مُکاشفہ 13:5 - کِتاب مُقدّس سرائیکی ترجمہ

⁵ حیوان کُوں وڈے وڈے بول بولنڑ تے کُفر بَکنڑ کیتے ہِک مُنہ ڈِتا گِیا۔ اُونکُوں اِختیار ڈِتا گِیا جو او بِتالیہہ مہینے تئیں ایہ کم کریندا راہوے۔

مُکاشفہ 13:5 Referans Kwoze

مُکاشفہ 12:6

تے او عورت بیابان ءچ بھج گئی جِتھاں خُدا اُوندے کیتے ہِک جاہ تیار کیتی ہئی تاں جو اُتھاں ہِک ہزار ڈُو سو سَٹھ (1,260) ڈینہہ تئیں اُوندی ڈیکھ بھال کیتی ونجے۔

مُکاشفہ 12:14

پر اُوں عورت کُوں ہِک وڈے عقاب دے ڈُو کھمب ڈِتے گئے تاں جو او اژدہے دی پہنچ تُوں باہر نِکل تے بیابان ءچ آپنڑے اُوں مقام دو اُڈ ونجے، جِتھاں ہِک زمانے، زمانیاں، تے ادھے زمانے تئیں اُوندی پرورش کیتی ویسی۔

2تھِسّلُنیکیوں 2:4

او ہر ہِک دی مخالفت کریسی جیہڑا معبُود اکھویندے یا جیندی پُوجا تھیندی ہے تے آپنڑے آپ کُوں اُنہاں تُوں وڈا بنڑیسی۔ اِتُھوں تئیں جو او خُدا دی ہیکل ءچ بہہ تے دعویٰ کریسی جو او خُدا ہے۔

مُکاشفہ 13:7

اُونکُوں مُقدّساں نال جنگ کرݨ تے اُنہاں اُتے غالب آوݨ دی طاقت ڈِتی گئی، تے ہر قبیلے، اُمت، زبان تے قوم اُتے اِختیار ڈِتا گِیا۔

مُکاشفہ 11:7

جِیں ویلے او آپنڑی گواہی ڈے ڈیسن تاں بے تَل کھڈے کنُوں نِکلنڑ آلا حیوان اُنہاں اُتے حملہ کریسی تے اُنہاں اُتے غالب آ تے اُنہاں کُوں مار سٹیسی۔

2تھِسّلُنیکیوں 2:3

تُساں کہیں دے دوکھے ءچ نہ اوائے۔ کیوں جو او ڈینہہ اُوں ویلے تئیں نہ آسی جئیں تئیں خُدا دے خلاف وڈی بغاوت نہ تھی ونجے تے او بدکار ظاہر نہ تھی ونجے جِیندا انجام ہلاکت ہے۔

2تھِسّلُنیکیوں 2:8

وَل او بدکار ظاہر تھیسی جِینکُوں خُداوند یسُوع آپنڑے مُنہ دی پُھوک نال مار سٹیسی تے آپنڑی آمد دے جلال نال برباد کر ڈیسی۔