مُکاشفہ 2:18 - کِتاب مُقدّس سرائیکی ترجمہ

¹⁸ تھواتِیرہ دی کلیسیا دے فرشتہ کُوں لِکھ جو خُدا دا پوتر جیندے اکھیں بھاہ دے شعلہ وانگُوں تے جیندے پیر خالص پِتّل وانگُوں ہِن، ایہ فرمیندے جو

مُکاشفہ 2:18 Referans Kwoze

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

متّی 3:17

تے اسمان تُوں ایہ اواز آئی جو ”ایہ میڈا پیارا پوتر ہے جیندے کنُوں مَیں بہُوں خوش ہاں۔“

رومیوں 8:32

جئیں آپنڑے پوتر کُوں قُربان کرݨ تُوں وی دریغ نہ کیتا بلکہ ساڈے ساریاں کیتے اُونکُوں موت دے حوالے کر ڈِتا تاں او اُوندے نال ساکُوں بئیاں ساریاں چیزاں وی کیوں نہ ڈیسی؟

رومیوں 1:4

پر پاکیزگی دی رُوح دے لحاظ نال مُردیاں ءچوں زندہ تھیوݨ دے سببّوں بہُوں قُدرت نال خُدا دا پوتر ثابت تھیّا۔ ایہ ساڈا خُداوند یسُوع المسیح ہے،

یُوحنّا 10:36

تاں تُساں میڈے بارے ءچ جِینکُوں باپ مقرر کر تے دُنیا ءچ بھیجیا، کِینویں اکھیندے ہیوے جو تُوں کُفر بکدا ہیں، اِیں واسطے جو مَیں آکھیا، مَیں خُدا دا پوتر ہاں؟

یُوحنّا 5:25

مَیں تُہاکُوں سچ آدھا ہاں جو او وقت آندا پئے بلکہ آ گِیا ہے جِیں ویلے مُردے خُدا دے پوتر دی اواز سُنڑسن تے جیہڑے سُنڑسن او زندہ راہسن۔

یُوحنّا 3:18

جیہڑا اُوندے اُتے اِیمان گِھن آندے اُوندے اُتے سزا دا حُکم نئیں تھیندا، پر جیہڑا اُوندے اُتے اِیمان نئیں گِھن آندا اُوندے اُتے سزا دا حُکم تھی گئے، اِیں واسطے جو او خُدا دے اِکلوتے پوتر دے ناں اُتے اِیمان نئیں گِھن آیا۔

یُوحنّا 3:16

کیوں جو خُدا دُنیا نال ایجھی محبت کیتی جو اُوں آپنڑا اِکلوتا پوتر بخش ڈِتا تاں جو جیہڑا کوئی اُوندے اُتے اِیمان گِھن آوے، ہلاک نہ تھیوے بلکہ ہمیشاں دی زندگی پاوے۔

لُوقا 1:35

فرشتہ جواب ءچ اُونکُوں آکھیا، ”رُوح القُدس تیڈے اُتے نازل تھیسی تے خُدا تعالیٰ دی قُدرت تیڈے اُتے چھاں کریسی۔ اِیں وجہ کنُوں او مُقدّس بچّہ، خُدا دا پوتر اکھویسی۔

متّی 27:54

جِیں ویلے صوبیدار تے اُوندے ساتھی جیہڑے یسُوع دی نِگرانی کریندے پئے ہَن، زلزلہ تے سارا واقعہ ڈِٹھا تاں بہُوں ای ڈر تے آکھنڑ لگے جو ”سچ مُچ ایہ خُدا دا پوتر ہا۔“

متّی 17:5

او ایہ آدھا ای پِیا ہا جو ڈیکھو ہِک نُورانی بدلی اُنہاں اُتے چھاں کر ڈِتی تے اُوں بدلی ءچوں اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں، اِیندی سُنڑو۔“

مُکاشفہ 2:1

اِفِسُس دی کلیسیا دے فرشتہ کُوں ایہ لِکھ جو جیہڑا آپنڑے سجے ہتھ ءچ سَت تارے گِھدی کھڑے تے سونے دے سَت چراغ داناں دے وچال پِھردے، او فرمیندے جو

یُوحنّا 1:49

نتن ایل آکھیا، ”ربّی! تُساں خُدا دے پوتر ہیوے۔ تُساں اِسرائیل دے بادشاہ ہیوے۔“

اعمال 8:36

او رستے ءچ ویندے ہوئے، ایجھی جاہ اُتے پُجے جِتھاں پانڑی ہا۔ خوجے آکھیا ”ڈیکھ اِتھاں پانڑی موجود ہے، ہُنڑ میکُوں بپتسمہ گِھننڑ تُوں کیہڑی چیز روکیندی ہے؟“

اعمال 16:14

ساڈے گالھیں سُنڑݨ آلیاں عورتاں ءچوں لُدیہ ناں دی ہِک عورت ہئی۔ او تھواتِیرہ شہر دی ہئی تے جامنی رنگ دے کپڑے دا کاروبار کریندی ہئی تے بہُوں خُدا پرست ہئی۔ خُداوند اُوندا دل کھولیا تاں جو او پولُس دا پیغام سُنڑے تے اُونکُوں قبول کرے۔

مُکاشفہ 2:24

پر تُساں تھواتِیرہ دے باقی لوکاں کُوں جِنہاں اِیزبل دی تعلیم دی پیروی نئیں کیتی تے جِنہاں اُنہاں گالھیں کُوں نئیں سِکھیا، جِنہاں کُوں لوک شیطان دے گہرے راز آدھے ہِن، مَیں ایہ آدھا ہاں جو مَیں تُہاڈے اُتے کوئی بِیا بھار نہ پیساں،