مُکاشفہ 13:3 - کِتاب مُقدّس سرائیکی ترجمہ

³ مَیں اُوندے سِراں ءچوں ہِک اُتے ہلاک کرݨ آلے زخم دا نشان ڈِٹھا۔ او زخم ٹھیک تھی گِیا تے سبھ دُنیا آلے حیران تھی تے اُوں حیوان دے پِچُھوں تھی پئے۔

مُکاشفہ 13:3 Referans Kwoze

مُکاشفہ 17:8

جیہڑا حیوان تَیں ڈِٹھے، او پہلے ہا، پر ہُنڑ نئیں۔ او بے تَل کھڈے کنُوں نِکلسی تے ہلاک تھی ویسی۔ تے زمین دے او راہنڑ آلے جِنہاں دے ناں دُنیا بنڑݨ کنُوں پہلے کتاب ِ حیات ءچ لِکھے نئیں گئے، اُوں حیوان کُوں ڈیکھ تے حیران رہ ویسن، کیوں جو او پہلے ہا، پر ہُنڑ نئیں تے وَل آوݨ آلا ہے۔

مُکاشفہ 13:14

اُنہاں کرِشمیاں دے ذریعے جیہڑے اُونکُوں اُوں پہلے حیوان دی خاطر ڈِکھاوݨ دا اِختیار ڈِتا گِیا ہا، او زمین آلیاں کُوں گُمراہ کریندا ہا۔ تے اُنہاں کُوں حُکم ڈیندا ہا جو اُوں حیوان دا بُت بنڑاؤ جِینکُوں تلوار نال ہلاک کرݨ آلا زخم لگیا ہا پر وَل وی او زندہ ہے۔

مُکاشفہ 17:17

کیوں جو خُدا آپنڑا مقصد پُورا کرݨ کیتے اُنہاں دے دل ءچ ایہ گالھ پیسی جو او ہِکی صلاح نال آپنڑے شاہی اِختیار کُوں اُوں حیوان دے حوالہ کر ڈیوݨ جئیں تئیں خُدا دے گالھیں پُوریاں نہ تھی ونجنڑ۔

مُکاشفہ 17:10

او سَت بادشاہ وی ہِن۔ پنج تاں ختم تھی گئے ہِن، ہِک موجود ہے تے ہِک اجنڑ آیا نئیں۔ جِیں ویلے او آسی تاں صرف کُجھ عرصے کیتے راہسی۔

مُکاشفہ 17:13

اُنہاں ساریاں دا اِرادہ ہِک ہے تے او آپنڑی قُدرت تے اِختیار اُوں حیوان دے حوالہ کر ڈیسن۔

مُکاشفہ 13:12

او پہلے حیوان دا سارا اِختیار اُوندی خاطر چلیندا ہا تے دُنیا تے اُوندے راہنڑ آلیاں تُوں اُوں پہلے حیوان دی عبادت کرویندا ہا، یعنی اُوں حیوان دی جِیندا ہلاک کرݨ آلا زخم ٹھیک تھی گِیا ہا۔

اعمال 8:13

تے شمعون خود وی یقین کیتا تے بپتسمہ گِھن تے فِلپُس نال تھی پِیا تے نشان تے وڈے وڈے معجزے تھیندے ڈیکھ تے حیران تھیّا۔

لُوقا 2:1

اُنہاں ڈینہاں ءچ اِینویں تھیّا جو رومی بادشاہ قیصر اَوگُوستُس دی طرفوں ایہ حُکم جاری تھیّا جو رومی سلطنت دے سارے لوکاں دے ناں لِکھے ونجنڑ۔

مُکاشفہ 17:6

مَیں ڈِٹھا جو او عورت مُقدّساں تے یسُوع دے شہیداں دا خون پی پی تے مدہوش تھی گئی ہئی۔ اُونکُوں ڈیکھ تے میکُوں بہُوں حیرانگی تھئی۔

یُوحنّا 12:19

فریسیاں ایہ ڈیکھ تے ہِک ڈُوجھے کُوں آکھیا، ”کُجھ سوچو! ساڈے کنُوں کُجھ نئیں بنڑدا۔ ڈیکھو ساری دُنیا اُوندے پِچُھوں ٹُر پئی ہے۔“

مُکاشفہ 17:11

جیہڑا حیوان پہلے ہا تے ہُنڑ نئیں، او اٹھواں بادشاہ ہے۔ پر او اُنہاں ستّاں ءچوں ہے تے ہلاک تھی ویسی۔