مُکاشفہ 14:7 - کِتاب مُقدّس سرائیکی ترجمہ

⁷ اُوں اُچی اواز ءچ آکھیا جو ”خُدا کنُوں ڈرو تے اُوندی تمجید کرو کیوں جو اُوندے عدالت کرݨ دا ویلا آݨ پُجیا ہے۔ اُونکُوں ای سجدہ کرو جئیں اسمان، زمین، سمندر تے پانڑی دے چشمے خلق کیتے۔“

مُکاشفہ 14:7 Referans Kwoze

مُکاشفہ 15:4

اے خُداوند! کوݨ تیڈا خوف نہ منیسی تے کوݨ تیڈے ناں دی تمجید نہ کریسی؟ کیوں جو صرف تُوں ای قدُّوس ہیں۔ ساریاں قوماں آ تے تیڈے سامنڑے سجدہ کریسن کیوں جو تیڈے صداقت دے کم ظاہر تھی گئے ہِن۔“

مُکاشفہ 11:18

قوماں کاوڑ ءچ آ گئیاں تے تیڈا عذاب نازل تھیّا۔ ہُنڑ ویلا آ گِیا ہے جو مُردیاں دی عدالت کیتی ونجے تے تُوں آپنڑے خدمت گُزار نبیاں تے مُقدّساں کُوں تے چھوٹے وڈیاں کُوں جیہڑے تیڈا خوف منیندے ہِن، اجر بخشیں تے جِنہاں زمین اُتے تباہی مچائی ہئی اُنہاں کُوں تباہ کر ڈِتا ونجے۔“

مُکاشفہ 4:11

”اے خُداوند ساڈے خُدا تُوں ای جلال، عزت تے قُدرت دے لائق ہیں، کیوں جو تَیں ای ساریاں چیزاں کُوں خلق کیتے، تے او ساریاں تیڈی ای مرضی نال وجود ءچ آئیاں ہِن۔“

مُکاشفہ 11:13

اُوں ویلے ہِک وڈا زلزلہ آیا تے شہر دا ڈاہواں حصہ ڈھے پِیا۔ سَت ہزار لوک اُوں زلزلے نال مارے گئے تے جیہڑے باقی بچ گئے، اُنہاں دہشت زدہ تھی تے اسمان دے خُدا دی تعریف کیتی۔

مُکاشفہ 18:10

تے اُوندا عذاب ڈیکھ تے ڈر کنُوں دُور وَنج کھڑسن تے اکھیسن ”افسوس! افسوس! عظیم شہر، زور آلے شہر بابل! صرف ہِک گھنٹے ءچ ای تیکُوں سزا مِل گئی۔“

مُکاشفہ 16:9

لوک گرمی دی شِدت پارُوں سڑ گئے تے خُدا دے ناں دی توہین کرݨ لگے، جیہڑا اِنہاں آفتاں اُتے اِختیار رکھیندے۔ اُنہاں توبہ کرݨ تے خُدا دی تعریف کرݨ تُوں اِنکار کر ڈِتا۔

مُکاشفہ 4:9

جڈاں وی او جاندار اُوندی تمجید، عزت تے شُکرگزاری کریندے ہِن جیہڑا تخت اُتے بیٹھے تے ہمیشاں تئیں زندہ ہے،

اعمال 14:15

آکھنڑ لگے جو ”لوکو! تُساں ایہ کیا کریندے ہیوے؟ اساں وی تُہاڈے آلی کار اِنسان ہیں تے تُہاکُوں خوشخبری سُنڑیندے ہیں تاں جو تُساں اِنہاں بے کار چیزاں کُوں چھوڑ تے زندہ خُدا دو رجُوع گِھن آؤ جئیں زمین تے اسمان تے سمندر تے جیہڑا کُجھ اُنہاں ءچ ہے، پیدا کیتے۔

مُکاشفہ 19:5

وَل تخت کنُوں ایہ اواز آئی جو ”خُدا دے بندیو! تُساں جیہڑے اُوندا ڈر رکھیندے ہیوے بھانویں چھوٹے ہیوے یا وڈے، ساڈے خُدا دی حمد کرو۔“

مُکاشفہ 8:10

جِیں ویلے تریجھے فرشتے آپنڑا نرسِنگا وجایا تاں مشعل آلی کار بلدا ہویا ہِک وڈا تارہ اسمان کنُوں تروٹ تے ہِک تِہائی دریاواں تے پانڑی دے چشمیاں اُتے ڈھے پِیا۔

لُوقا 17:18

کیا اِیں پردیسی دے علاوہ بِیا کوئی نہ ہا جیہڑا واپس آ تے خُدا دی تعریف کریندا؟“

مُکاشفہ 18:19

او آپنڑے سِراں اُتے مِٹی سٹیسن تے رو رو تے ماتم کریسن تے چیخ تے اکھیسن ”افسوس! افسوس! عظیم شہر، جیندی دولت دے سببّوں سبھ بحری جہازاں آلے مالدار تھی گئے ہَن، صرف ہِک گھنٹے ءچ او تباہ کر ڈِتا گئے۔“

مُکاشفہ 18:17

صرف ہِک گھنٹے ءچ اُوندی اِتنی وڈی دولت برباد تھی گئی“ تے بحری جہازاں دے سارے کپتان، مسافر، جہاز چلاوݨ آلے تے جتنے وی سمندر دے ذریعے تجارت کریندے ہَن، دُور کھڑے تھی ویسن۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

متّی 25:13

اِیں واسطے جاگدے راہو کیوں جو تُساں نہ اُوں ڈینہہ کُوں جانڑدے ہیوے نہ اُوں ویلے کُوں۔