مُکاشفہ 17:3 - کِتاب مُقدّس سرائیکی ترجمہ

³ او فرشتہ میکُوں رُوح ءچ بیابان ءچ گِھن گِیا۔ اُتھاں مَیں ہِک عورت کُوں رتّے رنگ آلے ہِک ایجھے حیوان اُتے سوار ڈِٹھا جیندے سَت سر تے ڈاہ سینگ ہَن تے جیندے سارے جِسم اُتے کُفر دے ناں لِکھے ہَن۔

مُکاشفہ 17:3 Referans Kwoze

مُکاشفہ 12:3

وَل اسمان اُتے ہِک بِیا نشان ڈِکھالی ڈِتا یعنی ہِک بہُوں وڈا لال اژدہا جیندے سَت سر تے ڈاہ سینگ ہَن تے ہر ہِک سر اُتے ہِک تاج ہا۔

مُکاشفہ 17:18

تے جئیں عورت کُوں تَیں ڈِٹھے، او اُوہو عظیم شہر ہے جیہڑا زمین دے بادشاہاں اُتے حکُومت کریندے۔“

مُکاشفہ 12:6

تے او عورت بیابان ءچ بھج گئی جِتھاں خُدا اُوندے کیتے ہِک جاہ تیار کیتی ہئی تاں جو اُتھاں ہِک ہزار ڈُو سو سَٹھ (1,260) ڈینہہ تئیں اُوندی ڈیکھ بھال کیتی ونجے۔

مُکاشفہ 17:4

او عورت جامنی تے رتّے رنگ آلے کپڑے پاتی تے سونے دے زیوراں، قیمتی پتھراں تے موتیاں نال سجی ہوئی ہئی۔ اُوندے ہتھ ءچ ہِک سنہری پیالہ ہا جیہڑا مکرُوہ چیزاں تے اُوندی حرام کاری دی ناپاکی نال بھریا پِیا ہا۔

مُکاشفہ 12:14

پر اُوں عورت کُوں ہِک وڈے عقاب دے ڈُو کھمب ڈِتے گئے تاں جو او اژدہے دی پہنچ تُوں باہر نِکل تے بیابان ءچ آپنڑے اُوں مقام دو اُڈ ونجے، جِتھاں ہِک زمانے، زمانیاں، تے ادھے زمانے تئیں اُوندی پرورش کیتی ویسی۔

مُکاشفہ 21:10

تے او میکُوں رُوح ءچ ہِک وڈے، اُچے پہاڑ اُتے گِھن گِیا تے میکُوں مُقدّس شہر یروشلیم ڈِکھایا جیہڑا خُدا کنُوں اسمان تُوں تلے لہندا پِیا ہا۔

2تھِسّلُنیکیوں 2:4

او ہر ہِک دی مخالفت کریسی جیہڑا معبُود اکھویندے یا جیندی پُوجا تھیندی ہے تے آپنڑے آپ کُوں اُنہاں تُوں وڈا بنڑیسی۔ اِتُھوں تئیں جو او خُدا دی ہیکل ءچ بہہ تے دعویٰ کریسی جو او خُدا ہے۔

مُکاشفہ 1:10

خُداوند دے ڈینہہ میں رُوح القُدس دے اثر ءچ آ گِیا ہم تے مَیں آپنڑے پِچُھوں نرسِنگے جیہی ہِک اواز سُنڑی،

مُکاشفہ 4:2

وَل میں رُوح القُدس دے اثر ءچ آ گِیا تے کیا ڈیدھا ہاں جو اسمان اُتے ہِک تخت ہے تے اُوندے اُتے کوئی بیٹھا ہے۔

اعمال 8:39

جِیں ویلے او پانڑی ءچوں نِکل تے باہر آئے تاں خُداوند دا رُوح فِلپُس کُوں چا تے گِھن گِیا تے خوجے اُونکُوں ولا نہ ڈِٹھا۔ پر او خوشی کریندا ہویا آپنڑی منزل دو روانہ تھی گِیا۔

متّی 27:28

تے اُوندے کپڑے لہا تے اُونکُوں رتّے رنگ دا چوغہ پوایا۔

مُکاشفہ 18:12

یعنی سونا، چاندی، قیمتی پتھر، موتی، شاندار لینن، جامنی کپڑے، ریشمی، رتّے کپڑے، قِسم قِسم دی خوشبودار لکڑ، ہاتھی دے ڈنداں نال بنڑی ہر چیز، قیمتی لکڑ، پِتّل، لُوہے تے سنگِ مرمر نال بنڑی ہر چیز،

مُکاشفہ 18:16

تے اکھیسن ”افسوس! افسوس! او عظیم شہر جیہڑا مہین لینن، جامنی تے رتّے کپڑے پَیندا ہا تے سونے، قیمتی پتھر تے موتیاں نال سجیا راہندا ہا۔