مُکاشفہ 18:23 - کِتاب مُقدّس سرائیکی ترجمہ

²³ چراغ دی روشنی ولا کڈھائیں تیڈے ءچ نہ چمکسی گھوٹ تے کُنوار دیاں اوازاں کڈھائیں تیڈے ءچ سُنڑائی نہ ڈیسن کیوں جو تیڈے تاجر دُنیا دے وڈے وڈے لوک ہَن تے تیڈی جادُوگری نال ساریاں قوماں گُمراہ تھی گئیاں۔

مُکاشفہ 18:23 Referans Kwoze

مُکاشفہ 18:3

کیوں جو ساریاں قوماں اُوندی حرام کاری تے مستی دی شراب پی تے ڈھے پئیاں ہِن۔ زمین دے بادشاہاں اُوندے نال زِنا کیتا، دُنیا دے تاجر اُوندی بے حد عیاشی تُوں دولت مند تھی گئے۔“

مُکاشفہ 22:15

پر کُتے، جادُوگر، حرام کار، خونی، بُت پرست، کُوڑی گالھ گھڑن تے پسند کرݨ آلے باہر راہسن۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

مُکاشفہ 18:22

سِتار وجاوݨ آلیاں، گاوݨ آلیاں، بانسری وجاوݨ آلیاں تے نرسِنگے وجاوݨ آلیاں دی اواز تیڈے ءچ ولا کڈھائیں سُنڑائی نہ ڈیسی۔ کوئی وی پیشہ ور تے کہیں وی قِسم دا کاریگر تیڈے ءچ کڈھائیں نہ مِلسی۔ تے چکّی دی اواز تیڈے ءچ کڈھائیں سُنڑائی نہ ڈیسی۔

مُکاشفہ 18:9

جِیں ویلے ساری زمین دے بادشاہ، جِنہاں اُوندے نال زِنا کیتا تے اُوندی عیاشی ءچ شریک تھئے، اُوندے سڑن دا دُھوواں ڈیکھسن تاں اُوندے کیتے روسن تے ماتم کریسن،

مُکاشفہ 17:5

اُوندے متھے اُتے ایہ راز آلا ناں لِکھیا ہا، ”عظیم شہر بابل، سبھ طوائفاں تے زمین دیاں مکرُوہ چیزاں دی ماء۔“

مُکاشفہ 17:2

زمین دے بادشاہاں اُوندے نال زِنا کیتا تے زمین دے راہنڑ آلے اُوندی حرام کاری دی شراب نال دُھت تھی گئے۔“

مُکاشفہ 22:5

وَل کڈھائیں رات نہ تھیسی تے او چراغ تے سِجھ دی روشنی دے مُتھاج نہ ہوسن کیوں جو خُداوند خُدا خود اُنہاں کُوں روشن کریسی تے او ہمیشاں تئیں بادشاہی کریندے راہسن۔

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

اعمال 8:11

او اِیں واسطے اُوندے دو توجہ کریندے ہَن جو اُوں وڈی مُدت کنُوں آپنڑے جادُو دے سببّوں ساریاں کُوں حیران کیتا ہویا ہا۔

مُکاشفہ 6:15

وَل زمین دے بادشاہ، سردار، فوجی افسر، مالدار، زورآور بلکہ سارے لوک غُلام تے آزاد، غاراں تے پہاڑاں دیاں چٹاناں ءچ وَنج لُکے۔

مُکاشفہ 9:21

تے اُنہاں قتل، جادُوگری، حرام کاری تے چوری کرݨ تُوں توبہ نہ کیتی۔