مُکاشفہ 11:8 - کِتاب مُقدّس سرائیکی ترجمہ

⁸ تے اُنہاں دیاں لاشاں اُوں وڈے شہر دیاں سڑکاں اُتے پئیاں راہسن جِینکُوں علامتی طور تے سدُوم تے مِصر دا ناں ڈِتا گئے۔ اُوں شہر ءچ ساڈا خُداوند وی صلیب اُتے چڑھایا گِیا ہا۔

مُکاشفہ 11:8 Referans Kwoze

مُکاشفہ 18:10

تے اُوندا عذاب ڈیکھ تے ڈر کنُوں دُور وَنج کھڑسن تے اکھیسن ”افسوس! افسوس! عظیم شہر، زور آلے شہر بابل! صرف ہِک گھنٹے ءچ ای تیکُوں سزا مِل گئی۔“

مُکاشفہ 18:21

وَل ہِک بئے زور آور فرشتے وڈی چکّی دے پُڑ وانگُوں ہِک پتھر چاتا تے اُونکُوں سمندر ءچ ایہ آدھے ہوئے سَٹ ڈِتا جو ”بابل دا عظیم شہر وی اِینویں ای زور نال سٹیا ویسی تے وَل اُوندا کڈھائیں پتا نہ چلسی۔

عبرانیوں 13:12

اِینویں ای یسُوع وی لوکاں کُوں خود آپنڑے خون نال پاک کرݨ کیتے شہر دے پھاٹک دے باہر ڈُکھ چاتا۔

مُکاشفہ 18:18

او اِیں شہر دے سڑن دا دُھوواں ڈیکھسن تے افسوس نال اکھیسن ”کیہڑا شہر اِیں عظیم شہر وانگُوں ہا؟“

مُکاشفہ 11:9

تے مختلف اُمتاں، قبیلیاں، زباناں تے قوماں دے لوک اُنہاں دیاں لاشاں کُوں ساڈھے ترے ڈینہہ تئیں ڈیدھے راہسن تے اُنہاں کُوں دفناوݨ نہ ڈیسن۔

یہُوداہ 1:7

اِینویں ای سدُوم تے عمُورہ تے اُوندے آسُوں پاسُوں دے شہراں دے لوک وی زِنا کاری تے بدفعلی کرݨ لگ پئے ہَن۔ تے او ہمیشاں تئیں بلنڑ آلی بھاہ دی سزا بُھگتدے ہوئے عِبرت دا نشان بنڑ گئے۔

2 پطرس 2:6

تے خُدا سدُوم تے عمُورہ دے شہراں کُوں ہلاکت دے لائق قرار ڈے تے اُنہاں کُوں ساڑ تے سواہ کر ڈِتا تے آوݨ آلے زمانہ دے بے دیناں کیتے عِبرت دا نشان بنڑا ڈِتا۔

متّی 10:15

مَیں تُہاکُوں سچ آدھا ہاں جو عدالت دے ڈینہہ سدُوم تے عمُورہ دے علاقے دا حال اُوں شہر دے حال کنُوں زیادہ برداشت دے لائق ہوسی۔

مُکاشفہ 18:2

اُوں اُچی اواز ءچ ہکل ڈے تے آکھیا، ”ڈھے پِیا! عظیم شہر بابل ڈھے پِیا! او بدرُوحاں دا گھر بنڑ گِیا تے ہر بدرُوح دے راہنڑ دی جاہ تے ہر ناپاک تے مکرُوہ پکھیاں دے ٹِکنڑ دی جاہ تھی گِیا۔

مُکاشفہ 16:19

تے او عظیم شہر بابل پھٹ تے ترے ٹوٹے تھی گِیا تے قوماں دے شہر وی تباہ تھی گئے۔ اِینویں خُدا اُوں وڈے شہر بابل دیاں بُرائیاں یاد کیتیاں تاں جو اُونکُوں آپنڑے قہر دے شراب نال بھریا ہویا مُنگر پِلاوے۔

مُکاشفہ 14:8

اُوندے بعد ہِک ڈُوجھا فرشتہ ایہ آدھا ہویا آیا جو ”ڈھے پِیا، او عظیم شہر بابل ڈھے پِیا جئیں آپنڑی حرام کاری تے مستی دا شراب ساریاں قوماں کُوں پِلائی۔“

مُکاشفہ 11:13

اُوں ویلے ہِک وڈا زلزلہ آیا تے شہر دا ڈاہواں حصہ ڈھے پِیا۔ سَت ہزار لوک اُوں زلزلے نال مارے گئے تے جیہڑے باقی بچ گئے، اُنہاں دہشت زدہ تھی تے اسمان دے خُدا دی تعریف کیتی۔

عبرانیوں 6:6

جے او آپنڑے اِیمان کنُوں پِھر ونجنڑ تاں اُنہاں کُوں ولا کنُوں توبہ دو رجُوع کراوݨ ممکن نئیں۔ کیوں جو آپنڑے اِیں کم نال او خُدا دے پوتر کُوں ڈُوجھی پھیری صلیب اُتے چڑھا تے اعلانیہ ذلیل کریندے ہِن۔

اعمال 9:4

او زمین اُتے ڈھے پِیا تے ایہ اواز سُنڑی جو ”ساؤل! ساؤل! تُوں میکُوں کیوں سَتیندیں؟“

مُکاشفہ 18:24

تے اُوں شہر ءچوں نبیاں تے مُقدّساں دا خون مِلیا بلکہ سبھ لوکاں دا خون جیہڑے زمین اُتے قتل کیتے گئے ہَن۔“

مُکاشفہ 17:5

اُوندے متھے اُتے ایہ راز آلا ناں لِکھیا ہا، ”عظیم شہر بابل، سبھ طوائفاں تے زمین دیاں مکرُوہ چیزاں دی ماء۔“

مُکاشفہ 17:1

اُنہاں سَت فرشتیاں ءچوں ہِک جیندے کولھ سَت مُنگر ہَن، میڈے کولھ آ تے آکھیا جو ”میڈے نال آ۔ مَیں تیکُوں ڈِکھیساں جو اُوں وڈی طوائفکُوں کیا سزا مِلنڑ آلی ہے جیہڑی پانڑیاں اُتے بیٹھی ہے۔

مُکاشفہ 14:20

وَل اُنہاں کُوں شہر کنُوں باہر اُوں وڈے حوض ءچ پیراں تلے لتاڑ ڈِتا گِیا تے حوض ءچوں اِتنا خون وہیا جو او گھوڑیاں دیاں لگاماں تئیں پُج تے تقریباً ہِک سو اسّی (180) مِیل تئیں واہندا گِیا۔

مُکاشفہ 17:18

تے جئیں عورت کُوں تَیں ڈِٹھے، او اُوہو عظیم شہر ہے جیہڑا زمین دے بادشاہاں اُتے حکُومت کریندے۔“