مُکاشفہ 19:5 - کِتاب مُقدّس سرائیکی ترجمہ

⁵ وَل تخت کنُوں ایہ اواز آئی جو ”خُدا دے بندیو! تُساں جیہڑے اُوندا ڈر رکھیندے ہیوے بھانویں چھوٹے ہیوے یا وڈے، ساڈے خُدا دی حمد کرو۔“

مُکاشفہ 19:5 Referans Kwoze

مُکاشفہ 7:15

اِیں واسطے او خُدا دے تخت دے سامنڑے حاضر ہِن تے ڈینہہ رات اُوندی ہیکل ءچ اُوندی عبادت کریندے ہِن تے او جیہڑا تخت اُتے بیٹھے، اُنہاں ءچ سکونت کریسی۔

مُکاشفہ 20:12

تے مَیں چھوٹے وڈے سارے مُردیاں کُوں تخت دے سامنڑے کھڑے ڈِٹھا تے کتاباں کھولیاں گئیاں۔ وَل ہِک بئی کتاب وی کھولی گئی جیہڑی کتاب ِ حیات ہے۔ تے ساریاں مُردیاں دی عدالت اُنہاں دے اعمال دے مطابق کیتی گئی جیہڑے اُنہاں کتاباں ءچ لِکھے ہَن۔

مُکاشفہ 16:17

وَل ستویں فرشتے آپنڑا مُنگر ہوا اُتے وِیٹ ڈِتا تے ہیکل دے تخت ءچوں ہِک وڈی اواز ایہ آدھی ہوئی سُنڑائی ڈِتی جو ”پُورا تھی گِیا!“

مُکاشفہ 13:16

چھوٹیاں، وڈیاں، امیر، غریب، ازاد، غُلام بلکہ سبھ لوکاں کُوں ڈُوجھے حیوان مجبور کیتا جو او سجے ہتھ اُتے یا متھے اُتے نشان لواوݨ۔

مُکاشفہ 19:18

بادشاہاں، سپہ سالاراں، زور آوراں، گھوڑیاں تے اُنہاں دے سواراں دا گوشت تے ازاد تے غُلام، چھوٹے تے وڈے سبھ آدمیاں دا گوشت کھاؤ۔“