12:9

ہُنڑ باغ دا مالک کیا کریسی؟ او آ تے اُنہاں ٹھیکیداراں کُوں ہلاک کریسی تے انگُوراں دا باغ ڈُوجھیاں دے حوالے کر ڈیسی۔

مُکاشفہ 2:2

”مَیں تیڈے کم، تیڈی محنت تے تیڈی ثابت قدمی کُوں جانڑدا ہاں۔ تے ایہ وی جانڑدا ہاں جو تُوں بدکاراں کُوں برداشت نئیں کر سگدا تے جیہڑے آپنڑے آپ کُوں رسُول آدھے ہِن پر ہِن نئیں، تَیں اُنہاں کُوں ازمائے تے کُوڑا ثابت کیتے۔

گلتِیوں 5:4

تُساں جیہڑے شریعت دے وسیلے نال راستباز بنڑݨ چاہندے ہیوے، مسیح کنُوں اَنج تھی گئے ہیوے تے فضل تُوں محروم تھی گئے ہیوے۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

عبرانیوں 10:32

پر اُنہاں پہلے ڈینہاں کُوں یاد کرو جِیں ویلے تُساں اِیمان نال روشن تھیوݨ تُوں بعد شدید تکلیفاں دا ڈُکھ برداشت کیتا۔

مُکاشفہ 16:9

لوک گرمی دی شِدت پارُوں سڑ گئے تے خُدا دے ناں دی توہین کرݨ لگے، جیہڑا اِنہاں آفتاں اُتے اِختیار رکھیندے۔ اُنہاں توبہ کرݨ تے خُدا دی تعریف کرݨ تُوں اِنکار کر ڈِتا۔

متّی 5:14

تُساں دُنیا دا نُور ہیوے۔ جیہڑا شہر پہاڑ اُتے وسیا ہے او لُک نئیں سگدا۔

متّی 5:15

تے ڈیوا بال تے تھاں دے تلے نئیں بلکہ ڈیواٹ اُتے رکھیندے ہِن، تاں اُوندے تُوں گھر دے سبھ لوکاں کُوں روشنی پُجدی ہے۔

فِلِپّیوں 2:15

تاں جو تُساں بے اِلزام تے پاک تھی تے ٹیڑھے تے گُمراہ لوکاں ءچ خُدا دے بے عیب فرزند بنڑے راہو، جِنہاں دے وچال تُساں اسمان دے تاریاں وانگُوں چمکدے ہیوے۔

2 پطرس 3:17

اِیں واسطے عزیزو! تُساں جیہڑے اِنہاں گالھیں تُوں پہلے ای خبردار ہیوے، ہوشیار راہو، اِینویں نہ تھیوے جو بدکاراں دے غلط گالھیں تُہاکُوں گُمراہ کر تے محفوظ جاہ تُوں ہٹا ڈیوݨ۔