مُکاشفہ 17:11 - کِتاب مُقدّس سرائیکی ترجمہ

¹¹ جیہڑا حیوان پہلے ہا تے ہُنڑ نئیں، او اٹھواں بادشاہ ہے۔ پر او اُنہاں ستّاں ءچوں ہے تے ہلاک تھی ویسی۔

مُکاشفہ 17:11 Referans Kwoze

مُکاشفہ 17:8

جیہڑا حیوان تَیں ڈِٹھے، او پہلے ہا، پر ہُنڑ نئیں۔ او بے تَل کھڈے کنُوں نِکلسی تے ہلاک تھی ویسی۔ تے زمین دے او راہنڑ آلے جِنہاں دے ناں دُنیا بنڑݨ کنُوں پہلے کتاب ِ حیات ءچ لِکھے نئیں گئے، اُوں حیوان کُوں ڈیکھ تے حیران رہ ویسن، کیوں جو او پہلے ہا، پر ہُنڑ نئیں تے وَل آوݨ آلا ہے۔

مُکاشفہ 13:3

مَیں اُوندے سِراں ءچوں ہِک اُتے ہلاک کرݨ آلے زخم دا نشان ڈِٹھا۔ او زخم ٹھیک تھی گِیا تے سبھ دُنیا آلے حیران تھی تے اُوں حیوان دے پِچُھوں تھی پئے۔

مُکاشفہ 13:10

”جِنہاں کُوں قیدی بنڑنڑیں او قیدی بنڑسن۔ جِنہاں کُوں تلوار نال قتل تھیونڑے او تلوار نال قتل تھیسن۔“ اِیں واسطے مُقدّساں کُوں صبر کرݨ تے اِیمان ءچ مضبوط راہنڑ دی خاص ضرورت ہے۔

مُکاشفہ 13:12

او پہلے حیوان دا سارا اِختیار اُوندی خاطر چلیندا ہا تے دُنیا تے اُوندے راہنڑ آلیاں تُوں اُوں پہلے حیوان دی عبادت کرویندا ہا، یعنی اُوں حیوان دی جِیندا ہلاک کرݨ آلا زخم ٹھیک تھی گِیا ہا۔