مُکاشفہ 17:9 - کِتاب مُقدّس سرائیکی ترجمہ

⁹ اِیں گالھ کُوں سمجھنڑ کیتے حِکمت دی لوڑ ہے، او ستّے سر سَت پہاڑ ہِن جِنہاں اُتے او عورت بیٹھی ہے۔

مُکاشفہ 17:9 Referans Kwoze

مُکاشفہ 13:18

اِیں گالھ کُوں سمجھنڑ کیتے حِکمت دی لوڑ ہے۔ جیہڑا سمجھدار ہے، او اِیں حیوان دے عدد دا حساب کر گِھنے کیوں جو ایہ ہِک بندے دا عدد ہے تے اُوندا عدد چِھی سو چِھیئیٹھ (666) ہے۔

مُکاشفہ 17:7

پر اُوں فرشتے میکُوں آکھیا جو ”تُوں کیوں حیران تھی گِیا ہیں؟ مَیں تیکُوں اُوں عورت دا تے اُوں حیوان دا راز ڈسیندا ہاں، جیندے اُتے او سوار ہے تے جیندے سَت سر تے ڈاہ سینگ ہِن۔

مُکاشفہ 17:18

تے جئیں عورت کُوں تَیں ڈِٹھے، او اُوہو عظیم شہر ہے جیہڑا زمین دے بادشاہاں اُتے حکُومت کریندے۔“

مُکاشفہ 17:3

او فرشتہ میکُوں رُوح ءچ بیابان ءچ گِھن گِیا۔ اُتھاں مَیں ہِک عورت کُوں رتّے رنگ آلے ہِک ایجھے حیوان اُتے سوار ڈِٹھا جیندے سَت سر تے ڈاہ سینگ ہَن تے جیندے سارے جِسم اُتے کُفر دے ناں لِکھے ہَن۔

مُکاشفہ 13:1

وَل مَیں ہِک حیوان کُوں سمندر ءچوں نِکلدے ڈِٹھا۔ اُوندے ڈاہ سینگ تے سَت سر ہَن تے سینگاں اُتے ڈاہ تاج ہَن۔ اُوندے ہر سر اُتے کُفر دے ناں لِکھے ہَن۔

متّی 24:15

بس جِیں ویلے تُساں اُوں اُجاڑن آلی مکرُوہ شے کُوں جِیندا ذِکر دانی ایل نبی کیتے، مُقدّس جاہ اُتے کھڑا ڈیکھو (پڑھن آلا سمجھ گِھنے)

متّی 13:11

اُوں جواب ءچ آکھیا، ”تُہاکُوں تاں اسمان دی بادشاہی دے راز سمجھنڑ دی قابلیت ڈِتی گئی ہے پر اُنہاں کُوں نئیں ڈِتی گئی۔