مُکاشفہ 17:17 - کِتاب مُقدّس سرائیکی ترجمہ

¹⁷ کیوں جو خُدا آپنڑا مقصد پُورا کرݨ کیتے اُنہاں دے دل ءچ ایہ گالھ پیسی جو او ہِکی صلاح نال آپنڑے شاہی اِختیار کُوں اُوں حیوان دے حوالہ کر ڈیوݨ جئیں تئیں خُدا دے گالھیں پُوریاں نہ تھی ونجنڑ۔

مُکاشفہ 17:17 Referans Kwoze

مُکاشفہ 10:7

بلکہ اُنہاں ڈینہاں ءچ جڈاں ستواں فرشتہ آپنڑا نرسِنگا وجاوݨ آلا ہوسی تاں خُدا دا لُکیا ہویا راز، جِینویں اُوں آپنڑے خدمت گُزار نبیاں کُوں ڈِتا ہا، کُھل تے پُورا تھی ویسی۔“

2کُرِنتھِیوں 8:16

خُدا دا شُکر ہے جئیں تُہاڈے کیتے طِطُس دے دل ءچ ایجھا جوش پیدا کیتے جِینویں میڈا تُہاڈے کیتے ہے۔

یُوحنّا 13:2

شام دے کھانڑے دا ویلا ہا تے ابلیس پہلے ای شمعون دے پوتر یہُوداہ اِسکریُوتی دے دل ءچ اُونکُوں پکڑوا ڈیوݨ دا خیال پا ڈِتا ہا۔

مُکاشفہ 17:13

اُنہاں ساریاں دا اِرادہ ہِک ہے تے او آپنڑی قُدرت تے اِختیار اُوں حیوان دے حوالہ کر ڈیسن۔

یُوحنّا 13:18

مَیں تُساں ساریاں دے بارے ءچ نئیں آدھا۔ جِنہاں کُوں مَیں چُنڑیا ہے مَیں اُنہاں کُوں جانڑدا ہاں۔ پر کلام دی ایہ گالھ پُوری تھیوݨ ضرور ہے جو جیہڑا میڈی روٹی کھاندے اُوہو میڈے اُتے لَت چیندے۔

لُوقا 22:22

اِبنِ آدم تاں جِینویں اُوندے حق ءچ پہلے کنُوں مقرر ہے ویندے، پر اُوں بندے اُتے افسوس جیندے ذریعے پکڑوایا ویندے۔“

مُکاشفہ 15:1

وَل مَیں اسمان ءچ ہِک بِیا عظیم تے حیران کرݨ آلا نشان ڈِٹھا یعنی سَت فرشتے سَت آفتاں گِھدی کھڑے ہَن۔ ایہ آفتاں آخری ہِن کیوں جو اِنہاں نال خُدا دا قہر ختم تھی ویندے۔

یُوحنّا 19:28

اِیندے بعد جِیں ویلے یسُوع جاݨ گِھدا جو ہُنڑ سارے گالھیں پُوریاں تھی گئیاں ہِن تاں جو خُدا دے کلام دا لِکھیا پُورا تھیوے تاں آکھیا، ”مَیں ترِسّا ہاں۔“

یُوحنّا 19:24

اُنہاں آپس ءچ آکھیا، ”اِیندے ٹوٹے نہ کرُوں بلکہ اِیندے اُتے پرچی پا تے ڈیدھے ہیں جو ایہ کیندے حصہ ءچ آندے۔“ ایہ اِیں واسطے تھیّا جو او نوِشتہ پُورا تھیوے جو ”اُنہاں میڈی پُشاک آپس ءچ وَنڈ گِھدی تے میڈے کپڑیاں اُتے پرچی پاتی۔“ تے سپاہیاں اِینویں ای کیتا۔

یُوحنّا 10:35

جِیں ویلے اُوں اُنہاں کُوں خُدا آکھیا جِنہاں کولھ اُوندا کلام آیا، تے کتاب ِ مُقدّس غلط نئیں تھی سگدی،

لُوقا 22:37

کیوں جو مَیں تُہاکُوں آدھا ہاں جو ایہ نوِشتہ جو ’او بدکاراں ءچ شمار کیتا گِیا،‘ اُوندا میڈے حق ءچ پُورا تھیوݨ ضرور ہے۔ اِیں واسطے ہر او گالھ جیہڑی میڈے کیتے ہے پُوری تھیوݨ آلی ہے۔“

لُوقا 22:3

وَل شیطان یہُوداہ ءچ وڑ گِیا جیہڑا اِسکریُوتی اکھویندا تے اُنہاں بارہاں ءچوں ہا۔

مُکاشفہ 6:11

وَل اُنہاں ءچوں ہر ہِک کُوں چِٹے کپڑے ڈِتے گئے تے اُنہاں کُوں آکھیا گِیا جو ”تھوڑی دیر بِیا اِنتظار کرو تاں جو تُہاڈے ہم خدمت بِھرانواں دا وی شمار پُورا تھی ونجے جیہڑے تُہاڈے آلی کار قتل کیتے ونجنڑ آلے ہِن۔“

مُکاشفہ 19:9

وَل اُوں فرشتے میکُوں آکھیا جو ”لِکھ، ’مُبارک ہِن او جیہڑے لیلے دی شادی دی دعوت ءچ سڈے گئے ہِن‘۔“ اُوں مزید آکھیا جو ”ایہ خُدا دے سچے گالھیں ہِن۔“