مُکاشفہ 19:14 - کِتاب مُقدّس سرائیکی ترجمہ

¹⁴ اسمانی فوجاں چِٹے تے صاف لینن دے کپڑے پاتے ہوئیاں چِٹے گھوڑیاں اُتے سوار تھی تے اُوندے پِچُھوں پِچُھوں آندیاں پئیاں ہِن۔

مُکاشفہ 19:14 Referans Kwoze

مُکاشفہ 19:8

اُونکُوں چمکدار تے صاف مہین لینن دے کپڑے پاوݨ دا حق مِلے“ کیوں جو مہین لینن دے کپڑیاں دا مطلب مُقدّساں دی صداقت دے کم ہِن۔

یہُوداہ 1:14

حنُوک وی جیہڑا آدم دی ستویں پُشت ءچوں ہا، اِنہاں دے بارے ءچ پیشن گوئی کیتی ہئی جو ”ڈیکھو! خُداوند آپنڑے لکھاں پاک فرشتیاں نال آندا پئے

مُکاشفہ 7:9

اِیندے بعد جِیں ویلے مَیں نِگاہ کیتی تاں ڈِٹھا جو ہر قوم، قبیلہ، اُمت تے اہل زبان دی ہِک ایجھی وڈی بِھیڑ ہے جِیندا شمار کرݨ ممکن نئیں۔ او چِٹے کپڑے پا تے تخت تے لیلے دے سامنڑے کھڑی ہئی۔ تے او ہتھاں ءچ کھجور دیاں لڑیاں گِھدے ہوئے

مُکاشفہ 17:14

او لیلے نال جنگ کریسن پر لیلا اُنہاں اُتے غالب آسی کیوں جو او خُداونداں دا خُداوند تے بادشاہاں دا بادشاہ ہے۔ اُوندے نال اُوندے سڈے ہوئے، چُنڑے ہوئے تے وفادار لوک وی ہِن۔“

متّی 28:3

اُوندی شکل بجلی وانگُوں ہئی تے اُوندے کپڑے برف وانگُوں چِٹے ہَن۔

مُکاشفہ 19:11

وَل مَیں اسمان کُوں کُھلیا ڈِٹھا تے میکُوں ہِک چِٹا گھوڑا نظر آیا جِیندا سوار وفادار تے سچا اکھویندے تے اِنصاف نال عدالت تے جنگ کریندے۔

مُکاشفہ 4:4

اُوں تخت دے چودھارُوں چوِّیہہ تخت ہَن جِنہاں اُتے چوِّیہہ بزُرگ چِٹے کپڑے پاتی بیٹھے ہَن تے اُنہاں دے سِراں اُتے سونے دے تاج ہَن۔

مُکاشفہ 3:4

پر سردِیس ءچ تیڈے کُجھ لوک ایجھے ہِن جِنہاں آپنڑے کپڑیاں کُوں ناپاک نئیں کیتا۔ او چِٹے کپڑے پاتے ہوئے میڈے نال ٹُرسن، کیوں جو او اِیندے لائق ہِن۔

مُکاشفہ 14:20

وَل اُنہاں کُوں شہر کنُوں باہر اُوں وڈے حوض ءچ پیراں تلے لتاڑ ڈِتا گِیا تے حوض ءچوں اِتنا خون وہیا جو او گھوڑیاں دیاں لگاماں تئیں پُج تے تقریباً ہِک سو اسّی (180) مِیل تئیں واہندا گِیا۔

مُکاشفہ 14:1

وَل مَیں نِگاہ کیتی تاں ڈِٹھا جو او لیلا صِیُّون پہاڑ اُتے کھڑا ہے تے اُوندے نال ہِک لکھ چوتالیہہ ہزار (1,44,000) بندے وی کھڑے ہَن جِنہاں دے متھے اُتے اُوندا تے اُوندے باپ دا ناں لِکھیا ہا۔

2تھِسّلُنیکیوں 1:7

تے تُہاکُوں ڈُکھ چاوݨ آلیاں کُوں ساڈے نال ارام ڈیوے۔ ایہ اُوں ویلے ہوسی جِیں ویلے خُداوند یسُوع آپنڑے زورآور فرشتیاں دے نال بھڑکدی ہوئی بھاہ ءچ اسمان ءچوں ظاہر تھیسی۔

متّی 26:53

تیکُوں پتہ نئیں جو مَیں آپنڑے باپ کنُوں مِنت کر سگدا ہاں تے او ہُنڑیں فرشتیاں دے بارہاں لشکراں کنُوں وی زیادہ میڈے کولھ بھیج ڈیسی؟

متّی 21:5

”صِیُّون دے لوکاں کُوں آکھو جو، ڈیکھو تُہاڈا بادشاہ تُہاڈے کولھ آندا پِیا ہے او حلیم ہے تے گڈھاں اُتے سوار ہے، بلکہ گڈھاں دے بچّے اُتے۔“