مُکاشفہ 19:6 - کِتاب مُقدّس سرائیکی ترجمہ

⁶ وَل مَیں ہِک وڈی جماعت جیہی اواز جیہڑی زور نال واہندے پانڑی جیہی تے بجلی دی گجکار وانگُوں ہئی، ایہ آدھے ہوئے سُنڑی، ”ہلّلُویاہ! کیوں جو ساڈا خُداوند قادر ِ مُطلق خُدا بادشاہی کریندے۔

مُکاشفہ 19:6 Referans Kwoze

مُکاشفہ 14:2

وَل مَیں اسمان کنُوں ہِک ایجھی اواز سُنڑی جیہڑی زور نال واہندے پانڑی وانگُوں تے بجلی دی ہِک وڈی گجکار وانگُوں ہئی۔ تے ایہ اواز جیہڑی میں سُنڑی ہئی اِینویں ہئی جِینویں سِتار وجاوݨ آلے آپنڑے ساز وجیندے پئے ہووݨ۔

مُکاشفہ 19:1

اِیندے بعد مَیں اسمان اُتے لوکاں دی ہِک بہُوں وڈی جماعت کُوں ایہ آدھے ہوئے سُنڑیا جو ”ہلّلُویاہ! نجات تے جلال تے قُدرت ساڈے خُدا ای دی ہے،

مُکاشفہ 6:1

وَل مَیں ڈِٹھا جو لیلے اُنہاں سَت مُہراں ءچوں ہِک مُہر کھولی۔ تے مَیں چارے جانداراں ءچوں ہِک کُوں گجکار جیہی اواز ءچ ایہ آدھے سُنڑیا جو ”آ!“

مُکاشفہ 1:15

اُوندے پیر بٹھی ءچ تپائے ہوئے خالص پِتّل وانگُوں ہَن تے اُوندی اواز زور نال واہندے پانڑی وانگُوں ہئی۔

مُکاشفہ 21:22

مَیں شہر ءچ کوئی ہیکل نہ ڈِٹھی کیوں جو خُداوند، قادر ِ مُطلق خُدا تے لیلا اُوندی ہیکل ہِن۔

مُکاشفہ 12:10

وَل مَیں اسمان کنُوں ہِک اُچی اواز سُنڑی جیہڑی ایہ آدھی پئی ہئی جو ”ہُنڑ ساڈے خُدا دی نجات، قُدرت تے بادشاہی تے اُوندے مسیح دا اِختیار ظاہر تھئے کیوں جو ساڈے بِھرانواں اُتے اِلزام لاوݨ آلا جیہڑا ڈینہہ رات خُدا دے حضُور اُنہاں اُتے اِلزام لیندا راہندے، تلے سَٹ ڈِتا گئے۔

مُکاشفہ 8:5

وَل فرشتے قُربان گاہ کنُوں بھاہ گِھن تے خوشبودار مصالحہ ساڑن دے تھاں ءچ بھری تے اُونکُوں زمین اُتے سَٹ ڈِتا تے گجکار دیاں اوازاں تے بجلیاں چمکیاں تے زلزلہ آیا۔

مُکاشفہ 4:5

اُوں تخت ءچوں بجلیاں تے گجکار دیاں اوازاں نِکلدیاں پئیاں ہَن۔ تخت دے سامنڑے سَت چراغ بلدے پئے ہَن جیہڑے خُدا دیاں سَت رُوحاں ہِن۔

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]

مُکاشفہ 1:8

خُداوند خُدا جیہڑا ہے، جیہڑا ہا تے جیہڑا آوݨ آلا ہے یعنی قادر ِ مُطلق فرمیندے، ”الفا تے اومیگا مَیں ہاں۔“

مُکاشفہ 19:4

وَل چوِّیہہ بزُرگاں تے چارے جانداراں خُدا کُوں جیہڑا تخت اُتے بیٹھا ہا، ڈھے تے سجدہ کیتا تے آکھیا ”آمین۔ ہلّلُویاہ!“