مُکاشفہ 13:10 - کِتاب مُقدّس سرائیکی ترجمہ

¹⁰ ”جِنہاں کُوں قیدی بنڑنڑیں او قیدی بنڑسن۔ جِنہاں کُوں تلوار نال قتل تھیونڑے او تلوار نال قتل تھیسن۔“ اِیں واسطے مُقدّساں کُوں صبر کرݨ تے اِیمان ءچ مضبوط راہنڑ دی خاص ضرورت ہے۔

مُکاشفہ 13:10 Referans Kwoze

مُکاشفہ 14:12

اِیں واسطے مُقدّساں یعنی خُدا دے حُکماں اُتے عمل کرݨ آلیاں تے یسُوع اُتے اِیمان رکھنڑ آلیاں کُوں صبر کرݨ دی ضرورت ہے۔

مُکاشفہ 3:10

تَیں میڈے صبر کرݨ دے بارے ءچ کلام اُتے عمل کیتے، اِیں واسطے مَیں وی ازمائش دے اُوں ویلے جیہڑا ساری دُنیا اُتے آوݨ آلا ہے، تیڈی حفاظت کریساں۔

لُوقا 21:19

آپنڑے صبر نال تُساں آپنڑیاں جاناں کُوں محفوظ رکھیسو۔

عبرانیوں 6:12

تُساں آلسی نہ بنڑو بلکہ اُنہاں دے نمونے اُتے ٹُرو جیہڑے آپنڑے اِیمان تے صبر دے سببّوں وعدیاں دے وارث تھیندے ہِن۔

مُکاشفہ 2:2

”مَیں تیڈے کم، تیڈی محنت تے تیڈی ثابت قدمی کُوں جانڑدا ہاں۔ تے ایہ وی جانڑدا ہاں جو تُوں بدکاراں کُوں برداشت نئیں کر سگدا تے جیہڑے آپنڑے آپ کُوں رسُول آدھے ہِن پر ہِن نئیں، تَیں اُنہاں کُوں ازمائے تے کُوڑا ثابت کیتے۔

متّی 26:52

یسُوع اُونکُوں آکھیا، ”آپنڑی تلوار کُوں واپس رکھ گِھن کیوں جو جیہڑے تلوار چیندے ہِن او سبھ تلوار نال مرسن۔

مُکاشفہ 16:6

کیوں جو اُنہاں تیڈے مُقدّساں تے نبیاں دا خون وہایا تے تَیں اُنہاں کُوں پِیوݨ کیتے خون ای ڈِتا۔ او اِیندے ای لائق ہِن۔“

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔

مُکاشفہ 3:3

اِیں واسطے یاد کر جو جیہڑی تعلیم تَیں گِھدی تے سُنڑی ہئی، اُوندے اُتے قائم رہ تے توبہ کر گِھن۔ پر جے تُوں نیندر کنُوں نہ جاگسیں تاں مَیں چور وانگُوں آساں تے تیکُوں پتہ وی نہ ہوسی جو مَیں کیہڑے ویلے تَیں اُتے آ پوساں۔

مُکاشفہ 2:19

”مَیں تیڈے کماں، تیڈی محبت، تیڈے اِیمان، تیڈی خدمت تے تیڈی ثابت قدمی کُوں جانڑدا ہاں تے ایہ وی جو تُوں ہُنڑ پہلے کنُوں وی زیادہ کم کریندا پِیا ہیں۔

کلُسِّیوں 1:11

تے تُساں اُوندے جلال آلی قُدرت دے مطابق ہر طرحاں دی طاقت ءچ مضبوط تھیندے ونجو تاں جو تُہاڈے ءچ خوشی نال بے حد برداشت تے صبر پیدا تھیوے،

متّی 7:2

کیوں جو جِینویں تُساں عیب جوئی کریندے ہیوے اُونویں ای تُہاڈی وی عیب جوئی کیتی ویسی، تے جیہڑے تھاں نال تُساں نپیندے ہیوے اُوندے نال ای تُہاڈے کیتے ناپیا ویسی۔

مُکاشفہ 11:18

قوماں کاوڑ ءچ آ گئیاں تے تیڈا عذاب نازل تھیّا۔ ہُنڑ ویلا آ گِیا ہے جو مُردیاں دی عدالت کیتی ونجے تے تُوں آپنڑے خدمت گُزار نبیاں تے مُقدّساں کُوں تے چھوٹے وڈیاں کُوں جیہڑے تیڈا خوف منیندے ہِن، اجر بخشیں تے جِنہاں زمین اُتے تباہی مچائی ہئی اُنہاں کُوں تباہ کر ڈِتا ونجے۔“

مُکاشفہ 17:8

جیہڑا حیوان تَیں ڈِٹھے، او پہلے ہا، پر ہُنڑ نئیں۔ او بے تَل کھڈے کنُوں نِکلسی تے ہلاک تھی ویسی۔ تے زمین دے او راہنڑ آلے جِنہاں دے ناں دُنیا بنڑݨ کنُوں پہلے کتاب ِ حیات ءچ لِکھے نئیں گئے، اُوں حیوان کُوں ڈیکھ تے حیران رہ ویسن، کیوں جو او پہلے ہا، پر ہُنڑ نئیں تے وَل آوݨ آلا ہے۔

مُکاشفہ 17:11

جیہڑا حیوان پہلے ہا تے ہُنڑ نئیں، او اٹھواں بادشاہ ہے۔ پر او اُنہاں ستّاں ءچوں ہے تے ہلاک تھی ویسی۔